CPP/NPA-Central Negros: Aksyon Punitibo Batok sa Masupog nga Elemento sang CAA, Ginlunsar sang LPC-NPA

Propaganda statement posted to the Communist Party of the Philippines (CPP) Website (Feb 5, 2021): Aksyon Punitibo Batok sa Masupog nga Elemento sang CAA, Ginlunsar sang LPC-NPA

JB REGALADO

SPOKESPERSON

NPA-CENTRAL NEGROS (LEONARDO PANALIGAN COMMAND)

NEGROS ISLAND REGIONAL OPERATIONAL COMMAND (APOLINARIO GATMAITAN COMMAND)

NEW PEOPLE'S ARMY

FEBRUARY 05, 2021

Share and help us bring this article to more readers.

Madinalag-on nga ginlunsar sang Special Partisan Operation (SPARO)- Team sang Leonardo Panaligan Command- New People’s Army (LPC-NPA) ang isa ka aksyon punitibo sa isa ka Masupog nga katapo sang Civilian Armed Auxillary (CAA) sadtong Enero 28, 2021, alas 9:00 sang aga sa So. Mansalahid, Brgy. Luz, Guihulngan City, Negros Oriental.

Gintiro-patay si Mico Denoy, 28 anyos nga residente sang So. Lumurang, Brgy. Henakpan sang nasambit nga syudad. Aktibo nga naga duty bilang CAA sa Paradise CAA Detachment sa So. Paradise, Brgy. Imelda, Guihulngan City.

Hustisya ini sa tanan nga pumuluyo nga biktima sang nagapadayon nga pagtapak sang tawhanon nga kinamatarong kag paglunsar sang madinuguon nga Oplan Sauron sa pagpangulo sang 62nd Infantry Battalion Philippine Army (IBPA), 94th IBPA, Philippine National Police (PNP) kag mga CAFGU bilang suluguon sini.

Isa ka lehitimo nga target sang rebolusyonaryong kahublagan ang mga masupog kag bat-ulan nga katapo sang AFP, PNP, CAFGU kag mga intelligence assets sini bangud sa masingki sini nga pagbayolar sang tawhanon nga kinamatarong sang pumuluyo pareho sang ekstra-hudisyal nga pagpamatay, pagpangkastigo kag pagpangtortyur, pagpamomba sa kalasangan malapit sa komunidad, illegal nga pagpang-aresto, puguso nga pagpangrekrut sa mga pamatan-on nga kalalakinhan nga magpatapo sa CAFGU kag pilit nga pagpasurender sa mga inosente nga mga sibilyan kag ultimong mangunguma sa sakop sang Central Negros.

Apang indi tanan nga katapuan sini ang kaaway sang rebolusyonaryong hublag. Nagabukas ang LPC-NPA sa pagpakig-abyan kag nagapanawagan sang boluntaryo nga pagsungka sini pinaagi sa sekretong pqgpakig-angot para mapa-klaro ang istatus sini sa rebolusyonaryong kahublagan.

Indi mag-untat sa pagsulong sang armadong paghimakas ang LPC-NPA kaupod sa malapad nga pumuluyo para maangkon ang tinud-anay nga hustisya para sa mga biktima sang padayon nga pagpanglapas sang tawhanon nga kinamatarong sang mga berdugong militar kag pulisya.

Panindugan ang tawhanon nga kinamatarong! Maghimakas kag maghugpong para wasakon ang pasistang paghari sang rehimeng US-Duterte!

https://cpp.ph/statements/aksyon-punitibo-batok-sa-masupog-nga-elemento-sang-caa-ginlunsar-sang-lpc-npa/