NDFP National Democratic Front of the Philippines
Pamahayag sa Media
Oktubre 2, 2015
Tataw nga mabati sa katawhan karon dinhi sa atong rehiyon ang pasistang paghari sa AFP paglabay sa pila ka dekada na human napalagpot ang pasistang diktadurang Marcos. Ang sunod-sunod nga masaker, pinataka nga pagpamusil sa mga sibilyan, pagterorisa sa mga Lumad ug tinibuok nga dislokasyon sa mga komunidad, ug lain-laing dagway sa pagpanghasi pulos nagsabwag og kalisang sa mga magbubuhis nga nagsweldo kanila, mga binuhatan sa mga daw nagsalimuang nga kontrarebolusyonaryong pwersa sa anino sa NPA. Bisan mga yanong Lumad, mga mag-uuma o ordinaryong sibilyan, NPA na ang ilang tinan-awan. Dili na malalis ang kapakyas sa ilang gidamgong pagdugmok sa rebolusyonaryong kalihokan ug labaw lang nilang gibutyag ang kainutil sa Oplan Bayanihan.
Niadtong Septyembre 27, miarangkada na usab ang killing machine sa 1st SF “massacre” Battalion. Mga kapin alas dose sa udtong tutok, walay pupanagana nga girakrakan sa mga berdugong membro sa maong batalyon ang nagabiyaheng Bongo truck padulong Valencia City gikan sa Baungon, Bukidnon subay sa Sayre Highway. Pag-abot sa Purok 1 sa Barangay Cabangahan, Malaybalay City, sumala sa mga baryuhanon nga nakasaksi sa hitabo, kalit nga mi-overtake ang puti nga SUV nga gisakyan sa mga operatiba sa 1st SFB babag sa highway diretso rapido sa mga nagsakay sa Bongo.
Patay diha-diha ang drayber nga si Walter Ayuban ug iyang pasahero nga si Edwin Namatidong. Samdan ang asawa ni Walter ug giaresto ang naligo sa dugo nga laing pasahero nga si Teresita Olarte nga dayon gipasa sa mga berdugo sa 1st SFB ngadto sa CIDG sa Malaybalay City ug gipasakaan og tinumo-tumo nga kaso. Tungod kay naandan na nila, wala sila’y pagpakabana o kaha may paghunahuna bisan gamay sa ilang nabiktima nga mga sibilyan. Ang mga paryente ra sa namatay nga drayber ang nagpahiluna sa iyang patayng lawas ug sa samaron niya nga asawa. Aron walay daghang kuskos-balungos – sayon ang pag-charge nga mga NPA silang tanan.
Awtomatik dayon nga namahayag si Col. Jesse Alvarez sa 403rd BDE nga dunay nahitabong engkwentro tali sa iyang mga tropa ug mga membro sa NPA human nila gitamnan og ebidensya nga pistolang 45, mga bala ug duha ka granada. Walay kabutangan sa pasigarbo sa kintahay ilang malampusong operasyon batok sa mga NPA ang mga tigpamaba sa 403rd BDE ug 4th ID AFP nga nagpuli-puli pagpagarpar. Sama sa miaging mga hitabo, giangkon nilang dakung kadungganan ang walay lipod-lipod nga pagpangyatak sa tawhanong katungod, paglapas sa ilang kaugalingong reaksyonaryong balaud ug sa mga internasyonal nga balaud sa gubat. Nagpatuyang na lang gyud sila sa pagligis sa sibilyan nga awtoridad, gimbuhatong pamulis o kaha pagtamod sa ilang reaksyonaryong hudisyal nga proseso sa pagdumala sa mga gidudahang subersibo. Niini nga mga binuhatan, gusto nilang isilsil sa alimpatakan sa katawhan nga nagsweldo kanila nga ang armas nga ilang gihawiran mao na ang balaud. Klaro nga sukwahi sa pasiatab nga usa ka elite ug propesyonal nga unit ang 1st SFB, sa tinuod lang, ignorante pa sila kaysa CAFGU ug luog pa sa mga mangtas nga para-militar nga terorista pareho sa mga sinuhulang mersenaryo sa mga tirano sa wala pa moabot ang katilingban sa yugto sa sibilisasyon.
Syempre dahumon nato nga atubangan sa timbangan sa opinyong publiko, lig-ong barugan pa gihapon sa mga upisyal sa 1st SFB, 403rd BDE ug 4th ID, ang paghugas sa ilang naduhig sa dugo nga mga kamot sa mga kriminal nga tulubagon, bisan kung nagkahulugan kini sa pagpusta sa ilang mga ranggo ug promosyon kay ang ilang napatay mga NPA. Apan sama sa ilang idolong mangingihaw nga si Palparan, ang pasistang pagkayawan-on dunay kinutuban.
Ang katawhang nabiktima sa pasistang dikdatura nakakat-on sa pagbarug ug nasayud sila asa nga natad sa pagsukol nila dad-on ang ilang pakigbisog. Kining masukulong diwa mituhop sa galamhan sa matag Pilipino nga walay paglurang ang pangandoy sa pagkab-ot sa katilingbanong kaangayan, kagawasan ug kalingkawasan gikan sa mga mapahimuslanon ug madaugdaugon. Labaw sa tanan, duyog ug saksi sila sa padayong pag-abante sa demokratikong rebolusyon sa katawhan nga may sosyalistang perspektiba nga gipaasdang sa Bagong Hukbong Bayan ilalum sa pagpangulo sa Partido Komunista sa Pilipinas.
