CPP/NPA-Negros: Senior Supt. Raul Tacaca sang NORPPO Nagpalapta sang Kabutigan

NPA-Negros propaganda statement posted to the Communist Party of the Philippines Website (Jul 27): Senior Supt. Raul Tacaca sang NORPPO Nagpalapta sang Kabutigan

JB Regalado, Spokesperson
NPA-Central Negros (Leonardo Panaligan Command)

27 July 2018
Press Release

Wala sa roster sang NPA si Dondon Bustamante sang Brgy. Buenavista, Guihulngan diin gintiro patay ini sa La Libertad, Negros Oriental sadtong nagligad nga mga senimana. Indi man matuod nga NPA ang nagtiro patay kay Edmund Sestuso nga isa ka mediaman kag aktibo nga katapo sang NUJP Dumaguete Negros Oriental.

Taliwas ini sa ginataghol ni Senior Supt. Raul Tacaca sang NORPPO nga NPA ang may kahilabtanan sa pagpatay kay Sestuso kag si Richard “Dondon” Bustamante isa pa sa ila ginkabig nga persons of interest kay kuno katapo sang NPA nga upod ni Rene Bustamante nga amo ang prime suspect sa nasambit nga pagtiro patay kay Edmund Sestuso.

Ang matuod, ang LPC-NPA ang una nga nagkondenar angot sa wala kaluoy nga pagtiro patay kay Sestuso sa opisyal sini nga press statement. Si Dondon Bustamante indi katapo sang NPA kundi isa ka simple nga sibilyan kag habal-habal driver sa Buenavista, Guihulngan.

Gani, kabutigan ang ginapalayag ni Tacaca kag gusto lang sang AFP kag PNP nga baliskaron ang kamatuoran kag ipahid sa NPA ang ini nga krimen kag kabigon nga atrosidad naman nga ginhimo sang NPA. Tuyo lang sang pasistang AFP kag PNP nga i-justify ang ila pagkabig sa CPP/NPA/NDF nga mga terorista. Ang pagbaliskad ni Tacaca sang kamatuoran paghinabon lamang sang pasista, mersenaryo kag bayaran nga tatak sang AFP kag PNP.

Kahibalo ang pumuluyo sang Negros Oriental upod sa pamilya ni Edmund Sestuso nga ang AFP kag PNP ang matuod nga may kahilabtanan sa planado nga pagpatay kay Sestuso bangud sang iya mga panindugan, prinsipyo kag komentaryo pabor sa malapad nga pumuluyong Pilipino nga ginahimuslan kag ginapigos. Si Edmund Sestuso biktima sang media suppression kag extra-judicial killings diin ginahimo sang state security forces agud punggan kag pahipuson ang nagahimakas nga pumuluyong Pilipino kag kritiko sang US-Duterte nga rehimen.

Sa kabilugan, law-law ang ginhimo nga imbestigasyon sang NORPPO sa pagpamuno sang incompetent nga NORPPO Director Senior Supt. Raul Tacaca sa pagsolbar sang sini nga kaso agud ihatag ang matuod nga hustisya sa nabilin nga pamilya Sestuso.

Hustisya para kay Edmund Sestuso, Julius Barellano kag iban pa nga mga biktima sang media-killings!

Hustisya para kay Dondon Bustamante kag iban pa nga biktima sang extra-judicial killings!
Untaton ang militarisasyon!
https://www.philippinerevolution.info/statements/20180727-senior-supt-raul-tacaca-sang-norppo-nagpalapta-sang-kabutigan