SYUDAD SANG ROXAS, Capiz, Enero 22 (PIA) – Ang Retooled Community Support Program (RCSP) amo ang mangin alagyan agud nga matagaan sang katumanan ang katuyuan sang Executive Order No. 70 ni Pangulong Rodrigo Duterte ukon ang “Whole – of – Nation Approach to End Local Communist Armed Conflict (ELCAC) sa pungsod.
Ini ang pahayag ni Maj. Mark Ruby nga point person sang DILG para sa National Task Force sang ELCAC sa iya presentasyon kaangot sa RCSP sa ginpatigayon nga sinapol sang Provincial Task Force sang ELCAC sa probinsya.
Gindugang pa ni Maj. Ruby nga ang programa ang nasentro sa pagpasiguro sang “good governance” ukon maayo nga panghimanwa pinaagi sa epektibo nga pagpaabot sang mga serbisyo sa mga kabaranggayan.
Ang nasambit nga sinapol ang gintambongan nanday gobernador Esteban Evan Contreras, mga alkalde sa kabanwhanan, tiglawas sang mga nasyonal nga ahensya sang gobyerno kag mga organisasyon.
Nahibaluan nga lubos ang suporta ni Contreras sa implementasyon sang EO 70 nga sang damlag lang naglakip sa mga anay rebelde kag ila mga sympathizer ukon supporter bilang mga nagapanguna nga benepisyaryo sang nagapadayon nga serbisyo karaban sang Kapitolyo.
Ginmandu man sang gobernador ang pagtukod sang PTF sang ELCAC sang nagligad nga tuig nga amo ang nagapatigayon sang pagtaid-taid sang mga programa kag proyekto sang gobyerno sa probinsyal nga lebel agud nga maresolba ang kabangdanan sang insurhensiya kag malab-ot ang tayuyon nga kalinong kag progreso. (JSC/AAL/MDE/PIA Capiz)
https://pia.gov.ph/news/articles/1033219
No comments:
Post a Comment
Note: Only a member of this blog may post a comment.