NPA-Central Negros propaganda statement posted to the Communist Party of the Philippines (CPP) Website (May 3): Pagpamatay sa Media Ginakondenar sang NPA!
JB Regalado, Spokesperson
NPA-Central Negros (Leonardo Panaligan Command)
3 May 2018
Press Release
Mabaskog nga ginakondenar sang LPC-NPA ang wala kaluoy nga pagtiro-patay sa Mediaman kag National Union of Journalists in the Philippines (NUJP) Officer-Negros Oriental Chapter nga si Edmund Sestuso sadtong April 30, 2018 sa Dumaguete City, Negros Oriental. Suspek ang 2 ka armado nga tawo riding in tandem nga nakapanabon sang ila mga nawong. Ginpalayag nga si Edmund Sestuso gindala pa sa isa ka hospital sa Dumaguete apang ginbawian gid sang kabuhi sadtong Mayo 1, 2018 mga alas 2:00 sa hapon.
Sadtong nagligad nga Pebrero 2018, si Ranie Aswe nga isa man ka katapo sang Media sa Bacolod City, Negros Occidental, biktima man sang physical assault sa Talisay City, Negros Occidental diin ginkastigo kag nag-agum man sang madamo nga lagob kag kapilasan sa iya lawas sang gindala man sa hospital.
Sa isla sang Negros, ang natabo kay Edmund Sestuso kag Ranie Aswe resulta lang sang media suppression sa bug-os nga pungsod. Resulta man ini sang ala Marcos nga Martial Law. Porma kag laragway ini sang tudo-gyera kontra-terorismo kag kontra-insurhensiya sang pasista-diktador nga rehimeng US-Duterte. Tuyo sang mapintas nga estado nga busalan kag higtan ang li-og sang media diin kontrolon, manipulahon kag punggan ang pagpagwa sang matuod nga mga balita. Buot hambalon, pwersado kag arbitraryo nga pagkuha sang demokratikong kinamatarung kag papel sang media sa pag-edukar, pag-inform kag pag-intertinar.
Lubos ginapanawagan sang LPC-NPA sa state authorities labi na sa Negros Oriental Provincial Police Office (NOPPO) nga maid-id kag seryuso nga imbestigahan ang ini nga hitabo. Pasabton ang may kahimuan kag ihatag ang nagakaigo nga hustisya sa biktima kag pamilya sini.
Itib-ong ang Press Freedom kag respetuhon ang tawhanon nga kinamatarung! Stop Political Killings! Stop Media Killings and Repression!
No comments:
Post a Comment
Note: Only a member of this blog may post a comment.