Monday, July 20, 2015

Cebuano News: Bag-ong Chief of Staff sa AFP naglaum magpadayon kausaban sa ‘Philippine Army’

From the Philippine Information Agency (Jul 20): Cebuano News: Bag-ong Chief of Staff sa AFP naglaum magpadayon kausaban sa ‘Philippine Army’

Naglaum si Lieutenant General Hernando Iriberri, nga ipadayon ni Major General Edwardo Año ang mga kausaban nga iyang nasugdan sa Philippine Army sa siya pa ang Hepe niini.

Gi-agni usab niya nga dugangan niini ang kakugi sa paghimo’g daghan pa nga mga kausaban aron makab-ot ang gitawag nga “our base camp 2016 transformation targets.”

Samtang si Major General Año, nga mipuli kang Lieutenant General Iriberri, kinsa mao ang natudlo nga Bag-ong ‘Chief of Staff of the Armed Forces of the Philippines (CSAFP),’ sa milabay nga Hulyo 17, mipasalig nga ipatumaw niini ang mga responsibilidad isip bag-o nga ‘Commanding General’ sa ‘Philippine Army.’

“Makasalig ka Sir nga akong bantayan pag-ayo ug hingpit nga gidawat ang akong tahas isip ‘Army Chief,’ si Major General Año namulong, atol sa seremonya sa iyang pagdawat sa katungdanan gikan kang General Iriberri, sa Fort Andres Bonifacion, ning siyudad, bag-ohay pa lamang.

“Akong sumpoon ang tanang mga hulga ug atubangon, sa dakung pagsalig ang paghimo sa unsay angayan himoon aron matunghayan ang katungod ug magpabilin nga magmatinud-anon sa atong Batakang Balaod nga maoy gipangayo sa kasundaluhang Pilipinhon,” pulong pa ni General Aňo.

http://news.pia.gov.ph/article/view/1451437382143/cebuano-news-bag-ong-chief-of-staff-sa-afp-naglaum-magpadayon-kausaban-sa-philippine-army-

No comments:

Post a Comment

Note: Only a member of this blog may post a comment.