Ka Efren Aksasato
Spokesperson
NDFP Far South Mindanao Chapter
Spokesperson
NDFP Far South Mindanao Chapter
Usa ka sundalo ang namatay ug laing 6 ka tropa sa gubyerno ang nasamdan sa serye sa mga aksyong militar nga gilunsad sa New People’s Army (NPA) sa probinsya sa South Cotabato niadtong Agosto 15, 16 ug 21.
Duha ka tropa sa gubyerno ang naangol dihang gipabusikaran og granada sa usa ka tim nga operatiba sa Mt. Alip Command – Front 72 sa NPA ang detatsmen sa South Cotabato Police Public Safety Company (PSC-PNP) sa Brgy. Sta. Cruz, Tampakan bandang alas 4:30 ang takna sa buntag niadtong Agosto 15. Ang mga nasamdan mao sila PO1 Norberto Lanaria ug Cpl. Florante Basco, usa ka sundalo sa 27th IB nga nakadetalye sa maong detatsmen.
Gipanghimakak sa maong aksyon ang ginapanghambog sa 27th IB-AFP ug gubyernong probinsyal nga huyang na kaayo ang pwersa sa NPA sa South Cotabato. Inay, napamatud-an hinuon sa NPA nga mamahimo kining molunsad og aksyon militar diha mismo sa nataran sa sentrong syudad sa probinsya. Ang naasoy nga detatsment nahimutang sa utlanan sa Tampakan ug Koronadal City, ang kapitolyo sa South Cotabato ug sentrong panggubyerno sa Rehiyon 12.
Pagka-alas 2:30 ang takna sa kahaponon sa mao gihapong adlawa, usa ka sapper team sa BHB ilalom sa Julito Banda Command – Front 73 ang miharas sa usa ka kolum sa 27th IB nga nag-operisyon sa Brgy. Tudok sakop sa lungsod sa T’boli. Nasundan pa kini og laing aksyong harassment niadtong Agosto 16 sa alas 10:30 ang takna sa buntag sulod gihapon sa maong barangay. Dili moubos sa 4 ka mga sundalo ang nasamdan ug usa ang namatay niining magkalambigit nga mga aksyon. Walay kaswalti sa bahin sa mga Pulang manggugubat.
Usa ka dakung bakak ug tinumo-tumo lamang ang gipagula nga taho ni Col. Shalimar Imperial ug sa 27th IB nga tulo ka mga membro sa NPA ang namatay sa magkasunod nga mga engkwentro sa T’boli. Aron tabonan ang kaulaw ug demoralisasyon sa ilang tropa, gilimod nila ang ilang tinuod nga kaswalti ug nangandak pa ginamit ang daan, gasgas na kaayo ug dili-matuohan nga mga linyang panangyaw sama sa “daghang kaswalti ang NPA kay daghang bulit sa dugo ang nakita ”, “ang mga patay gilubong o gitaguan sa wala matino nga lugar”, ug uban pa.
Tungod sa naagomang kapildihan, milunsad og pagpamomba ang AFP sa bukirong lugar sa T’boli niadtong Agosto 16. Mga sibilyang komunidad ang apektado sa paturagas nga aerial bomb attacks ug tulo ka mga sibilyang T’boli nga molupyo sa maong dapit ang nakabsan sa kinabuhi, lakip niini ang usa ka babae. Gatosan ka mga pamilya ang pugsanong namakwet tungod sa panghitabo.
Agosto 21, laing aksyon na usab ang gilunsad sa mga Pulang manggugubat sa JBC-Front 73 sa lungsod sa Lake Sebu. Tunga’ng gabii dihang magkadungang giharas sa magkabulag nga mga sapper teams ang detatsmen sa 27th IB sa Sitio Blit ug ang mga tropa niining nagpahigayon og “peace and development operation” (PDOP) sa Sitio Tawan Dagat, parehong sakop sa Brgy. Ned.
Ang PSC-PNP ug 27th IB parehong aktibong tigpanalipod sa large-scale mining sa Sagittarius Mines Inc. nga nag-opereyt sa gold-copper project sa Tampakan. Daku ang nahimong papel sa PNP aron pitolon ang mga kalihukan sa katawhan nga mibarug batok sa mining project samtang notoryos ang rekord sa 27th IB isip tigpanghinlo sa minahan pinaagi sa pagpang-ihaw sa mga aktibistang kontra-mina. Ang South Cotabato Police direktang tigprotekta sab sa makadaut sa kinaiyahang quarry operations sa mga construction companies nga gipaluyohan sa lokal nga mga burukrata ug nagkupot og mga kontrata sa mga dagkung proyekto sa gubyerno. Ang quarry operations malahutayon nang gireklamo sa mga molupyo labina sa mga mag-uuma sa Tampakan ug Koronadal City tungod sa kadaut nga epekto niini sa ilang mga kabtangan ug panginabuhian.
