From the Philippine Information Agency (Oct 14, 2020): Cebuano News: NPA nga mingtahan sa kagamhanan, nagkadaghan (By Rey Anthony H. Chiu)
GITUNOL SA KAGAMHANAN ANG HINABANG GIKAN SA ECLIP. Gitunol sa mga tinugyanan sa kagamhanan nga girepresentahan ni Gob. Arthur Yap ngadto sa mga kanhi sakop sa mga rebeldo ug karon, kauban na sa reporma, ang hinabang kapanginabuhi-an lakip na ang bag-ong kaugmaon, ug kini gisaksihan ni 47IN CMO Officer 1Lt. Elma Grace Abulencia. (PIA Bohol /47IB)
TAGBILARAN CITY, Bohol, Oct. 14 (PIA) -- Tagsa tagsa nag pangatagak ang mga gitahud nga mga karaan sa kahugpungan, diha nga usa ka 61 anyos nga taga Ubay nga sakop sa armado nga New People’s Army (NPA) ang mitahan sa iyang kaugalingon ngadto sa local nga opisyal sa lungsod, niining bag-o lamang.
Gipa-ila sa mga kasundalohan ang mingtahan nga si Samuel Golosino Avenido, kinsa nailhan sa kalihukan nga si alias "Admiral," "Sadu" human naniguwang na lang sa kalihukan nga wala gyud matuman ang mga saad nga ihatag unta sa tanan nga sama kaniya nga nakigbisug ug gipusta ang kinabuhi.
Segun sa kasayuran gikan sa 47th Infantry Battalion, si Avenido aktibo nga armadong sakop sa mga rebelde nga terorista isip sakop sa Sandatahan Yunit Pampropaganda, Bohol Party Committee ug siya giila isip haligi sa Hugpong sa mga Mag-uuma nga Bol-anon, usa ka local nga kahugpungan nga mipasilong sa Kilusang Magbubukid nga Pilipinas (HUMABOL-KMP).
Lumad nga taga Purok 4 sa Achila Ubay, si Avenido ilado nga organizer sa mga mananagat ug mag-uuma sama sa PAFFO, BFFO, USOFO, ASFA ug NAGMASAJO, ug may daghan na nga mga armadong engkwentro kaniadto nga iyang giapilan.
Si Avenido, mingtahan ngadto sa mga sakop sa Ubay Municipal Police Station diin misaksi niini si Mayor Constantino Reyes kinsa una nga giduol ni Avenido, aron magpakitabang.
Ang pagtahan ni Avenido, mingsunod na usab sa pagtahan sa usa ka gipaila na usab nga Joseph Gulle Galagar, lain nga aktibong sakop sa NPA nga mingtahan sa kapolisan sa Candijay niadtong Septembre 2.
Si Galagar aktibo usan nga nagdugtong sa mga kalihukan nga walhon pinaagi sa paghatag sa panakyanan para makatabok sa lawod ang mga manggugubat gikan sa Bohol tabok sa Sugbo, ug Negros Oriental, samtang nangulo sa usa ka aktibong kalihukan sa mga mananagat sa Cogtong Candijay.
Si Galagar, lain usab nga biktima sa saad nga wala matuman samtang nakahunahuna nga mas luwas ug may maayong ugma ang magpuyo nga malinawon kay sa magpabukid nga magkupo sa tun-og og magsapnay sa kanunay nga kagutom.
Kini usab samtang gitaho sa 302nd Infantry Division nga karon tua nagbase sa Negros, ang pagtahan usab sa amahan ug 16 anyos nga anak nga sakop sa Yunit Militia sa mga NPA didto sa Negros Oriental.
Ang amahan gipaila nga si alias Joker, 40 anyos nga sakop sa Yunit Militia ug ang iyang 16 anyos nga anak nga si alias Jacking, medical officer sa Sentro de Gravidad Platoon sa Central Negros Front 2.
