JB Regalado
Spokesperson
NPA-Central Negros (Leonardo Panaligan Command)
Negros Island Regional Operational Command (Apolinario Gatmaitan Command)
New People's Army
July 26, 2023
Ang Leonardo Panaligan Command-New People’s Army (LPC-NPA) sa Central Negros ang nagapakig-isa sa paghimakas kag singgitan sang pamilya Jacolbe para sa matuod nga hustisya kag sa nagakaigo nga silot sa mga pasistang militar ilabi na ang berdugo kag kriminal nga mga katapo sang 62nd IBPA.
Nadumduman nga sadtong Hulyo 26, 2022 sang kaagahon, samtang nagakatulog ang nasambit nga pamilya sa ila balay palahuwayan sa Sityo Banderahan, Brgy. Trinidad, Guihulngan City, Negros Oriental, wala kaluoy nga ginmasaker sang berdugong 62nd IB sila Cristina Jacolbe, isa ka Day Care worker kag lima ka bulan nga busong; Everly Kee Jacolbe, 16 anyos (menor de edad nga anak ni Cristina) kag estudyante; kag Rodan Montero. Ginpasibangdan sila sang mga pwersa nga estado nga mga katapo sang NPA kag ginpabula sang pasistang militar nga nangin kaswalti sila nga tatlo sa isa ka peke nga engkwentro sa tunga sang NPA kag tropa sang 62nd IB.
Ang kamatuoran si Cristina Jacolbe ang biktima sang redtagging sang rehimen US-Duterte antes pa sang Oplan Sauron ukon “one time, big time” nga Synchronized Enhanced Military and Police Operations (SEMPO) sa Oriental Negros sadtong December 27, 2018. Napilitan si Cristina nga mag-untat sa pagtrabaho bilang Day Care worker bangud sang paglagas sang estado paagi sa mga mapintas nga pwersa sini. Samtang si Everly Kee ang nagbisita lamang sa iya iloy sa ila balay palahuwayan. Manugbalik na siya sa eskwelahan sang ginmasaker sila sang mga naga-operasyon nga tropa sang 62nd IB sa lugar.
Si Everly Kee ang pilason lang tani sa nahitabo nga insidente kag nagapakiluoy sa mga suldado nga dal-on sa ospital. Imbes nga hatagan sang pagtamod, hungod nga ginpatay sang mga pasistang tropa ang nasambit nga menor de edad. Samtang, kapoy sa pagtrabaho sa uma si Montero nga paryente man sang pamilya Jacolbe amo nga nagpahuway na lamang sa payag palahuwayan upod sa nasambit nga pamilya.
Ang datus nagapakita nga ginmasaker ang pamilya Jacolbe kag ginpangawat man sang berdugong 62nd IB ang ila mga kagamitan kag masobra P40 mil nga kwarta sang pamilya. Athag nga wala nagahandum sang matuod nga kalinong ang rehimen US-Marcos Jr upod sa iya mga ido-ido sa Armed Forces of the Philippines (AFP), Philippine National Police (PNP), NTF-Elcac kag iban pa nga mapintas nga makinaryas sang reaksyonaryong estado.
Isa ka tuig na nga nagapangita kag nagasinggitan sang hustisya ang pamilya Jacolbe. Pabilin nga nagapabungol ang reaksyonaryong estado sa pagpamuno sang US-Marcos Jr nga rehimen. Imbes nga ihatag ang matuod nga hustisya sa pamilya sang mga biktima sang paglapas sang tawhanon nga kinamatarung labi pa nga ginpaluntad ang pagpamintas kag kakugmat sa mga kaumahan sang Central Negros.
Sa sulod sang isa ka tuig nga pagpungko sa poder nangin inutil ang rehimen ni Marcos Jr sa pagsabat sang madata nga mga yamo, reklamo kag demanda sang pumuluyo kaangot sa katarungan kag hustisya sosyal. Wala sang kalinong sa kaumahan kag nangin madata ang terorismo sang estado batok sa mga inosenteng sibilyan. Wala gid masabat kag masolbar ang matuod nga ugat sang madugay na nga kaimulon nga gina-atubang sang kadam-an nga pumuluyo. Sa baylo, dugang nga nagkurit ang rehimen sang malaba nga listahan sa pagbayolar sang tawhanon nga kinamatarung.
