Dionesio Magbuelas
Spokesperson
NPA-South Central Negros (Mt. Cansermon Command)
Negros Island Regional Operational Command (Apolinario Gatmaitan Command)
New People's Army
September 14, 2023
Paagi sang mapanghalit nga Joint Enhanced Military and Police Operation (JEMPO) sang Armed Forces of the Philippines (AFP) kag Philippine National Police (PNP), duha ka mangunguma ang biktima sang mga kalapasan sa tawhanon nga kinamatarung kag gindakop sang gintingub nga tropa sang 62nd IB, 2nd PNP-SAF, 300th Air Intelligence Wing, Philippine Air Force kag Regional Intelligence Unit 6 sadtong Setyembre 10 sang kaagahon sa Sityo Mainit, Brgy. Santol, Binalbagan, Negros Occidental.
Ginkilala ang duha ka mangunguma nga sanday Judy Blazer kag Junjie Camanso pareha nga nagapuyo sa bukiron nga bahin sang Binalbagan. Magluwas nga gina-alegar nga may kaangot sila sa NPA, ginpasakaan man sila sang pato-pato nga kaso.
Si Judy Blazer, 61 anyos, isa ka mangunguma nga kilala sa halos bilog pumuluyo sa ila baryo. Miyembro siya sadto sang panatiko nga grupo nga Greenan, isa ka paramilitar nga grupo nga gin-armasan kag ginapunduhan sang AFP halin pa sadtong dekada 90 sang pagpungko ni anay Presidente Cory Aquino. Nagalunsar sang indi makatawo nga mga aktibidad ang AFP upod ang ila paramilitar nga grupong Greenan batuk sa pumuluyo kag rebolusyonaryo nga kahublagan sa sakop sang boundary sang Binalbagan, Isabela, Negros Ocidental, kag sa Jimalalud kag La Libertad sakop sang Negros Oriental.
Bangud sang indi mabatas ni Blazer ang ginahimo sang iya mga kaupdanan sa panatiko nga grupo sadto kag sa militar, wala siya naglawig sa amo nga grupo kag nagpili nga mangabuhi sang matarung. Amo man ini ang rason ngaa gin-initan ini siya sang mga katapo sang AFP kag ginapangita bangud madamo man nga kagrupo niya nga nagpahuway nga nag-upod ni Blazer.
Ang pagdakop sa duha ka mangunguma isa ka pagpahamot sa publiko para tabunan ang ila kahuy-anan nga sa pihak sang ila ginlunsar nga JEMPO kag sustenido nga pokus operasyon sa amo nga lugar, wala sila nakaangkon sang kadalag-an kag wala nakakita sang ila ginapangita nga yunit sang NPA. Kahuluya sa ila nga naglab-ot sang halos 200 ka tropa sa nagkalain-lain nga yunit sang militar kag pulis ang nag-operasyon kombat apang wala man sila sang nadakpan nga NPA ukon natabo nga engkwentro.
Desperado ini nga tikang ang pagdakop sa tigulang nga halos indi na gani makakita kon maglakat para lang ipresentar nga nakanyutralisa naman sila sang duha ka NPA. Nagakinahanglan bala sang pila ka gatos nga gintingub nga tropa para lang dakpon ang isa ka tigulang? Ukon nagapakita lang sang pwersa agud magsabwag sang kahadlok sa pumuluyo kag mahatagan rason ang ila sobra nga gasto kag korapsyon?
Ang pagdakop sang mga lunsay mangunguma sa Brgy. Santol kaangay sang natabo sa katambi nga baryo sini, sa Carabalan sakop sang Himamaylan City, nga gindakop man sang gintingub nga pwersa sang PNP kag AFP ang duha ka tigulang nga mangunguma nga sanday Romeo Balsimo kag Lodorico But-ay.
Mas nagpakita lang ini sang kapintas sang AFP-PNP. Ang sunod-sunod nga pagdakop sa mga mangunguma nga ginapasibangdan nga may angot sa NPA kabahin sa ila maitom nga propaganda kag paagi sang pagsusteni sa ila kuno momentum nga lubos mawasak ang NPA sa bilog Negros.