Sa ilang pagtahan, bitbit ni alias Joker ang .38 nga revolver ug mga buhing bala samtang gitahan usab ni alias Jacking ang usa ka Caliber .30 nga Springfield sniper rifle.
Matud pa ni alias Joker sa mga taho nga gipaambit sa 94th Infantry Battalion, ang unit nga gitahanan sa duha, nga ang sunod sunod nga mga combat operations sa nga kalungsuran sa Negros Oriental maoy nakapahingawa kaniya kabahin sa ilang kaluwasan sa iyang anak.
Matud pa, bisan kon unsaon pa, moabut ra gyud ang panahon nga maapsan ra sila sa mga military ug dili makaako ang amahan nga makita ang patay nga lawas sa iyang anak.
Angayan lang gayud nga iyang mapatuman ang iyang mga ambisyon sa kinabuhi, matud pa ni Joker alang sa anak nga si Jacking.
Matud pa, 11 anyos pa lamang si Jacking dihang giaghat siya nga magpabukid.
Bisan pa niini, nakaapil na kini sa gubat diin gikataho nga tulo sa mga sundalo ang namatay bisan pa nga daghan usab ang namatay sa mga rebelde apan nabitbit ug nahipos ra nila ang mga patay nga lawas aron dili mailhan.
Sama nila ni Avenido ug Galagar, si Joker ug Jacking usab abagan sa mga kasundalohan aron mapailawom sa Enhanced Comprehensive Local Integration Program (ECLIP) sa kagamhanan.
Niini, gibutyag ni Brig General Noel Baluyan sa 302nd Infantry Brigade nga ang mga kabataan sama nila ni Jacking ug uban pang naa pa gihapon sa bukid, walay luna sa mga panggubatan.
“Dili sila angayan nga manginabuhi sa kasamok ug kahadlok. Angayan kanila ang mga pagpasilong sa mga panimalay ug mga komunidad nga moanuma kanila. Angay kanila ang naa sa mga eskwelahan nga makaedukar kanila alang sa mas dan-ag nga kaugmaon,” matud ni Gen Baluyan. .
Niini, atong gisaway pag ayo ang mga CNT's sa ilang pagpangrekrut sa mga kabataan aron ipanggubat nga supak sa mga prinsipyo sa International Humanitarian Law ug ubang balaod ilabi na sa nagpanalipod sa mga bata gikan sa armadong pagpakigbangi,” dugang ni 302nd Infantry Brigade Commander Gen Baluyan. (rahc/PIA-7/Bohol)
Gipa-ila sa mga kasundalohan ang mingtahan nga si Samuel Golosino Avenido, kinsa nailhan sa kalihukan nga si alias "Admiral," "Sadu" human naniguwang na lang sa kalihukan nga wala gyud matuman ang mga saad nga ihatag unta sa tanan nga sama kaniya nga nakigbisug ug gipusta ang kinabuhi.
Segun sa kasayuran gikan sa 47th Infantry Battalion, si Avenido aktibo nga armadong sakop sa mga rebelde nga terorista isip sakop sa Sandatahan Yunit Pampropaganda, Bohol Party Committee ug siya giila isip haligi sa Hugpong sa mga Mag-uuma nga Bol-anon, usa ka local nga kahugpungan nga mipasilong sa Kilusang Magbubukid nga Pilipinas (HUMABOL-KMP).
Lumad nga taga Purok 4 sa Achila Ubay, si Avenido ilado nga organizer sa mga mananagat ug mag-uuma sama sa PAFFO, BFFO, USOFO, ASFA ug NAGMASAJO, ug may daghan na nga mga armadong engkwentro kaniadto nga iyang giapilan.
Si Avenido, mingtahan ngadto sa mga sakop sa Ubay Municipal Police Station diin misaksi niini si Mayor Constantino Reyes kinsa una nga giduol ni Avenido, aron magpakitabang.
