CPP/NPA-Central Negros: 62nd IBPA Desperado sa Gintigayon nga Pulong-pulong sa Brgy. Cambairan, Guihulngan City

NPA-Central Negros propaganda statement posted to the Communist Party of the Philippines (CPP) Website (Jan 23, 2019): 62nd IBPA Desperado sa Gintigayon nga Pulong-pulong sa Brgy. Cambairan, Guihulngan City

JB Regalado
NPA-Central Negros (Leonardo Panaligan Command)
New People's Army

 

January 23, 2019

Mabaskog nga ginakondenar sang LPC-NPA ang pagpamilit sang 62nd IBPA sa mga pumuluyo sang sityo Cambairan, Guihulngan City kag mga residente sang sityo Tubod, Acasia, Macagahay proper tanan sang Brgy. Macagahay, Moises Padilla, Negros Occidental sa pagpatambong sa nasambit nga pulong-pulong karon nga adlaw Enero 22, 2019 sa sityo Cambairan proper, Guihulngan.

Psywar kag patalang man ang puguso nga paghaylo sang nasambit nga tropa militar sa pumuluyo gamit ang mga benepisyaryo sang 4p’s lamang matipon ang mga residente sa pagpamati sa ila mga propaganda batok sa CPP/NPA.

Ini isa desperado nga tikang sang AFP sa pagpanguna ni Spokesperson Benedict Arevalo sang 303rd Bde PA kakonsabo si Mayor Magdaleno Pena sang banwa sang Moises Padilla.

Para padamuan ang tumalambong sa nasambit nga aktibidad, ginahaylo pa sang militar nga magpanagtag sang mga kagamitan sa pagpanguma kaangay sang guna, sadol, pala kag iban pa. Sa aktwal, lunsay pagpasalig kag panghaylo sa pagpasurender sa mga inosenteng sibilyan para makagan-it naman sang pinansya sa kaban sang gobyerno si tagpamaba Benedict Arevalo sa ila programa nga eCLIP. Subong man isa ka porma naman ni Pena sa pamulitika preparasyon sa 2019 elections.

Klaro ini nga basehan nga ginhimo ni Arevalo kag Magsie Pena nga gatasan ang mga inosenteng mangunguma sa kaumahan agud kuhaan sang pundo para sa counter-insurgency program sang lokal nga gobyerno kag AFP.

https://www.philippinerevolution.info/statement/62nd-ibpa-desperado-sa-gintigayon-nga-pulong-pulong-sa-brgy-cambairan-guihulngan-city/