Jurie Guerrero
Spokesperson
NPA Central Panay Front Operations Command (Jose Percival Estocada Command)
Spokesperson
NPA Central Panay Front Operations Command (Jose Percival Estocada Command)
Masobra na sa apat ka dekada nga nag-agum sang nagakalainlain nga dagway sang paglapas sang ila tawhanon nga kinamatarung ang mga pumuluyong Tumanduk sa suba sang Jalaud kag Alibunan halin sa rehimeng Marcos tubtob sa rehimeng Arroyo. Bunga sang kapabayaan sang gobyerno gindingutan sila sang pag-uswag sang ila pangabuhian gani tubtob subong ang kadam-an sa ila wala untat nga naga-antus sang kaimolon kag gutom. Ang ila mga kamal-aman nangin biktima sang pagpang-agaw sang duta sang mga agalon nga mayduta kapareho sang pamilya Celo, Carreon sang Calinog kag sang mga montero sang DENR. Nangin biktima man sila sang pasismo sang estado bunga sang sunod-sunod nga mga Oplan kag kampanya militar nga nagtuga sang malaparan nga ebakwasyon, pagpangsalbeyds, pilit nga pagpatrabaho. Bantog nga tagapatuman sini ang anay berdugo nga si PC MSgt Porping Cataluña sang Cahigon kag ang iya uhaw-sa-dugo nga mga CHDF sang dekada ’70 kag ’80.
Subong, sa idalom sang rehimeng Aquino, paga-antuson sang mga pumuluyong Tumanduk sa Suba sang Jalaud kag Alibunan ang pinakamalala nga paglapas sang ila tawhanon nga kinamatarung paagi sa proyekto nga megadam sa Suba sang Jalaud kag ang katimbang sini nga Oplan Bayanihan. Sa pagtukod sang megadam magalugdang sa tubig ang duta sang ila kamal-aman kag amat-amat nga tabugon sila sa ila nga mga ulumhan sa pagpatuman sang mga reforestation-watershed kag eco-tourism projects. Tubtob san-o man indi na nila mabalikan ang duta sang ila kamal-aman kag mas mangin miserable ang kahimtangan sang ila nga pagpangabuhi kabaliskad sa mapaniplang nga promesa sang rehimeng Aquino kag mga tagapamababa sini nga si Senador Drilon kag Meyor Centena sang Calinog.
Direkta kag gilayon nga apektado ang mas o menos 17,000 ka pumuluyong Tumanduk sa 16 ka kabaryuhanan sang Aglonok, Hilwan, Caratagan, Marandig, Manaripay, Supanga, Tigbayog, Guinbonyugan, Binolusan Pequeño, Binolusan Grande, Cahigon, Toyungan, Masaroy, Garangan, Agcalaga kag Alibunan. Katumbas sa malaparan nga pagpapas sang mga pumuluyong Tumanduk ukon henosidyo ang kabilugan nga epekto sang proyekto nga Jalaur megadam.
Naggamit sang tanan nga pahito ang reaksyonaryo nga estado agud matuman ang P11.2 bilyones nga Jalaur megadam nga pangunahon nga magabenepisyo sa uhaw-sa-ganansya nga mga dumuluong nga kapitalista sa bangko kag lokal nga dalagku nga mga burgesya-komprador nga pagapaboran sang rehimen sa mga kontrata sa konstruksyon, pag-quarry, bulk water supply, hydro-electric powerkag irigasyon santo sa Public-Private-Partnership nga programa sang rehimen. Sa pag-umpisa pa lang sang proyekto nagasungaw na ang mga baho sang kurapsyon sang nabuyagyag nga kabahin sang DAP ang P450 milyones nga ginhatag sa kay Senador Drilon para masuguran ang proyekto. Madamo man sang mga pamilya nga ginpromesahan sang kompensasyon sang ila propyedad nga madalasa sang proyekto ang nagareklamo nga wala ukon tama ka gamay ang nabaton.