Nagtimbuok ang kaso sang brutal nga pagpamatay sa mga sibilyan nga hungod nga ginkomiter sang berdugo nga tropa sang 62nd IB, Division Reconnaissance Company (DRC), 16th Scout Ranger Company, 94th IB, Special Action Force (SAF)-PNP kag Regional Public Safety Battalion (RPSBn) dira sa ila paghinabon sa ila mga krimen gamit ang mga peke nga engkwentro sa tunga sang NPA kag tropa sang estado kaangay sang nga masunod:
1. Ang brutal nga pagpamatay sa mga sibilyan (Setyembre 7, 2022 – Hunyo 13, 2023) -gintiro patay sang mga katapo sang 62nd IB sanday Greg Cantela, Victoriano Baldonado, Orlando Fat, mag-amay nga sanday Anthony Babor kag Jurielen Babor kag Benjie Ebarle, tanan sang Brgy. Trinidad, Guihulngan City. Wala kaluoy nga pagpatay kay Jose Albores, Ruben Obidas kag sa mag-asawa nga sanday Evelyn Meren kag Julieven Ramirez sang Brgy. Quintin Remo kag Roweno Anubong sang Brgy. Macagahay, Moises Padilla, Negros Occidental. Ginpabula sang militar ang mga biktima nga mga kaswalti sa ginahinabon nga mga peke nga engkwentro sa tunga sang NPA kag tropa sang estado.
2. Nobyembre 28, 2022-Abril 28, 2023 -pagpatay sang mga katapo sang 62nd IB sa mga hors de combat (wala ikasarang magbato) nga mga katapo sang Pulang Hangaway nga sanday Mario Baldusa (Ka Jecoy), Janhel Sarsa (Ka Jorge), Anthony Curson (Ka Miguel), Rolly Benero (Ka Marnie), Cristito Nelles (Ka Cris) kag Alvin Bayno (Ka Dagger) idalum sa polisiya sang estado nga “wala dakpon nga buhi sa NPA.”
3. Iligal nga pagpang-aresto sa mga sibilyan (Marso 17-Abril 21, 2023) nga sanday Jerry Montefalcon kag Leonido Montero sang Brgy. Budlasan, Canlaon City, Negros Oriental. Subong man kay Lucrisio Villegas sang Brgy. Guba, Vallehermoso, Negros Oriental. Wala sang warrant of arrest nga ginpresentar ang militar sa mga biktima.
4. Pagrapido kag pagpangransak sang mga kabalayan (Enero 22-Hulyo 6, 2023) sang pamilya Ramirez, Callura, Garlo kag Perolino sa Brgy. Quintin Remo, Moises Padilla; pamilya Pasinabo kag Cantela sa Brgy. Trinidad, Guihulngan City; pamilya Grapa, Belando, Legaspi sang Brgy. Linantuyan, Guihulngan City; pamilya Apao sang Brgy. Calupaan kag pamilya Aliyacyac sang Brgy. Magsaysay tanan sang Guihulngan City; pamilya Recisio kag Ababa sang Brgy. Bucalan, pamilya Sandot sang Brgy Budlasan tanan sang Canlaon City; pamilya Villegas sang Brgy. Guba, Vallehermoso kag pamilya Pedro sang Brgy. Amuntay, Binalbagan, Negros Occidental kag pamilya Gerunda sang Brgy. Banog-banog banwa sang Isabela, Negros Occidental.
5. Kaso sang pagpinalupok sang militar nga nagkugmat sa mga residente (Abril 21-Hulyo 15, 2023) nga natabo sa border sang Brgy. Libras kag Lima-lima, Isabela Negros Occidental, sa Sityo Cansampo, Brgy. Bagtik, La Libertad kag Sityo Uyangan, Brgy Budlasan, Canlaon City.
6. Pagpamomba nga nagtuga sang pilit nga pagbakwit sang mga mangunguma sadtong Oktubre 31, 2022. Dose ka dalagku nga lupok ang mabatian sang mga pumuluyo nga nagtupa sa Mount Cansanda sa border sang Brgy. Magsaysay kag Brgy. Balogo, Guihulngan, Negros Oriental. Nagsugod ang pagpamomba sang militar alas 5:00 sang hapon tubtob alas 7:30 sang gab-i rason sang pagbakwit sang mga residente sa lugar. Nagtuga man sang halit sa ila mga uma kag mga kasapatan.
7. Ang madata nga redtagging kag pilit nga pagpasurender sa mga mangunguma kag sibilyan.
Ang Visayas Command sang AFP sa pagpanguna ni Lt. Gen. Benedict Arevalo, 3ID Commander MGen. Marion Sison kag 303rd Bde Commander BGen. Orlando Edralin ang may dako nga salabton sa pumuluyo sa Central Negros nga nangin biktima sang pagpamintas kag perwisyo sang terorismo sang estado.
Sukton, pabayaron kag silotan sang rebolusyonaryong pwersa paagi sa iya NPA ang mga mersenaryo, pasista, berdugo kag kriminal nga AFP, PNP kag NTF-Elcac!
Hustisya para sa pamilya Jacolbe kag tanan nga biktima sang terorismo sang estado!
