CPP/NPA-Northeast Mindanao ROC: 3rd SFB, nagmasaker sa 3 ka sibilyan nga Lumad, nagtanom og armas aron tabunan ang krimen

Propaganda statement posted to the Communist Party of the Philippines (CPP) Website (Jul 2, 2021):  3rd SFB, nagmasaker sa 3 ka sibilyan nga Lumad, nagtanom og armas aron tabunan ang krimen

ARIEL MONTERO

SPOKESPERSON

NORTHEAST MINDANAO REGIONAL OPERATIONAL COMMAND

NEW PEOPLE'S ARMY

JULY 02, 2021

Hugtanong gikondena sa Bagong Hukbong Bayan sa North Eastern Mindanao Region (BHB-NEMR) ang pagmasaker sa 3 ka sibilyang Lumad nga gihimo sa mga tropa sa 3 rdSpecial Forces Battalion (SFB) ug ang pagtabon sa maong krimen.

Niadtong Hunyo 15, 2021, gipaarakan og pamusil ang 3 ka sibilyang Lumad sa nag-operisyon nga mga tropa sa 3 rdSFB didto sa Sitio Decoy, Brgy. Lianga, Surigao del Sur. Ang mga biktima nga sila si Willy Rodriguez, Lenie Rivas ug ang iyang 12 anyos nga igsoon nga si Angel Rivas pulos mga sibilyan ug lumulopyo sa Sitio Manluy-a, Diatagon. Padulong ang 3 sa sentro sa komunidad aron mopalit og dugang pagkaon nga dalhon balik sa ilang kaubanan nga padayong naghag-otog abaka sa dihang gimasaker sila sa mga sundalo.

Ang pagmasaker sa mga sibilyan ug pagtanom og armas aron ipakita nga nisukol, Standard Operating Procedure (SOP) o nabatasan na sa AFP ug PNP ilabina ubos ni Duterte. Ingon ani kamangtas ang mga sundalo: bisan nakaila sila nga mga sibilyan ang mga biktima naka ako sila pagdeklara nganisukol nga mga NPA kini, ngilngig nga gipanamastamasan ang mga patay’ng lawas, giposing ug gitamnan og armas. Nakaila ang mga sundalo sa 3 rdSFB tungod dugay na nagkampo ang militar sa Manluy-a ug nag-establisar sila og detatsment. Gani si Willykanunay ginapatawag ug gipamalihugsa mga sundalo sa paghimoog pul-ansa sundang ug nakaila usab sila sa amahan niini. Ang tanan gihimo sa 3 rd SFB, 401 st IBrigade, 4 th ID, Eastmincom sa Philippine Army ug NTF-ELCAC aron tabunan ang masaker.

Gihasi ug gibaharan sa mga tropa sa 3rd SFB ang mga ginikanan ug paryente, apil na ang mga taga-komunidad batok sa paghatag og pamahayag kabahin sa panghitabo ngadto sa mga nag-imbestiga o sa media. Nagtukmod kini sa mga lumulupyo nga mobakwit na usab tungod sa kahadlok.

Namakak na usab ang AFP. Hunyo 21, 2021 nag-presscon ang militar og mga datu sa NCIP uban si NTF-ELCAC Usec Lorraine Badoy ug kadagkuan sa AFP ug NTF-ELCAC apil na si NTF-ELCAC Chair Gen. Esperon didto sa Butuan City. Dakung bakak ang gisaysay nga panghitabo ni Colonel Benedict Harvey Gernale, Commanding Officer sa 3rd Special Forces Battalion, Philippine Army. Samtang ang mga datu sa NCIP gipangunahan ni Rico Maca niingon nga respetohon kuno ang tradisyon sa Lumad nga husayon sa ilang kaugalingon ang maong panghitabo.

Gigamit ang mga Lumad pinaagi sa NCIP aron tabunan ang gihimong masaker sa 3rd SFB. Hunyo 23, 2021, kakunsabo ang mga tinudlo ngaLumad lider sa NCIP nagpahigayon og peke nga kalihukan sila didto sa Kansilad Resort sa Lianga, Surigao del Sur sa “paghusay” tali sa ginikanan sa mga biktima ug militar, naghimohimo og ritwal nga ilang ginganlan og Dungaan/Husoynga subay kuno sa Manobo Customary Laws ug gihatagan og kwarta bugti sa kamatayon sa 3 nga ilang brutal nga gipatay. Angayan lamang nga hatagan ang mga ginikanan og indemnipikasyon ug angayan lamang nga dawaton nila ang maong kantidad. Apan wala kini magpasabot nga dawaton ang bakak sa militar nga NPA ang ilang mga anak. Mapakahigmata unta kini sa mga lider Lumad nga tinudlo sa NCIP nga gigamit lamang gyud sila sa militar batok sa ilang isig-ka-lumad.

Matabunan man sa AFP ug NTF-ELCAC ang masaker sa nasudnong balita apan sa mga komunidad nga gigikanan sa mga biktima ug mga kasikbit nga lugar, ang kamatuoran magpabilin: gimasaker nila ang mga sibilyan ug ila kining gitabunan.

Dili na kini bag-o nga binuhatan sa AFP.

Mahinumduman nga niadtong Septembre 1, 2015 gimasaker sa paramilitar nga Magahat-Bagani ang 2 ka lider Lumad nga sila Dionel Campos ug Jovillo Sinzo ug magtutudlo nga si Emerito Samarca atubang sa gatusan ka mga lumulopyo. Niadtong November 28, 2020 gipusil patay usab nila ang walay armas ug dili makasukol nga si Ka Rheb didto sa bukid sa Marihatag ug giposing ang patay’ng lawas nga naghawid og pusil aron ipakita nga nisukol. Niadtong Disyembre 10, 2020, gipatay nila ang nagpatambal nga NDFP-Mindanao tigpamaba nga si Joaquin Jacinto ug kauban niini didto sa Tandag City ug gitamnan usab kini og mga armas.

Ang rebolusyonaryong kalihukan, pinaagi sa BHB-NEMR, mohimo og lakang aron matagamtaman sa pamilya sa mga biktima ang hustisya sa pagkamatay ug pagpanamastamas sa mga sibilyan.

https://cpp.ph/statements/25140-2/