CPP/NDF-NEMR: Dungandungan nga operasyon military sa 4ID PA sa NEMR sa wala pa ang SONA ni Aquino III napatay'g 5 KA Army

NDF-Northeaster Mindanao Region propaganda statement posted to the CPP Website (Jul 23): Dungandungan nga operasyon military sa 4ID PA sa NEMR sa wala pa ang SONA ni Aquino III napatay'g 5 KA Army

NDFP National Democratic Front of the Philippines

 

Pamahayag
Hulyo 26, 2015

DUNGANDUNGAN NGA OPERASYON MILITAR SA 41D PA SA NEMR SA
WALA PA ANG SONA NI AQUINO III NAPATYA’G 5 KA ARMY

Surigao del Sur: July 23, 2015, napatya’g (2) duha ug may duha (2) nga samdon ang mga sakop sa 75th IB PA, 401st Brigade sa Brgy. Doña Carmen, Tagbina, Surigao del Sur. Giharass/isnayp sa mga Pulang manggugubat sa BHB-Front 14 ang mga pwersa sa 75th IB PA nga naglunsad sa operasyon militar niining mga lugara. Tulo ka hugna nga naigo sa mga Pulang manggugubat sa managkalahi nga oras sa maong adlaw ang mga army.

Agusan del Norte: July 23, 2015, dunay (3) ang patay sa duha ka hitabo sa isnayp/harass sa Sityo Zapanta Valley, Bangayan, Kitcharao, Agusan del norte. Sa may alas 9:30 sa buntag, duha ang patay sa mga army scout ranger nga naigo sa pagharass/isnayp sa mga Pulang manggugubat sa Front 16-Agusan del Norte. Pagka-alas 2:35 sa hapon, naharass/isnayp na usab ang laing usa ka kolom sa 29th IBPA sa mga Pulang manggugubat nga napatyan og usa ka sundalo.

Sa may alas 11:45 sa mao gihapon nga adlaw nagpabuto ug duha ka bala sa kanyon ang 29th IBPA Alpha Coy nga naa nagbase sa Brgy. Bangonay, Jabonga, Agusan del Norte. Didto sa bukid palibot sa Zapanta Valley mitugdang ang duha ka bala sa kanyon-105. Gipabuto ang kanyon human sa mokabat sa duha ka oras nga napatyan ang army og duha. Gitantya sa mga Pulang Manggugubat nga opisyal ang usa ka army nga ilang naigo tungod kay baby MI6 ang naa sa duol niini samtang naglingkod.

July 23 2015 sa may alas 4:55 sa hapon dungandungan nga miabot ang 5 ka sakyanan sa kahanginan sa Philippine Air Force (PAF). Naghulog og (8) ka bomba ang (2) duha ka bomber plane, dungan niini ang (2) duha ka MG-520 attack helicopter nga naghulog usab og wala maihap nga mga rockets ug nagpa-arak sa machine gun cal. 50. Samtang ang usa ka huey helicopter kaduha nagbalik sa pagkuha sa patay’ng lawas ug samdon sa mga army sa duha ka managkaatbang nga bukid sa palibot sa Zapanta Valley.

Sumala sa koresponsal sa BHB Front 16, kadto pa nila nasaksihan nga dungan nga nag-atake ang 2 bomber plane, 2 attack helicopter MG-520, samtang usa lang ka Huey Helicopter ang nagkuha sa ilang patay ug samdon.

Boundery Surigao Sur, Agusan del Sur: July 24, 2015, nagsugod na usab ang operasyon militar sa bukirong boundery sa Surigao del Sur ug Agusan del Sur sa mga barangay sa San Miguel, Surigao del Sur ug sa Sibagat Agusan del Sur. Ang mga tropa sa 23rd IBPA ug 36th IBPA ubos sa 401st brigade ang anaa niini nga mga erya. Nabalda na usab ang naandan nga panguma sa katawhan sa lugar kay matag may operasyon militar pugngan sa mga army ang mga mag-uuma nga moadto sa ilang umahan.

Surigao del Norte: Niining July 24, 2015 naglunsad usab ang 30th IBPA sa operasyon militar sa mga kabaryohan sa Gigaquit, Claver ug Alegria.

Hangtud niining pagsulat wala pay report nga nadawat kung natapos na ang dungandungan nga operasyon militar sa NEMR. Madumdoman nga sa matag SONA sa Presidente sa Pilipinas adunay ilunsad ang operasyon militar. Busa nahimong target sa mga yunit sa BHB kini nga mga tropa nga anaa sa kabukiran. Kanunay mabahiran sa dugo sa mga militar ang mga SONA nga mahitabo.

Ang pinakabag-o nga dungandungan nga operasyon sa 41D PA wala nakahatag og kadaut o kaswalti ngadto sa mga yunit sa BHB nga nag-kontra atake sa nagsulod sa erya mga nga army. Walay nareport nga mga yunit nga naigo sa maong mga tropa sa 41D PA.

(pinirmahan)
Ka Maria Malaya
Tigpamaba
NDF-NEMR

 http://www.philippinerevolution.net/statements/20150723_dungandungan-nga-operasyon-militar-sa-41d-pa-sa-nemr-sa-wala-pa-ang-sona-ni-aquino-iii-napatya-g-5-ka-army