Niadtong 2012, gitukod sa 27th IB ang Task Force 73 sa erya sa T’boli ug Lake Sebu aron iseguro ang operisyon sa coal mines sa San Miguel Energy Corporation (SMEC), ingonman ang pagsulod sa mga langyawng large-scale mining sa erya. Ang SMEC mao ang pang-enerhiyang dibisyon sa San Miguel Corporation, usa sa kinadak-ang kumpanya sa nasud nga gipanag-iyahan ni Danding Cojuangco, uyoan ni Noynoy Aquino.
Sukad pa niadtong sayong bahin sa 2011 gisugdan sa 27th IB ang militarisasyon sa daghang mga barangay sa Allah Valley (gilangkoban sa mga munisipiladad sa Banga, Surallah, Sto. Nino, Norala, T’boli ug Lake Sebu) aron hawanan ang dalan alang sa pagpalapad sa mga mangingilog og yutang multinasyunal nga Itochu-Dole ug Sumifru.
Ang gubyernong probinsyal sa South Cotabato ilalom ni Gov. Daisy Avance-Fuentes maoy tigpasiugda sa pagpatuman sa PDOP sa 27th IB ilalom sa Oplan Bayanihan aron pugsanong iduso ang bogus nga mga “kalambuan” nga iyang gipagarpar sa labing ulahi niyang state of the province address (SOPA) bisan kun nagkahulugan kini sa padayon nga pagpangilog sa kayutaan, dislokasyon, ug kabangis batok sa katawhan. Samtang labaw pang nagkalisod ang kahimtang sa katawhan tungod sa agresibong pagpalapad sa makadaut sa kinaiyahan ug mangawkaway nga mga dagkung langyaw ug lokal nga mga negosyo ug bangis nga pagpahamtang sa estado, hugtanong kuptan sa NPA ang kaakuhan niining panalipdan ang interes ug kaayohan sa katawhan, labina sa mga labing kabus sa han-ay.
http://www.philippinerevolution.net/statements/20140822_1-ang-patay-6-nasamdan-sa-mga-atake-sa-south-cotabato-afp-namomba-3-sibilyan-patay
Duha ka tropa sa gubyerno ang naangol dihang gipabusikaran og granada sa usa ka tim nga operatiba sa Mt. Alip Command – Front 72 sa NPA ang detatsmen sa South Cotabato Police Public Safety Company (PSC-PNP) sa Brgy. Sta. Cruz, Tampakan bandang alas 4:30 ang takna sa buntag niadtong Agosto 15. Ang mga nasamdan mao sila PO1 Norberto Lanaria ug Cpl. Florante Basco, usa ka sundalo sa 27th IB nga nakadetalye sa maong detatsmen.
Gipanghimakak sa maong aksyon ang ginapanghambog sa 27th IB-AFP ug gubyernong probinsyal nga huyang na kaayo ang pwersa sa NPA sa South Cotabato. Inay, napamatud-an hinuon sa NPA nga mamahimo kining molunsad og aksyon militar diha mismo sa nataran sa sentrong syudad sa probinsya. Ang naasoy nga detatsment nahimutang sa utlanan sa Tampakan ug Koronadal City, ang kapitolyo sa South Cotabato ug sentrong panggubyerno sa Rehiyon 12.
Pagka-alas 2:30 ang takna sa kahaponon sa mao gihapong adlawa, usa ka sapper team sa BHB ilalom sa Julito Banda Command – Front 73 ang miharas sa usa ka kolum sa 27th IB nga nag-operisyon sa Brgy. Tudok sakop sa lungsod sa T’boli. Nasundan pa kini og laing aksyong harassment niadtong Agosto 16 sa alas 10:30 ang takna sa buntag sulod gihapon sa maong barangay. Dili moubos sa 4 ka mga sundalo ang nasamdan ug usa ang namatay niining magkalambigit nga mga aksyon. Walay kaswalti sa bahin sa mga Pulang manggugubat.
