NDF: Order sa pagsuspende sa tanang mga opensibang operasyon sa mga yunit sa NPA sa walo (8) ka lungsod sa Eastern Masamis Oriental alang sa luwas ug hapsay nga release sa prisioner-of-war nga si PFC Lupiba

Propaganda press release posted to the NDF: Order sa pagsuspende sa tanang mga opensibang operasyon sa mga yunit sa NPA sa walo (8) ka lungsod sa Eastern Masamis Oriental alang sa luwas ug hapsay nga release sa prisioner-of-war nga si PFC Lupiba

Press Statement
November 19, 2015
FOR IMMEDIATE RELEASE

Pinaagi sa paningkamot sa Local Third Party Facilitators ug sa Local Crisis Committee sa Misamis Oriental nga nagatabang sa pamilya ni PFC Lupiba, nakaabot sa kasayuran sa National Democratic Front of the Philippines sa North Central Mindanao Region (NDFP-NCMR) nga ang 403rd Brigade sa 4th ID sa AFP pinaagi sa commanding officer niini nga si Col. Jesse Alvarez, nagpakanaug og mando nga STAND DOWN ngadto sa iyang mga tropa aron maandam ang dalan sa luwas ug hapsay nga pag-release kang PFC Lupiba.

Subay niini nga kalamboan, ang NDFP-NCMR nagapakanaug og mando sa tanang yunit sa New People’s Army (NPA) nga anaa naga-operate sa walo (8) ka lungsod sa Eastern Misamis Oriental nga mao ang Claveria, Balingasag, Lagonglong, Salay, Sugbungcogon, Kinoguitan, Talisayan, ug Medina sa PAGSUSPENDE SA TANANG OPENSIBANG OPERASYON gikan sa alas dose (1200h) sa tungang gabii sa Nobyembre 19 ngadto sa alas dose (1200h) sa tungang gabii sa Nobyembre 24.

Kini nga order sa ceasefire nagpasabot sa temporaryong pag-undang sa mga aksyong militar sa mga hingtungdang mga yunit sa NPA batok sa bisan unsang yunit o indibidwal nga mga membro sa AFP-PNP-CAFGU sa nahisgutang mga erya. Apan ang tanang hingtungdang mga yunit kinahanglang magpabiling anaa sa postura sa aktibong pagdepensa sulod sa gitakdang panahon sa ceasefire, kanunayng mag-alerto ug dili magduha-duha sa sa pagdepensa sa kaugalingong pwersa ug mga masa sulod sa erya kung ugaling may ilunsad nga sekretong pagpangatake ang mga tropa sa AFP ug kapulisan o kaha sa pagpakgang sa bisan unsang pagsulay sa paghimo og bangis nga pagpasipala sa katawhan.

Sulod niini nga panahon, ang tanang hingtungdang mga yunit sa NPA gimanduan sa pagpadangat sa report ngadto sa taas nga komand sa bisan unsang mga kalamboan sa field alang sa husto ug tukma sa panahon nga pagtasa ug mga direktiba subay sa kahimtang.

Human sa pag-release sa POW, ang tanang nalambigit nga mga yunit sa NPA mobalhin ngadto sa relatibong luwas nga pusisyon ug andamon ang ilang kaugalingon ug mga masa sa erya batok sa laing hugna sa bangis nga pagpangatake sa mga pwersa sa kaaway, ilabina human sa paglibkas sa gitakdang panahon sa ceasefire.
Alang sa Regional Executive Council,

 Cesar Renerio
Tigpamaba
NATIONAL DEMOCRATIC FRONT
North Central Mindanao Region

http://www.ndfp.org/order-sa-pagsuspende-sa-tanang-mga-opensibang-operasyon-sa-mga-yunit-sa-npa-sa-walo-8-ka-lungsod-sa-eastern-misamis-oriental-alang-sa-luwas-ug-hapsay-nga-release-sa-prisoner-of-war-nga-si-pfc-lupiba/