Pinirmahan,
Ka Allan Juanito
Tigpamaba
New People’s Army
North Central Mindanao Command
http://www.philippinerevolution.net/statements/20151002_1st-sfb-killing-machine-subling-miarangkada
Oktubre 2, 2015
Tataw nga mabati sa katawhan karon dinhi sa atong rehiyon ang pasistang paghari sa AFP paglabay sa pila ka dekada na human napalagpot ang pasistang diktadurang Marcos. Ang sunod-sunod nga masaker, pinataka nga pagpamusil sa mga sibilyan, pagterorisa sa mga Lumad ug tinibuok nga dislokasyon sa mga komunidad, ug lain-laing dagway sa pagpanghasi pulos nagsabwag og kalisang sa mga magbubuhis nga nagsweldo kanila, mga binuhatan sa mga daw nagsalimuang nga kontrarebolusyonaryong pwersa sa anino sa NPA. Bisan mga yanong Lumad, mga mag-uuma o ordinaryong sibilyan, NPA na ang ilang tinan-awan. Dili na malalis ang kapakyas sa ilang gidamgong pagdugmok sa rebolusyonaryong kalihokan ug labaw lang nilang gibutyag ang kainutil sa Oplan Bayanihan.
Niadtong Septyembre 27, miarangkada na usab ang killing machine sa 1st SF “massacre” Battalion. Mga kapin alas dose sa udtong tutok, walay pupanagana nga girakrakan sa mga berdugong membro sa maong batalyon ang nagabiyaheng Bongo truck padulong Valencia City gikan sa Baungon, Bukidnon subay sa Sayre Highway. Pag-abot sa Purok 1 sa Barangay Cabangahan, Malaybalay City, sumala sa mga baryuhanon nga nakasaksi sa hitabo, kalit nga mi-overtake ang puti nga SUV nga gisakyan sa mga operatiba sa 1st SFB babag sa highway diretso rapido sa mga nagsakay sa Bongo.
Patay diha-diha ang drayber nga si Walter Ayuban ug iyang pasahero nga si Edwin Namatidong. Samdan ang asawa ni Walter ug giaresto ang naligo sa dugo nga laing pasahero nga si Teresita Olarte nga dayon gipasa sa mga berdugo sa 1st SFB ngadto sa CIDG sa Malaybalay City ug gipasakaan og tinumo-tumo nga kaso. Tungod kay naandan na nila, wala sila’y pagpakabana o kaha may paghunahuna bisan gamay sa ilang nabiktima nga mga sibilyan. Ang mga paryente ra sa namatay nga drayber ang nagpahiluna sa iyang patayng lawas ug sa samaron niya nga asawa. Aron walay daghang kuskos-balungos – sayon ang pag-charge nga mga NPA silang tanan.
Awtomatik dayon nga namahayag si Col. Jesse Alvarez sa 403rd BDE nga dunay nahitabong engkwentro tali sa iyang mga tropa ug mga membro sa NPA human nila gitamnan og ebidensya nga pistolang 45, mga bala ug duha ka granada. Walay kabutangan sa pasigarbo sa kintahay ilang malampusong operasyon batok sa mga NPA ang mga tigpamaba sa 403rd BDE ug 4th ID AFP nga nagpuli-puli pagpagarpar. Sama sa miaging mga hitabo, giangkon nilang dakung kadungganan ang walay lipod-lipod nga pagpangyatak sa tawhanong katungod, paglapas sa ilang kaugalingong reaksyonaryong balaud ug sa mga internasyonal nga balaud sa gubat. Nagpatuyang na lang gyud sila sa pagligis sa sibilyan nga awtoridad, gimbuhatong pamulis o kaha pagtamod sa ilang reaksyonaryong hudisyal nga proseso sa pagdumala sa mga gidudahang subersibo. Niini nga mga binuhatan, gusto nilang isilsil sa alimpatakan sa katawhan nga nagsweldo kanila nga ang armas nga ilang gihawiran mao na ang balaud. Klaro nga sukwahi sa pasiatab nga usa ka elite ug propesyonal nga unit ang 1st SFB, sa tinuod lang, ignorante pa sila kaysa CAFGU ug luog pa sa mga mangtas nga para-militar nga terorista pareho sa mga sinuhulang mersenaryo sa mga tirano sa wala pa moabot ang katilingban sa yugto sa sibilisasyon.
Syempre dahumon nato nga atubangan sa timbangan sa opinyong publiko, lig-ong barugan pa gihapon sa mga upisyal sa 1st SFB, 403rd BDE ug 4th ID, ang paghugas sa ilang naduhig sa dugo nga mga kamot sa mga kriminal nga tulubagon, bisan kung nagkahulugan kini sa pagpusta sa ilang mga ranggo ug promosyon kay ang ilang napatay mga NPA. Apan sama sa ilang idolong mangingihaw nga si Palparan, ang pasistang pagkayawan-on dunay kinutuban.
Ang katawhang nabiktima sa pasistang dikdatura nakakat-on sa pagbarug ug nasayud sila asa nga natad sa pagsukol nila dad-on ang ilang pakigbisog. Kining masukulong diwa mituhop sa galamhan sa matag Pilipino nga walay paglurang ang pangandoy sa pagkab-ot sa katilingbanong kaangayan, kagawasan ug kalingkawasan gikan sa mga mapahimuslanon ug madaugdaugon. Labaw sa tanan, duyog ug saksi sila sa padayong pag-abante sa demokratikong rebolusyon sa katawhan nga may sosyalistang perspektiba nga gipaasdang sa Bagong Hukbong Bayan ilalum sa pagpangulo sa Partido Komunista sa Pilipinas.
Pinirmahan,
Ka Allan Juanito
Tigpamaba
New People’s Army
North Central Mindanao Command
http://www.philippinerevolution.net/statements/20151002_1st-sfb-killing-machine-subling-miarangkada
No comments:
Post a Comment
Note: Only a member of this blog may post a comment.