Sang tuig 2005 pa lang, gintiplang na nila ang pumuluyong tumanduk paagi sa layi nga IPRA – sa diin bilang pagkilala kuno sang ila kinamatarung sa duta sang ila kamal-aman hatagan sila sang papel (CADT) nga pamatuod sang ila pagpanag-iya sini. Gintagaan sang CADT ang GMA area (Garangan, Masaroy, Agcalaga) sang sadto anay Presidente Gloria Macapagal Arroyo. Sa pagkamatuod, ini para mapahapos sa reaksyonaryong estado ang pagpasulod sang anuman nga proyekto sa lugar bangud kuhaon lang nila ang pagpasugot sang gintalana nga mga tribal chieftains sang NCIP, ang Caballero Brothers.
Ginagamit nila subong ini nga layi para ipilit nga may pagpahanugot ang pumuluyo sa Jalaur megadam nga proyekto. Ginagamit nila kag ginatorse para magserbe sa ila kagustuhan ang probisyon sini nga dapat may FPIC ukon Free, Prior and Informed Consent antes sang anuman nga proyekto sa lugar. Kag imbes nga kuhaon ang pagpahanugot sang pumuluyo, kinahanglan lang nila ang pagpahanugot sang Caballero Brothers nga amo ang ila gintalana nga mga tribal chieftains sa lugar. Nahublasan ang pagkabutigon, pagka-mapaniplang kag ipokrito nga rehimen ni Aquino kay sa pagkamatuod, antes pa man himuon ang FPIC para sa pagtukod sang megadam, nahuman na ang plano, napirmahan na ang kontrata sa paghulam sang pondo sa tunga sang GRP kag Koreano nga Exim Bank kag naumpisahan na ang mga karsada kag iban pa nga imprastruktura nga nagaserbe sa megadam nga proyekto.
Agud maguba ang paghiliusa sang mga pumuluyong tumanduk kag mapakita nga may malapad nga suporta ang proyekto gintukod sang NCIP ang Calinog Indigenous Peoples Organization (CIPO) kag ginbansagan nga peke ang Tumanduk nga organisasyon nga amo ang tunay nga nagatib-ong sang interes sang mga pumuluyong tumanduk sa Calinog kag kaiping nga mga kabanwahanan sang Tapaz, Jamindan kag Lambunao.
Ginasakyan nila ang kaimulon kag kawawad-on sang mga pumuluyo paagi sa pagtawtaw sang trabaho sa konstruksyon sang dam kag pagpangsuhol sa pila ka lokal nila nga lideres para lang mapahipos kag mapunggan ang pagpamatuk sa dam. Ang indi madala sa ginatawtaw nga benepisyo ginapaagi sa lainlain nga dagway sang pagpamahog.
Nagpagwa sang Executive Order ang Mayor sang Calinog nga indi magpasulod sang anuman nga grupo ukon NGO sa kabaryuhanan sang banwa nga wala nakaagi ukon permit halin sa iya. Ini paglapak sa kinamatarung sang pumuluyo sa impormasyon kag mga pagpaathag nga ginadala sa ila sang mga progresibo nga organisasyon. Luyag nila bulagon ang pumuluyo sa makahalalit nga epekto sang dam kag ang mabatian lang amo ang mapaniplang nga propaganda sang NCIP, NIA, DENR kag iban pa nga ahensya sang gobyerno.
Ini nga mga padihot, gindunganan pa gid sang mas pinasingki nga militarisasyon sa lugar. Gintukuran sang CAFGU detatsment ang barangay Agcalaga magluwas pa sa pagdeploy diri sang isa ka platun sang PNP-Public Safety Company para kuno seguridad sa pagatukuron nga dam. Ini magluwas pa sa masunson nga operasyon militar sang 61st IB nga nagatuga sang kahadlok sa mga pumuluyo. Ginagamit nila ang mga pwersa sang militar para panilagan, pahugon kag punggan ang sin-o man nga padayon nga nagapamatuk sa megadam nga proyekto.