Singgitan sang Kadam-an, HUSTISYA-SOSYAL kag KATARUNGAN!###
https://philippinerevolution.nu/statements/hustisya-ang-padayon-nga-singgit-sang-pamilya-jacolbe/
Ang Leonardo Panaligan Command-New People’s Army (LPC-NPA) sa Central Negros ang nagapakig-isa sa paghimakas kag singgitan sang pamilya Jacolbe para sa matuod nga hustisya kag sa nagakaigo nga silot sa mga pasistang militar ilabi na ang berdugo kag kriminal nga mga katapo sang 62nd IBPA.
Nadumduman nga sadtong Hulyo 26, 2022 sang kaagahon, samtang nagakatulog ang nasambit nga pamilya sa ila balay palahuwayan sa Sityo Banderahan, Brgy. Trinidad, Guihulngan City, Negros Oriental, wala kaluoy nga ginmasaker sang berdugong 62nd IB sila Cristina Jacolbe, isa ka Day Care worker kag lima ka bulan nga busong; Everly Kee Jacolbe, 16 anyos (menor de edad nga anak ni Cristina) kag estudyante; kag Rodan Montero. Ginpasibangdan sila sang mga pwersa nga estado nga mga katapo sang NPA kag ginpabula sang pasistang militar nga nangin kaswalti sila nga tatlo sa isa ka peke nga engkwentro sa tunga sang NPA kag tropa sang 62nd IB.
Ang kamatuoran si Cristina Jacolbe ang biktima sang redtagging sang rehimen US-Duterte antes pa sang Oplan Sauron ukon “one time, big time” nga Synchronized Enhanced Military and Police Operations (SEMPO) sa Oriental Negros sadtong December 27, 2018. Napilitan si Cristina nga mag-untat sa pagtrabaho bilang Day Care worker bangud sang paglagas sang estado paagi sa mga mapintas nga pwersa sini. Samtang si Everly Kee ang nagbisita lamang sa iya iloy sa ila balay palahuwayan. Manugbalik na siya sa eskwelahan sang ginmasaker sila sang mga naga-operasyon nga tropa sang 62nd IB sa lugar.
Si Everly Kee ang pilason lang tani sa nahitabo nga insidente kag nagapakiluoy sa mga suldado nga dal-on sa ospital. Imbes nga hatagan sang pagtamod, hungod nga ginpatay sang mga pasistang tropa ang nasambit nga menor de edad. Samtang, kapoy sa pagtrabaho sa uma si Montero nga paryente man sang pamilya Jacolbe amo nga nagpahuway na lamang sa payag palahuwayan upod sa nasambit nga pamilya.
Ang datus nagapakita nga ginmasaker ang pamilya Jacolbe kag ginpangawat man sang berdugong 62nd IB ang ila mga kagamitan kag masobra P40 mil nga kwarta sang pamilya. Athag nga wala nagahandum sang matuod nga kalinong ang rehimen US-Marcos Jr upod sa iya mga ido-ido sa Armed Forces of the Philippines (AFP), Philippine National Police (PNP), NTF-Elcac kag iban pa nga mapintas nga makinaryas sang reaksyonaryong estado.
Isa ka tuig na nga nagapangita kag nagasinggitan sang hustisya ang pamilya Jacolbe. Pabilin nga nagapabungol ang reaksyonaryong estado sa pagpamuno sang US-Marcos Jr nga rehimen. Imbes nga ihatag ang matuod nga hustisya sa pamilya sang mga biktima sang paglapas sang tawhanon nga kinamatarung labi pa nga ginpaluntad ang pagpamintas kag kakugmat sa mga kaumahan sang Central Negros.
Sa sulod sang isa ka tuig nga pagpungko sa poder nangin inutil ang rehimen ni Marcos Jr sa pagsabat sang madata nga mga yamo, reklamo kag demanda sang pumuluyo kaangot sa katarungan kag hustisya sosyal. Wala sang kalinong sa kaumahan kag nangin madata ang terorismo sang estado batok sa mga inosenteng sibilyan. Wala gid masabat kag masolbar ang matuod nga ugat sang madugay na nga kaimulon nga gina-atubang sang kadam-an nga pumuluyo. Sa baylo, dugang nga nagkurit ang rehimen sang malaba nga listahan sa pagbayolar sang tawhanon nga kinamatarung.
