CPP/NPA: Media Advisory: Ang Hilabihang Kaluog ug Kabangis ng AFP

New People's Army (NPA) propaganda statement posted to the Communist Party of the Philippines (CPP) Website (Dec 19): Media Advisory: Ang Hilabihang Kaluog ug Kabangis ng AFP

Subling gipakita na usab sa AFP, sa pagdasig ug mando ni Duterte, ang hilabihang kaluog ug kabangis ug ang kawala nilay pagtahud sa balaanong pagsaulog unta sa kapaskuhan ilabina batok sa katawhang Lumad sa kabukiran sa Bukidnon, Misamis Oriental ug Agusan del Sur kay sugod niadtong Dec. 2, 2018 hangtud karon kapin sa 400 ka mga tropa sa AFP ang nag- operasyon ug nanganyon ginamit ang 105 mm howitzer sa may boundary sa Misamis Oriental, Bukidnon ug Agusan del Sur. Dugang usab nga nagtisok og kalisang ang mga rocket bombs nga gibuhian sa MG 520 helicopter.

Ang mga operating troops gilangkoban sa mga tropa sa 8th IB PA, 58th IB PA, 31st Charlie DRC, Scout Ranger ug sa mga Cafgu nga bag-ong migradweyt.

Grabeng naapektahan ug nadislokar ang panginabuhian sa mga mag-uumang ‘Dumagat’ ug Lumad nga sa hilabihang kalisang naghudhod pagpamakwet ,ang mayoryang mag-uuma gipangharang sa mga military tungod sa grabeng pagkanyonaso sa halos matag adlaw ug gabii diin mokabat na sa 61 ka bala sa kanyon kun 105 mm howitzer ang gipabuto sugod niadtong petsa 7 hangtod 15 sa Disyembre.

Nagsugod ang pagkanyonaso sa petsa 7 sa gabii sa bukirong bahin sa mga lungsod sa Claveria,Misamis Oriental, sa Impasug-ong, Bukidnon ug Esperanza, Agusan del Sur.

Ang mga apektadong mga barangay mao ang Lakbangan ug Kalhaan sa Minalwang, Claveria, Misamis Oriental; mga baryo sa Mahagwa, Bolunay ug Jagpa sa lungsod sa Impasug-ong, Bukidnon; ug sityo Kulili, San Vicente, Esperanza, Agusan del Sur.

Isip aktibong pagdepensa sa katawhan sa lugar pursigido ug maisugong mikontra-atake ang NPA bisan pa sa unilateral ceasefire nga gideklara sa Komite Sentral sa Partido Komunista sa Pilipinas. Nakabalos ang katawhan pinaagi sa ilang hukbo kay sa upat ka hugna nga panagsangka mokabat na sa 14 ang kaswalti sa nag-operasyong tropa sa kaaway sumala sa taho sa mga tawong nakakita didto sa Mahagwa, Impasug-ong, Bukidnon (kay nakita man nila nga gipangkarga sa ambulansya ang mga patay sa alas 12 sa tungang gabii. Sa hilit nga baryo gud kun adunay sakyanan nga mosulod ilabina gabii molili ang mga tawo) samtang walay kaswalti sa NPA. Mahimong ipanghimakak kini sa AFP kay mao na man niy ilang kinaiya apan ang katawhan sa nahisgutang mga lugar maoy mga buhing saksi sa kamatuorang ilang nasaksihan.

Samtang ang mga heneral sa AFP nagsaulog sa kapaskuhan sa tumang kamaya ug kaabunda diha sa ilang mga air-conditioned nga puluy-anan uban sa ilang pamilya, ang mga ultimong sundalo intawon nag-antos sa tumang katugnaw ug kalisdanan sa pagtuman sa mando sa ilang superyor aron lang makiggubat sa ila ra usab nga kasusamang kabus ug linupigan.

https://www.philippinerevolution.info/statement/media-advisory-ang-hilabihang-kaluog-ug-kabangis-ng-afp/