Akig na ang pumuluyo sa madamu nga mga pagpanglapas sa tawhanon nga kinamatarung sang mga pasista nga AFP kag PNP. Segurado nga maghinulsol ang mga pwersa sang estado sa ila pagtulod sa pumuluyo nga magbato paagi sa armado nga paghimakas. Ang hanay sang NPA nga may lubos nga suporta sang pumuluyo ang padayon nga maglapad bangud mas athag pa gid subong ang pagkamakatarungan sang inaway banwa.###
https://philippinerevolution.nu/statements/duha-ka-mangunguma-gindakop-sang-afp-kag-pnp-sa-binalbagan/
Paagi sang mapanghalit nga Joint Enhanced Military and Police Operation (JEMPO) sang Armed Forces of the Philippines (AFP) kag Philippine National Police (PNP), duha ka mangunguma ang biktima sang mga kalapasan sa tawhanon nga kinamatarung kag gindakop sang gintingub nga tropa sang 62nd IB, 2nd PNP-SAF, 300th Air Intelligence Wing, Philippine Air Force kag Regional Intelligence Unit 6 sadtong Setyembre 10 sang kaagahon sa Sityo Mainit, Brgy. Santol, Binalbagan, Negros Occidental.
Ginkilala ang duha ka mangunguma nga sanday Judy Blazer kag Junjie Camanso pareha nga nagapuyo sa bukiron nga bahin sang Binalbagan. Magluwas nga gina-alegar nga may kaangot sila sa NPA, ginpasakaan man sila sang pato-pato nga kaso.
Si Judy Blazer, 61 anyos, isa ka mangunguma nga kilala sa halos bilog pumuluyo sa ila baryo. Miyembro siya sadto sang panatiko nga grupo nga Greenan, isa ka paramilitar nga grupo nga gin-armasan kag ginapunduhan sang AFP halin pa sadtong dekada 90 sang pagpungko ni anay Presidente Cory Aquino. Nagalunsar sang indi makatawo nga mga aktibidad ang AFP upod ang ila paramilitar nga grupong Greenan batuk sa pumuluyo kag rebolusyonaryo nga kahublagan sa sakop sang boundary sang Binalbagan, Isabela, Negros Ocidental, kag sa Jimalalud kag La Libertad sakop sang Negros Oriental.
Bangud sang indi mabatas ni Blazer ang ginahimo sang iya mga kaupdanan sa panatiko nga grupo sadto kag sa militar, wala siya naglawig sa amo nga grupo kag nagpili nga mangabuhi sang matarung. Amo man ini ang rason ngaa gin-initan ini siya sang mga katapo sang AFP kag ginapangita bangud madamo man nga kagrupo niya nga nagpahuway nga nag-upod ni Blazer.
Ang pagdakop sa duha ka mangunguma isa ka pagpahamot sa publiko para tabunan ang ila kahuy-anan nga sa pihak sang ila ginlunsar nga JEMPO kag sustenido nga pokus operasyon sa amo nga lugar, wala sila nakaangkon sang kadalag-an kag wala nakakita sang ila ginapangita nga yunit sang NPA. Kahuluya sa ila nga naglab-ot sang halos 200 ka tropa sa nagkalain-lain nga yunit sang militar kag pulis ang nag-operasyon kombat apang wala man sila sang nadakpan nga NPA ukon natabo nga engkwentro.
Desperado ini nga tikang ang pagdakop sa tigulang nga halos indi na gani makakita kon maglakat para lang ipresentar nga nakanyutralisa naman sila sang duha ka NPA. Nagakinahanglan bala sang pila ka gatos nga gintingub nga tropa para lang dakpon ang isa ka tigulang? Ukon nagapakita lang sang pwersa agud magsabwag sang kahadlok sa pumuluyo kag mahatagan rason ang ila sobra nga gasto kag korapsyon?
Ang pagdakop sang mga lunsay mangunguma sa Brgy. Santol kaangay sang natabo sa katambi nga baryo sini, sa Carabalan sakop sang Himamaylan City, nga gindakop man sang gintingub nga pwersa sang PNP kag AFP ang duha ka tigulang nga mangunguma nga sanday Romeo Balsimo kag Lodorico But-ay.
Mas nagpakita lang ini sang kapintas sang AFP-PNP. Ang sunod-sunod nga pagdakop sa mga mangunguma nga ginapasibangdan nga may angot sa NPA kabahin sa ila maitom nga propaganda kag paagi sang pagsusteni sa ila kuno momentum nga lubos mawasak ang NPA sa bilog Negros.
Akig na ang pumuluyo sa madamu nga mga pagpanglapas sa tawhanon nga kinamatarung sang mga pasista nga AFP kag PNP. Segurado nga maghinulsol ang mga pwersa sang estado sa ila pagtulod sa pumuluyo nga magbato paagi sa armado nga paghimakas. Ang hanay sang NPA nga may lubos nga suporta sang pumuluyo ang padayon nga maglapad bangud mas athag pa gid subong ang pagkamakatarungan sang inaway banwa.###
https://philippinerevolution.nu/statements/duha-ka-mangunguma-gindakop-sang-afp-kag-pnp-sa-binalbagan/
No comments:
Post a Comment
Note: Only a member of this blog may post a comment.