CPP/NPA-Central Negros: Mga Kriminal kag Masupog nga Ahente sang Militar Madinalag-on nga Ginsilotan sang NPA!

NPA-Central Negros propaganda statement posted to the Communist Party of the Philippines Website (Mar 9): Mga Kriminal kag Masupog nga Ahente sang Militar Madinalag-on nga Ginsilotan sang NPA!

JB Regalado, Spokesperson
NPA-Central Negros (Leonardo Panaligan Command)

9 March 2018
Press Release

Lubos nga gina-admiter sang NPA ang pagpatuman sang silot-kamatayon sa mag-utod nga sanday Dominador kag Nelson Quilanan sang sityo Uyangan, Brgy. Budlasan, Canlaon City sadtong Marso 7, 2018 mga alas 8: 00 sang aga. Ginpatigayon ang pagsilot sa nasambit gihapon nga sityo matapos nga napamatud-an kag napamatbatan sang Rebolusyonaryong Korte sang Pumuluyo sa 2 ka kaso sang pagpatay, pagpanglansi sa mga pumuluyo kag masupog nga ahente militar.

Nagadayaw man ang LPC sa mga isganan nga yunit sang NPA sa paghatag sang nagakaigo nga hustisya sa mga biktima nila Nelson kag Dominador Quilanan kag pagkumpiska sang 1 ka handset kag cellphone nga may angot sa AFP.

Si Dominador Quilanan isa ka job-order personnel sang siyudad sang Canlaon City bilang Hepe sang Barangay Green Brigade (BGB) diin madamo sang nabiktima nga kasubong niya nga mga katapo sang BGB. Masami nagadispalko sang sweldo sang mga kaangay niya nga BGB paagi sa paglansi nga kuno wala pa sang sweldo nga ang matuod iya na nakuha ang tanan nga mga sweldo sang mga ini. Halos naga-antus sa kagutom ang pamilya sang mga biktima tungod nahadlok na magreklamo sa iya.

Pebrero 15, 2015 siya man ang utok sa brutal nga pagpatay kay Rodulfo Villasan paagi sa pagbuno sang ayspek, pagbunal sang matig-a nga bagay sa ulo sang biktima kag pagtagbong sang patay nga lawas sini sa isa ka suba malapit sa puluy-an sang pamilya Villasan. Sa amo gihapon nga tuig, si Nelson Quilanan upod kay Dominador “Doming” Quilanan ang responsable nga nagpatay sa ila kaugalingon nga pakaisa nga si German Quilanan. Halos ginakahadlukan sila sang mga pumuluyo sa ila lugar rason nga madamo na sang tinion nga gin-istorya sila sang NPA lamang nga matadlong ang ila mga kasaypanan sa pumuluyo. Sa baylo nga magbag-o, sila nga mag-utod labi pa ini nga nagsupog bilang mga ahente militar agud sundan ang hulag sang NPA kag bug-os nga rebolusyonaryong hublag.

Ang LPC padayon nga nagapanugyan sa mga pumuluyo nga indi gid pagsundon ang mga kalakasan sang mag-utod nga sanday Doming kag Nelson Quilanan. Ang NPA indi gid magduha-duha sa pagsilot sa inyo, matapos ang proseso kag pagpamatbat sang Rebolusyonaryong Korte sang Pumuluyo sandig sa kabug-aton sang kaso nga inyo nakomiter.

https://www.philippinerevolution.info/statements/20180309-mga-kriminal-kag-masupog-nga-ahente-sang-militar-madinalag-on-nga-ginsilotan-sang-npa