Ini tanan nga mga padihot indi makapugong sa dinekada na nga eksperyensya sang pumuluyo sa pagpakigbato sang ila kinamatarung para sa duta kag kabuhi. Padayon nga nagamartsa sa dalanon kag nagasinggitan sang ila kinamatarung ang mga pumuluyong Tumanduk. Upod sa malapad nga pumuluyo nga apektado sining proyekto, ila igasinggitan ang pagpauntat sa pagtukod sang dam kag pagpatalsik sa korap kag kontra-pumuluyo nga rehimeng US-Aquino. Magalanog man ang lupok sang taktikal nga opensiba sang bag-ong hangaway sang banwa nga amo ang solo nga tigpangapin sang ila interes.
http://www.philippinerevolution.net/statements/20141214_jalaur-megadam-nga-proyekto-pinakamalala-nga-paglapas-sang-tawhanon-nga-kinamatarung-sang-mga-tumanduk
Subong, sa idalom sang rehimeng Aquino, paga-antuson sang mga pumuluyong Tumanduk sa Suba sang Jalaud kag Alibunan ang pinakamalala nga paglapas sang ila tawhanon nga kinamatarung paagi sa proyekto nga megadam sa Suba sang Jalaud kag ang katimbang sini nga Oplan Bayanihan. Sa pagtukod sang megadam magalugdang sa tubig ang duta sang ila kamal-aman kag amat-amat nga tabugon sila sa ila nga mga ulumhan sa pagpatuman sang mga reforestation-watershed kag eco-tourism projects. Tubtob san-o man indi na nila mabalikan ang duta sang ila kamal-aman kag mas mangin miserable ang kahimtangan sang ila nga pagpangabuhi kabaliskad sa mapaniplang nga promesa sang rehimeng Aquino kag mga tagapamababa sini nga si Senador Drilon kag Meyor Centena sang Calinog.
Direkta kag gilayon nga apektado ang mas o menos 17,000 ka pumuluyong Tumanduk sa 16 ka kabaryuhanan sang Aglonok, Hilwan, Caratagan, Marandig, Manaripay, Supanga, Tigbayog, Guinbonyugan, Binolusan Pequeño, Binolusan Grande, Cahigon, Toyungan, Masaroy, Garangan, Agcalaga kag Alibunan. Katumbas sa malaparan nga pagpapas sang mga pumuluyong Tumanduk ukon henosidyo ang kabilugan nga epekto sang proyekto nga Jalaur megadam.
Naggamit sang tanan nga pahito ang reaksyonaryo nga estado agud matuman ang P11.2 bilyones nga Jalaur megadam nga pangunahon nga magabenepisyo sa uhaw-sa-ganansya nga mga dumuluong nga kapitalista sa bangko kag lokal nga dalagku nga mga burgesya-komprador nga pagapaboran sang rehimen sa mga kontrata sa konstruksyon, pag-quarry, bulk water supply, hydro-electric powerkag irigasyon santo sa Public-Private-Partnership nga programa sang rehimen. Sa pag-umpisa pa lang sang proyekto nagasungaw na ang mga baho sang kurapsyon sang nabuyagyag nga kabahin sang DAP ang P450 milyones nga ginhatag sa kay Senador Drilon para masuguran ang proyekto. Madamo man sang mga pamilya nga ginpromesahan sang kompensasyon sang ila propyedad nga madalasa sang proyekto ang nagareklamo nga wala ukon tama ka gamay ang nabaton.
Sang tuig 2005 pa lang, gintiplang na nila ang pumuluyong tumanduk paagi sa layi nga IPRA – sa diin bilang pagkilala kuno sang ila kinamatarung sa duta sang ila kamal-aman hatagan sila sang papel (CADT) nga pamatuod sang ila pagpanag-iya sini. Gintagaan sang CADT ang GMA area (Garangan, Masaroy, Agcalaga) sang sadto anay Presidente Gloria Macapagal Arroyo. Sa pagkamatuod, ini para mapahapos sa reaksyonaryong estado ang pagpasulod sang anuman nga proyekto sa lugar bangud kuhaon lang nila ang pagpasugot sang gintalana nga mga tribal chieftains sang NCIP, ang Caballero Brothers.