Nagtimbuok ang kaso sang brutal nga pagpamatay sa mga sibilyan nga hungod nga ginkomiter sang berdugo nga tropa sang 62nd IB, Division Reconnaissance Company (DRC), 16th Scout Ranger Company, 94th IB, Special Action Force (SAF)-PNP kag Regional Public Safety Battalion (RPSBn) dira sa ila paghinabon sa ila mga krimen gamit ang mga peke nga engkwentro sa tunga sang NPA kag tropa sang estado kaangay sang nga masunod:
1. Ang brutal nga pagpamatay sa mga sibilyan (Setyembre 7, 2022 – Hunyo 13, 2023) -gintiro patay sang mga katapo sang 62nd IB sanday Greg Cantela, Victoriano Baldonado, Orlando Fat, mag-amay nga sanday Anthony Babor kag Jurielen Babor kag Benjie Ebarle, tanan sang Brgy. Trinidad, Guihulngan City. Wala kaluoy nga pagpatay kay Jose Albores, Ruben Obidas kag sa mag-asawa nga sanday Evelyn Meren kag Julieven Ramirez sang Brgy. Quintin Remo kag Roweno Anubong sang Brgy. Macagahay, Moises Padilla, Negros Occidental. Ginpabula sang militar ang mga biktima nga mga kaswalti sa ginahinabon nga mga peke nga engkwentro sa tunga sang NPA kag tropa sang estado.
2. Nobyembre 28, 2022-Abril 28, 2023 -pagpatay sang mga katapo sang 62nd IB sa mga hors de combat (wala ikasarang magbato) nga mga katapo sang Pulang Hangaway nga sanday Mario Baldusa (Ka Jecoy), Janhel Sarsa (Ka Jorge), Anthony Curson (Ka Miguel), Rolly Benero (Ka Marnie), Cristito Nelles (Ka Cris) kag Alvin Bayno (Ka Dagger) idalum sa polisiya sang estado nga “wala dakpon nga buhi sa NPA.”
3. Iligal nga pagpang-aresto sa mga sibilyan (Marso 17-Abril 21, 2023) nga sanday Jerry Montefalcon kag Leonido Montero sang Brgy. Budlasan, Canlaon City, Negros Oriental. Subong man kay Lucrisio Villegas sang Brgy. Guba, Vallehermoso, Negros Oriental. Wala sang warrant of arrest nga ginpresentar ang militar sa mga biktima.
4. Pagrapido kag pagpangransak sang mga kabalayan (Enero 22-Hulyo 6, 2023) sang pamilya Ramirez, Callura, Garlo kag Perolino sa Brgy. Quintin Remo, Moises Padilla; pamilya Pasinabo kag Cantela sa Brgy. Trinidad, Guihulngan City; pamilya Grapa, Belando, Legaspi sang Brgy. Linantuyan, Guihulngan City; pamilya Apao sang Brgy. Calupaan kag pamilya Aliyacyac sang Brgy. Magsaysay tanan sang Guihulngan City; pamilya Recisio kag Ababa sang Brgy. Bucalan, pamilya Sandot sang Brgy Budlasan tanan sang Canlaon City; pamilya Villegas sang Brgy. Guba, Vallehermoso kag pamilya Pedro sang Brgy. Amuntay, Binalbagan, Negros Occidental kag pamilya Gerunda sang Brgy. Banog-banog banwa sang Isabela, Negros Occidental.
5. Kaso sang pagpinalupok sang militar nga nagkugmat sa mga residente (Abril 21-Hulyo 15, 2023) nga natabo sa border sang Brgy. Libras kag Lima-lima, Isabela Negros Occidental, sa Sityo Cansampo, Brgy. Bagtik, La Libertad kag Sityo Uyangan, Brgy Budlasan, Canlaon City.
6. Pagpamomba nga nagtuga sang pilit nga pagbakwit sang mga mangunguma sadtong Oktubre 31, 2022. Dose ka dalagku nga lupok ang mabatian sang mga pumuluyo nga nagtupa sa Mount Cansanda sa border sang Brgy. Magsaysay kag Brgy. Balogo, Guihulngan, Negros Oriental. Nagsugod ang pagpamomba sang militar alas 5:00 sang hapon tubtob alas 7:30 sang gab-i rason sang pagbakwit sang mga residente sa lugar. Nagtuga man sang halit sa ila mga uma kag mga kasapatan.
7. Ang madata nga redtagging kag pilit nga pagpasurender sa mga mangunguma kag sibilyan.
Ang Visayas Command sang AFP sa pagpanguna ni Lt. Gen. Benedict Arevalo, 3ID Commander MGen. Marion Sison kag 303rd Bde Commander BGen. Orlando Edralin ang may dako nga salabton sa pumuluyo sa Central Negros nga nangin biktima sang pagpamintas kag perwisyo sang terorismo sang estado.
Sukton, pabayaron kag silotan sang rebolusyonaryong pwersa paagi sa iya NPA ang mga mersenaryo, pasista, berdugo kag kriminal nga AFP, PNP kag NTF-Elcac!
Hustisya para sa pamilya Jacolbe kag tanan nga biktima sang terorismo sang estado!
Singgitan sang Kadam-an, HUSTISYA-SOSYAL kag KATARUNGAN!###
https://philippinerevolution.nu/statements/hustisya-ang-padayon-nga-singgit-sang-pamilya-jacolbe/
No comments:
Post a Comment
Note: Only a member of this blog may post a comment.