Usa ka dakung bakak ug tinumo-tumo lamang ang gipagula nga taho ni Col. Shalimar Imperial ug sa 27th IB nga tulo ka mga membro sa NPA ang namatay sa magkasunod nga mga engkwentro sa T’boli. Aron tabonan ang kaulaw ug demoralisasyon sa ilang tropa, gilimod nila ang ilang tinuod nga kaswalti ug nangandak pa ginamit ang daan, gasgas na kaayo ug dili-matuohan nga mga linyang panangyaw sama sa “daghang kaswalti ang NPA kay daghang bulit sa dugo ang nakita ”, “ang mga patay gilubong o gitaguan sa wala matino nga lugar”, ug uban pa.
Tungod sa naagomang kapildihan, milunsad og pagpamomba ang AFP sa bukirong lugar sa T’boli niadtong Agosto 16. Mga sibilyang komunidad ang apektado sa paturagas nga aerial bomb attacks ug tulo ka mga sibilyang T’boli nga molupyo sa maong dapit ang nakabsan sa kinabuhi, lakip niini ang usa ka babae. Gatosan ka mga pamilya ang pugsanong namakwet tungod sa panghitabo.
Agosto 21, laing aksyon na usab ang gilunsad sa mga Pulang manggugubat sa JBC-Front 73 sa lungsod sa Lake Sebu. Tunga’ng gabii dihang magkadungang giharas sa magkabulag nga mga sapper teams ang detatsmen sa 27th IB sa Sitio Blit ug ang mga tropa niining nagpahigayon og “peace and development operation” (PDOP) sa Sitio Tawan Dagat, parehong sakop sa Brgy. Ned.
Ang PSC-PNP ug 27th IB parehong aktibong tigpanalipod sa large-scale mining sa Sagittarius Mines Inc. nga nag-opereyt sa gold-copper project sa Tampakan. Daku ang nahimong papel sa PNP aron pitolon ang mga kalihukan sa katawhan nga mibarug batok sa mining project samtang notoryos ang rekord sa 27th IB isip tigpanghinlo sa minahan pinaagi sa pagpang-ihaw sa mga aktibistang kontra-mina. Ang South Cotabato Police direktang tigprotekta sab sa makadaut sa kinaiyahang quarry operations sa mga construction companies nga gipaluyohan sa lokal nga mga burukrata ug nagkupot og mga kontrata sa mga dagkung proyekto sa gubyerno. Ang quarry operations malahutayon nang gireklamo sa mga molupyo labina sa mga mag-uuma sa Tampakan ug Koronadal City tungod sa kadaut nga epekto niini sa ilang mga kabtangan ug panginabuhian.
Niadtong 2012, gitukod sa 27th IB ang Task Force 73 sa erya sa T’boli ug Lake Sebu aron iseguro ang operisyon sa coal mines sa San Miguel Energy Corporation (SMEC), ingonman ang pagsulod sa mga langyawng large-scale mining sa erya. Ang SMEC mao ang pang-enerhiyang dibisyon sa San Miguel Corporation, usa sa kinadak-ang kumpanya sa nasud nga gipanag-iyahan ni Danding Cojuangco, uyoan ni Noynoy Aquino.
Sukad pa niadtong sayong bahin sa 2011 gisugdan sa 27th IB ang militarisasyon sa daghang mga barangay sa Allah Valley (gilangkoban sa mga munisipiladad sa Banga, Surallah, Sto. Nino, Norala, T’boli ug Lake Sebu) aron hawanan ang dalan alang sa pagpalapad sa mga mangingilog og yutang multinasyunal nga Itochu-Dole ug Sumifru.
Ang gubyernong probinsyal sa South Cotabato ilalom ni Gov. Daisy Avance-Fuentes maoy tigpasiugda sa pagpatuman sa PDOP sa 27th IB ilalom sa Oplan Bayanihan aron pugsanong iduso ang bogus nga mga “kalambuan” nga iyang gipagarpar sa labing ulahi niyang state of the province address (SOPA) bisan kun nagkahulugan kini sa padayon nga pagpangilog sa kayutaan, dislokasyon, ug kabangis batok sa katawhan. Samtang labaw pang nagkalisod ang kahimtang sa katawhan tungod sa agresibong pagpalapad sa makadaut sa kinaiyahan ug mangawkaway nga mga dagkung langyaw ug lokal nga mga negosyo ug bangis nga pagpahamtang sa estado, hugtanong kuptan sa NPA ang kaakuhan niining panalipdan ang interes ug kaayohan sa katawhan, labina sa mga labing kabus sa han-ay.
http://www.philippinerevolution.net/statements/20140822_1-ang-patay-6-nasamdan-sa-mga-atake-sa-south-cotabato-afp-namomba-3-sibilyan-patay
No comments:
Post a Comment
Note: Only a member of this blog may post a comment.