Ginagamit nila subong ini nga layi para ipilit nga may pagpahanugot ang pumuluyo sa Jalaur megadam nga proyekto. Ginagamit nila kag ginatorse para magserbe sa ila kagustuhan ang probisyon sini nga dapat may FPIC ukon Free, Prior and Informed Consent antes sang anuman nga proyekto sa lugar. Kag imbes nga kuhaon ang pagpahanugot sang pumuluyo, kinahanglan lang nila ang pagpahanugot sang Caballero Brothers nga amo ang ila gintalana nga mga tribal chieftains sa lugar. Nahublasan ang pagkabutigon, pagka-mapaniplang kag ipokrito nga rehimen ni Aquino kay sa pagkamatuod, antes pa man himuon ang FPIC para sa pagtukod sang megadam, nahuman na ang plano, napirmahan na ang kontrata sa paghulam sang pondo sa tunga sang GRP kag Koreano nga Exim Bank kag naumpisahan na ang mga karsada kag iban pa nga imprastruktura nga nagaserbe sa megadam nga proyekto.
Agud maguba ang paghiliusa sang mga pumuluyong tumanduk kag mapakita nga may malapad nga suporta ang proyekto gintukod sang NCIP ang Calinog Indigenous Peoples Organization (CIPO) kag ginbansagan nga peke ang Tumanduk nga organisasyon nga amo ang tunay nga nagatib-ong sang interes sang mga pumuluyong tumanduk sa Calinog kag kaiping nga mga kabanwahanan sang Tapaz, Jamindan kag Lambunao.
Ginasakyan nila ang kaimulon kag kawawad-on sang mga pumuluyo paagi sa pagtawtaw sang trabaho sa konstruksyon sang dam kag pagpangsuhol sa pila ka lokal nila nga lideres para lang mapahipos kag mapunggan ang pagpamatuk sa dam. Ang indi madala sa ginatawtaw nga benepisyo ginapaagi sa lainlain nga dagway sang pagpamahog.
Nagpagwa sang Executive Order ang Mayor sang Calinog nga indi magpasulod sang anuman nga grupo ukon NGO sa kabaryuhanan sang banwa nga wala nakaagi ukon permit halin sa iya. Ini paglapak sa kinamatarung sang pumuluyo sa impormasyon kag mga pagpaathag nga ginadala sa ila sang mga progresibo nga organisasyon. Luyag nila bulagon ang pumuluyo sa makahalalit nga epekto sang dam kag ang mabatian lang amo ang mapaniplang nga propaganda sang NCIP, NIA, DENR kag iban pa nga ahensya sang gobyerno.
Ini nga mga padihot, gindunganan pa gid sang mas pinasingki nga militarisasyon sa lugar. Gintukuran sang CAFGU detatsment ang barangay Agcalaga magluwas pa sa pagdeploy diri sang isa ka platun sang PNP-Public Safety Company para kuno seguridad sa pagatukuron nga dam. Ini magluwas pa sa masunson nga operasyon militar sang 61st IB nga nagatuga sang kahadlok sa mga pumuluyo. Ginagamit nila ang mga pwersa sang militar para panilagan, pahugon kag punggan ang sin-o man nga padayon nga nagapamatuk sa megadam nga proyekto.
Ini tanan nga mga padihot indi makapugong sa dinekada na nga eksperyensya sang pumuluyo sa pagpakigbato sang ila kinamatarung para sa duta kag kabuhi. Padayon nga nagamartsa sa dalanon kag nagasinggitan sang ila kinamatarung ang mga pumuluyong Tumanduk. Upod sa malapad nga pumuluyo nga apektado sining proyekto, ila igasinggitan ang pagpauntat sa pagtukod sang dam kag pagpatalsik sa korap kag kontra-pumuluyo nga rehimeng US-Aquino. Magalanog man ang lupok sang taktikal nga opensiba sang bag-ong hangaway sang banwa nga amo ang solo nga tigpangapin sang ila interes.
http://www.philippinerevolution.net/statements/20141214_jalaur-megadam-nga-proyekto-pinakamalala-nga-paglapas-sang-tawhanon-nga-kinamatarung-sang-mga-tumanduk
No comments:
Post a Comment
Note: Only a member of this blog may post a comment.