Alan Juanito
Spokesperson
NPA North Central Mindanao Regional Operations Command (Julito Tiro Command)
Spokesperson
NPA North Central Mindanao Regional Operations Command (Julito Tiro Command)
Samtang nagkabuang sa pagpanagang si Benigno Aquino III mahitungod sa iyang multi-bilyong kurapsyon didto sa kaulohan, nagmaniobra usab og pagpatuman sa ilang lokal nga bersyon sa Pork Barrel Scam ang mga tag-as nga opisyal sa 4th Infantry Division-Philippine Army. Gihimo nilang gatasan ang laing 53 ka mga pekeng NPA surrenderees human ang pinakaulahing seremonyas sa pagpanumpa niadtong Hulyo 9, 2014 sa Kaamulan Folk Arts Theatre, Malaybalay City, Bukidnon.
Kini nga seremonyas nga ginganlan og “Pagbalik-Loob” ang ika-upat nga hugna sa pekeng pagpasurender karong tuiga, sa pagpangulo ni Maj. Gen. Ricardo Visaya nga commanding officer sa 4th ID. Gipahigayon kini kadungan sa dinagkong operasyong pangkombat sa kabukiran. Apan gihulagway niini ang sigpit ug mabaw nga konsepto sa pagkab-ot sa kalinaw sa rehimeng US-Aquino pinaagi sa Oplan Bayahihan niini nga pagwahing sa unsa mang gikinahanglang katilingbanong kausaban ug nabulit sa kurapsyon.
Sa pagkatinuod, ang giingong 53 ka nagsurender nga NPA halos mga yano lang nga mga mag-uuma ug lumad gikan sa Cabanglasan, Bukidnon ug Loreto, Agusan del Sur. Tungod sa kalisod, nahaylo sila sa pasalig ni Emboy Kasalgayao, ang kriminal ug drug pusher nga ahente sa kasundalohan, nga kuno hatagan ang matag usa kanila og P50,000 kung mosurender.
Apan sukad niadtong Hunyo 9, 2014, gilumloman na ang pipila kanila sa 403rd Brigade ug gipailalom sa halos usa ka bulan nga seminar sa Camp Osito Bahian, Malaybalay City aron gamitong impiltrador ug tigbungkag sa mga rebolusyonaryong organisasyong masa sa ilang mga komunidad. Gipaapas na lang ang uban ug giparada dayon sa medya ug publiko isip rebel returnees dala ang nakadaiyang mga armas, nga halos tanan mga mugbo nga klase ug bisan usa walay naggikan sa arsenal sa NPA. Kini nga mga armas ang pagabayran sa gubyerno ug pangwartahon sa mga opisyal sa ilang Balik-baril Program.
Pagpangawkaw lang ang ultimong tumong niini, gawas syempre sa ilang laraw nga ilaron ang publiko pinaagi sa ilang gidrowing nga mga kadaugan, nga kuno nagkahuyang na ang rebolusyonaryong kalihukan. Dakong bahin sa tinuod nga bayad sa “gisurender” nga mga armas ang ugomon lang sa mga sama ni Maj. Gen. Visaya samtang hatagan lang nila og P2,000-P17,000 ang matag usa, lakip bugas ug binhi. Sa budget nga P50,000 matag usa, mogasto ang gubyerno og P2.6 milyon sa nahisgutang aktibidad. Wala pay labot niini ang kapin-kon-kulang P10 milyones sa nangaging tulo ka hugna alang sa kapin 200 pa ka mga pekeng surrenderees.
Apan ang paggamit sa dakong budget sa AFP aron haylohon ang Pulang hukbo ug ang rebolusyonaryong katawhan dili makapugong sa pag-abante sa rebolusyon, nga gipamatud-an na sa nagkadaghang mga madaugong taktikal nga opensiba sa NPA sa rehiyon sama sa pagsilot kang Mayor Okinlay, mga harassments sa Misamis Oriental ug uban pa. Ang pagwaldas sa publikong buhis diha sa dinagkong burukratikong kurapsyon sama sa naandan sa Pork Barrel King nga si Aquino ug sa iyang mga opisyal sa 4th ID, mas makapahaling pa sa kasuko sa katawhan ug magpatabunok pa sa yuta alang sa mga rebolusyonaryong pag-alsa. Bugtong ang linakang-lakang nga pagpabarog lang sa rebolusyonaryong gubyerno sa katawhan gikan sa kabukiran padulong sa kasyudaran ang dalan sa tinuod nga kalinaw. Pundasyon niini ang pagpakigbisog alang sa mga demokratikong interes sa katawhan, sa tinuod nga reporma sa yuta ug nasudnong industriyalisasyon.