Ang pagtahan ni Avenido, mingsunod na usab sa pagtahan sa usa ka gipaila na usab nga Joseph Gulle Galagar, lain nga aktibong sakop sa NPA nga mingtahan sa kapolisan sa Candijay niadtong Septembre 2.
Si Galagar aktibo usan nga nagdugtong sa mga kalihukan nga walhon pinaagi sa paghatag sa panakyanan para makatabok sa lawod ang mga manggugubat gikan sa Bohol tabok sa Sugbo, ug Negros Oriental, samtang nangulo sa usa ka aktibong kalihukan sa mga mananagat sa Cogtong Candijay.
Si Galagar, lain usab nga biktima sa saad nga wala matuman samtang nakahunahuna nga mas luwas ug may maayong ugma ang magpuyo nga malinawon kay sa magpabukid nga magkupo sa tun-og og magsapnay sa kanunay nga kagutom.
Kini usab samtang gitaho sa 302nd Infantry Division nga karon tua nagbase sa Negros, ang pagtahan usab sa amahan ug 16 anyos nga anak nga sakop sa Yunit Militia sa mga NPA didto sa Negros Oriental.
Ang amahan gipaila nga si alias Joker, 40 anyos nga sakop sa Yunit Militia ug ang iyang 16 anyos nga anak nga si alias Jacking, medical officer sa Sentro de Gravidad Platoon sa Central Negros Front 2.
Sa ilang pagtahan, bitbit ni alias Joker ang .38 nga revolver ug mga buhing bala samtang gitahan usab ni alias Jacking ang usa ka Caliber .30 nga Springfield sniper rifle.
Matud pa ni alias Joker sa mga taho nga gipaambit sa 94th Infantry Battalion, ang unit nga gitahanan sa duha, nga ang sunod sunod nga mga combat operations sa nga kalungsuran sa Negros Oriental maoy nakapahingawa kaniya kabahin sa ilang kaluwasan sa iyang anak.
Matud pa, bisan kon unsaon pa, moabut ra gyud ang panahon nga maapsan ra sila sa mga military ug dili makaako ang amahan nga makita ang patay nga lawas sa iyang anak.
Angayan lang gayud nga iyang mapatuman ang iyang mga ambisyon sa kinabuhi, matud pa ni Joker alang sa anak nga si Jacking.
Matud pa, 11 anyos pa lamang si Jacking dihang giaghat siya nga magpabukid.
Bisan pa niini, nakaapil na kini sa gubat diin gikataho nga tulo sa mga sundalo ang namatay bisan pa nga daghan usab ang namatay sa mga rebelde apan nabitbit ug nahipos ra nila ang mga patay nga lawas aron dili mailhan.
Sama nila ni Avenido ug Galagar, si Joker ug Jacking usab abagan sa mga kasundalohan aron mapailawom sa Enhanced Comprehensive Local Integration Program (ECLIP) sa kagamhanan.
Niini, gibutyag ni Brig General Noel Baluyan sa 302nd Infantry Brigade nga ang mga kabataan sama nila ni Jacking ug uban pang naa pa gihapon sa bukid, walay luna sa mga panggubatan.
“Dili sila angayan nga manginabuhi sa kasamok ug kahadlok. Angayan kanila ang mga pagpasilong sa mga panimalay ug mga komunidad nga moanuma kanila. Angay kanila ang naa sa mga eskwelahan nga makaedukar kanila alang sa mas dan-ag nga kaugmaon,” matud ni Gen Baluyan. .
Niini, atong gisaway pag ayo ang mga CNT's sa ilang pagpangrekrut sa mga kabataan aron ipanggubat nga supak sa mga prinsipyo sa International Humanitarian Law ug ubang balaod ilabi na sa nagpanalipod sa mga bata gikan sa armadong pagpakigbangi,” dugang ni 302nd Infantry Brigade Commander Gen Baluyan. (rahc/PIA-7/Bohol)
https://pia.gov.ph/news/articles/1055959
No comments:
Post a Comment
Note: Only a member of this blog may post a comment.