CPP/NDF-Northeast Mindanao: Paghatag og ganti ni Cong. Pichay sa pagpatay sa lider sa NPA nagpakita sa mersenaryong kinaiya sa AFP

Propaganda statement posted to the Communist Party of the Philippines (CPP) Website (Jul 5, 2021): Paghatag og ganti ni Cong. Pichay sa pagpatay sa lider sa NPA nagpakita sa mersenaryong kinaiya sa AFP

MARIA MALAYA

SPOKESPERSON

NDF-NORTHEAST MINDANAO

NATIONAL DEMOCRATIC FRONT OF THE PHILIPPINES

JULY 05, 2021

Ang pagbahad ni Congressman Butch Pichay nga iyang dugangan og 4 pa ka laing batalyon sa AFP ang Caraga ug pagdugang og ganti sa pagdakop o pagpatay sa mga lider sa BHB dugang nagpakita sa pagkamersenaryo o sinuholan sa AFP.

Ang maong pamahayag gihimo ni Butch Pichay human gipahamtangan og silot ang construction company sa iyang brother-in-law nga si Paolo Lopez.

Mahinumduman nga niadtong Hunyo 24, 2021 giatake sa mga Pulang manggugubat ang armadong mga security sa MR1 Construction didto sa Lanuza, Surigao del Sur. Buot lamang disarmahan sa mga Pulang manggugubat ang mga nagsecurity apan nisukol kini ug namatay ang 1 samtang samdan ang lain pang 1 ka security nga mga CAFGU o CAA.

Nakumpiska sa BHB ang 2 ka M16 armalite rifle, 1 ka Shotgun, 1 ka 45 cal. pistol, 2 ka mga bandolier, 8 ka VHF handheld radio ug ubay-ubay nga mga buhing bala. Gisunog usab ang 2 ka mga backhoe ug usa ka pison. Human niadto giambush sa BHB ang RMG-PNP nga dali kaayong niresponde.

Nagpamatuod lamang kini nga:

Ang mga CAFGU o CAA nga gigastuhan ang training sa buhis sa katawhan gigamit ni Cong. Pichay isip mga personal nga security sa kompanya sa iyang brother-in-law nga si Paolo Lopez;

Gigamit ang RMG-PNP, nga usa ka ispesyal nga pwersa sa kapulisan, isip gwardya sa kompanya sa pamilya sa usa ka congressman;

Sinuhulan ug nagsilbi sa personal nga interes sa mga politiko ang AFP.

Human sa panghitabo, niadtong Hunyo 25, 2021, gipatawag dayon ni Butch Pichay ang mga kadagkuan sa AFP ug PNP. Dali-daling niadto sila ni Lt.Gen Greg Almerol, Komander sa East Mindanao Command; BGen Oliver Vesliño, Acting Commander sa 4ID; BGen George Banzon, 901st BDE Commander; LtCol Michael Rey Reuyan, 36IB Commander; PCol James Goforth, Provincial Director sa PNP Surigao del Sur. Ilang gisabutan ang mga lakang nga himoon.

Dili na ikatingala ang maong lakang ni Cong. Pichay. Nailhan kini sa pagkalambigit sa korapsyon ug paggamit sa posisyon niini sa gobyerno alang sa personal nga kabulahanan. Usa siya sa mga nag-unang alipures sa napriso tungod sa korapsyon nga kanhing Presidente Gloria Macapagal-Arroyo diin siya ang “bagman” o kolektor sa suborno gikan sa mga kompanya sa mina.

https://cpp.ph/statements/paghatag-og-ganti-ni-cong-pichay-sa-pagpatay-sa-lider-sa-npa-nagpakita-sa-mersenaryong-kinaiya-sa-afp/