Maoche Legislador
Spokesperson
Negros Island Regional Operational Command (Apolinario Gatmaitan Command)
New People's Army
October 19, 2023
Ang kultura sang impunidad tuman na kalawig sa Armed Forces of the Philippines (AFP) nga natudok na sa pamensaron sang mga soldado nga indi sila sukton sang pumuluyo sa ila mga utang nga dugo.
Ang brutal nga pagpatay sang 79th Infantry Battalion sa mag-asawa nga Christian Job Vargas kag Mailyn Salgado kag iban pa nga pagpanghalit sa mga sibilyan sadtong Oktubre 17 sa Sitio Nabalas 1, Brgy. Canlusong, E.B. Magalona, Negros Occidental, klaro nga mga krimen sa gyera kag may salabton ang mga pwersa sang pasistang estado.
Gamhanan ang mensahe sang pamilya Vargas kag pumuluyo sa Sitio Nabalas 1 bangud nagsugid sila sa matuod nga hitabo. Sa pihak bahin, garok kag pasulit-sulit ang mga tinaga sang mga heneral kag manugtaghol sang 3rd Infantry Battalion, 303rd Brigade kag 79th IB bangud basura kag butig ang nagagwa sa ila mga bibig.
Si Christian Job Vargas kag Mailyn Salgado ang gintortyur kag wala kaluoy nga ginpatay sang mga soldado sang 79th IB. Wala sang armado nga pwersa sang New People’s Army sa Brgy. Canlusong, E.B. Magalona. Wala sang engkwentro nga natabo. Wala sang mga armas kag iban pa nga kagamitan sang NPA nga nakuha sang militar. Wala sang kampo nga ila nasudlan.
Ini ang kamatuoran nga indi matiko.
Ginadayaw sang Apolinario Gatmaitan Command, ang Regional Operational Command sang NPA Negros (AGC-NPA), ang pagtinguha sang mga katapo sang medya nga makuha ang matuod nga hitabo halin mismo sa pumuluyo kag mga biktima. Madamu pa nga mga biktima sang paglapas sa tawhanon nga kinamatarung sa bilog isla sang Negros ang wala nabatian sa ila pagsugid sang matuod bangud ginapahug ang ila kabuhi sang berdugo nga militar.
Ginapanawagan sang AGC-NPA sa mga soldado sang 79th IB nga may konsensya kag matuod nga para sa pumuluyo ang ila balatyagon nga magsugid man sang matuod nga hitabo. Ang matuod nga pag-alagad sa pumuluyo ang may kaisog nga magtindog para sa interes sang pumuluyo. Dapat pamatukan ang mando sang inyo opisyal sa pagpamatay kag pagsabwag sang kakugmat kag kalakasan sa kaumhan, sa baylo protektahan ang pumuluyo.
Sa bahin sang NPA Negros, padayon kami nga mangita sang hustisya para sa tanan nga biktima sang de facto martial law sa isla. Tubtob nagapabilin ang pagpamigos kag pagpanghimulos, indi madula ang basehan sa pagluntad sang NPA kag indi matapos ang demokratiko nga rebolusyon sang banwa.
https://philippinerevolution.nu/statements/kultura-sang-impunidad-ang-ginsaligan-sang-afp/
Ang kultura sang impunidad tuman na kalawig sa Armed Forces of the Philippines (AFP) nga natudok na sa pamensaron sang mga soldado nga indi sila sukton sang pumuluyo sa ila mga utang nga dugo.
Ang brutal nga pagpatay sang 79th Infantry Battalion sa mag-asawa nga Christian Job Vargas kag Mailyn Salgado kag iban pa nga pagpanghalit sa mga sibilyan sadtong Oktubre 17 sa Sitio Nabalas 1, Brgy. Canlusong, E.B. Magalona, Negros Occidental, klaro nga mga krimen sa gyera kag may salabton ang mga pwersa sang pasistang estado.
Gamhanan ang mensahe sang pamilya Vargas kag pumuluyo sa Sitio Nabalas 1 bangud nagsugid sila sa matuod nga hitabo. Sa pihak bahin, garok kag pasulit-sulit ang mga tinaga sang mga heneral kag manugtaghol sang 3rd Infantry Battalion, 303rd Brigade kag 79th IB bangud basura kag butig ang nagagwa sa ila mga bibig.
Si Christian Job Vargas kag Mailyn Salgado ang gintortyur kag wala kaluoy nga ginpatay sang mga soldado sang 79th IB. Wala sang armado nga pwersa sang New People’s Army sa Brgy. Canlusong, E.B. Magalona. Wala sang engkwentro nga natabo. Wala sang mga armas kag iban pa nga kagamitan sang NPA nga nakuha sang militar. Wala sang kampo nga ila nasudlan.
Ini ang kamatuoran nga indi matiko.
Ginadayaw sang Apolinario Gatmaitan Command, ang Regional Operational Command sang NPA Negros (AGC-NPA), ang pagtinguha sang mga katapo sang medya nga makuha ang matuod nga hitabo halin mismo sa pumuluyo kag mga biktima. Madamu pa nga mga biktima sang paglapas sa tawhanon nga kinamatarung sa bilog isla sang Negros ang wala nabatian sa ila pagsugid sang matuod bangud ginapahug ang ila kabuhi sang berdugo nga militar.
Ginapanawagan sang AGC-NPA sa mga soldado sang 79th IB nga may konsensya kag matuod nga para sa pumuluyo ang ila balatyagon nga magsugid man sang matuod nga hitabo. Ang matuod nga pag-alagad sa pumuluyo ang may kaisog nga magtindog para sa interes sang pumuluyo. Dapat pamatukan ang mando sang inyo opisyal sa pagpamatay kag pagsabwag sang kakugmat kag kalakasan sa kaumhan, sa baylo protektahan ang pumuluyo.
Sa bahin sang NPA Negros, padayon kami nga mangita sang hustisya para sa tanan nga biktima sang de facto martial law sa isla. Tubtob nagapabilin ang pagpamigos kag pagpanghimulos, indi madula ang basehan sa pagluntad sang NPA kag indi matapos ang demokratiko nga rebolusyon sang banwa.
https://philippinerevolution.nu/statements/kultura-sang-impunidad-ang-ginsaligan-sang-afp/
No comments:
Post a Comment
Note: Only a member of this blog may post a comment.