Monday, February 20, 2017

Mga soldado para sa kalinong kag kauswagan

From the Philippine Information Agency (Feb 20): Mga soldado para sa kalinong kag kauswagan (Warriors for peace and development)

SYUDAD SANG ROXAS, Capiz – Nagdihon sang plano ang mga katapu sang 3rd Infantry Division sang Philippine Army para sa pagpasangkad sang mga programa para sa mga pumoluyo ilabi na sa kalinong kag katawhay kag kauswagan pang-ekonomiya.

Kaupod sang 3ID ang mga tiglawas gikan Philippine National Police, Local Government Units, ahensya sang gobyerno nasyonal kag mga non-government organizations sa Western kag Central Visayas  lakip na sa Negros Island Region.

Ginpahayag ni 3ID Public Affairs Spokesperson Lt. Col. Ericson Rosana  nga ang amo nga hilikuton ang may tuyo nga makadihon sang mga plano para sa normalisasyon sang situasyon sa Rehiyon ilabi na sa mga probinsya sang Capiz, Iloilo, Negros Occidental kag Negros Oriental.

Tinutuyo man sini nga plano nga mangin tayuyon ang pagdala sang mga serbisyo kag kauswagan sa komunidad pinaagi sa mas estable kag hilway nga palibot para sa mga pumoluyo.

Kalakip man diri ang pagpasangkad sang kampanya para sa katawhayan, pagbulig sa iban pa nga mga katapu sang tropa sang gobyerno sa kampanaya kontra sa ilegal nga droga, terorismo kag iban pa nga mga kriminalidad.

Suno pa kay Rosana nga pinaagi sa pagbuligay sang nagkalain-lain nga mga grupo sa komunidad, mangin madinalag-on ang amo nga kampanya.

Liwat man niya nga ginpasalig nga ang ila mga progrtama ang nakasentro sa kauwagan sang pumoluyo lakip na ang ila pagrespeto sa tawhanon nga mga kinamatarong.

http://news.pia.gov.ph/article/view/991487565421/mga-soldado-para-sa-kalinong-kag-kauswagan
 

No comments:

Post a Comment

Note: Only a member of this blog may post a comment.