http://www.philippinerevolution.net/statements/20140713_pagsurender-sa-53-ka-pekeng-npa-dakong-kurapsyon-sa-mga-opisyal-sa-4th-id
Kini nga seremonyas nga ginganlan og “Pagbalik-Loob” ang ika-upat nga hugna sa pekeng pagpasurender karong tuiga, sa pagpangulo ni Maj. Gen. Ricardo Visaya nga commanding officer sa 4th ID. Gipahigayon kini kadungan sa dinagkong operasyong pangkombat sa kabukiran. Apan gihulagway niini ang sigpit ug mabaw nga konsepto sa pagkab-ot sa kalinaw sa rehimeng US-Aquino pinaagi sa Oplan Bayahihan niini nga pagwahing sa unsa mang gikinahanglang katilingbanong kausaban ug nabulit sa kurapsyon.
Sa pagkatinuod, ang giingong 53 ka nagsurender nga NPA halos mga yano lang nga mga mag-uuma ug lumad gikan sa Cabanglasan, Bukidnon ug Loreto, Agusan del Sur. Tungod sa kalisod, nahaylo sila sa pasalig ni Emboy Kasalgayao, ang kriminal ug drug pusher nga ahente sa kasundalohan, nga kuno hatagan ang matag usa kanila og P50,000 kung mosurender.
Apan sukad niadtong Hunyo 9, 2014, gilumloman na ang pipila kanila sa 403rd Brigade ug gipailalom sa halos usa ka bulan nga seminar sa Camp Osito Bahian, Malaybalay City aron gamitong impiltrador ug tigbungkag sa mga rebolusyonaryong organisasyong masa sa ilang mga komunidad. Gipaapas na lang ang uban ug giparada dayon sa medya ug publiko isip rebel returnees dala ang nakadaiyang mga armas, nga halos tanan mga mugbo nga klase ug bisan usa walay naggikan sa arsenal sa NPA. Kini nga mga armas ang pagabayran sa gubyerno ug pangwartahon sa mga opisyal sa ilang Balik-baril Program.
Pagpangawkaw lang ang ultimong tumong niini, gawas syempre sa ilang laraw nga ilaron ang publiko pinaagi sa ilang gidrowing nga mga kadaugan, nga kuno nagkahuyang na ang rebolusyonaryong kalihukan. Dakong bahin sa tinuod nga bayad sa “gisurender” nga mga armas ang ugomon lang sa mga sama ni Maj. Gen. Visaya samtang hatagan lang nila og P2,000-P17,000 ang matag usa, lakip bugas ug binhi. Sa budget nga P50,000 matag usa, mogasto ang gubyerno og P2.6 milyon sa nahisgutang aktibidad. Wala pay labot niini ang kapin-kon-kulang P10 milyones sa nangaging tulo ka hugna alang sa kapin 200 pa ka mga pekeng surrenderees.
Apan ang paggamit sa dakong budget sa AFP aron haylohon ang Pulang hukbo ug ang rebolusyonaryong katawhan dili makapugong sa pag-abante sa rebolusyon, nga gipamatud-an na sa nagkadaghang mga madaugong taktikal nga opensiba sa NPA sa rehiyon sama sa pagsilot kang Mayor Okinlay, mga harassments sa Misamis Oriental ug uban pa. Ang pagwaldas sa publikong buhis diha sa dinagkong burukratikong kurapsyon sama sa naandan sa Pork Barrel King nga si Aquino ug sa iyang mga opisyal sa 4th ID, mas makapahaling pa sa kasuko sa katawhan ug magpatabunok pa sa yuta alang sa mga rebolusyonaryong pag-alsa. Bugtong ang linakang-lakang nga pagpabarog lang sa rebolusyonaryong gubyerno sa katawhan gikan sa kabukiran padulong sa kasyudaran ang dalan sa tinuod nga kalinaw. Pundasyon niini ang pagpakigbisog alang sa mga demokratikong interes sa katawhan, sa tinuod nga reporma sa yuta ug nasudnong industriyalisasyon.
http://www.philippinerevolution.net/statements/20140713_pagsurender-sa-53-ka-pekeng-npa-dakong-kurapsyon-sa-mga-opisyal-sa-4th-id
No comments:
Post a Comment
Note: Only a member of this blog may post a comment.