JB Regalado
Spokesperson
NPA-Central Negros (Leonardo Panaligan Command)
Negros Island Regional Operational Command (Apolinario Gatmaitan Command)
New People's Army
June 20, 2023
Mabaskog nga ginakondenar sang Leonardo Panaligan Command-New People’s Army (LPC-NPA) ang makasiligni nga pagmasaker sang berdugo kag pasistang 94th Infantry Battalion (IB) sa pobre kag makaluluoy nga pamilya Fausto sa Sityo Kangkiling, Brgy. Buenavista, Himamaylan City, Negros Occidental sadtong Hunyo 14, alas 10:00 sang gab-i.
Wala kaluoy nga ginpaarakan sang armas luthang sang uhaw sa dugo nga tropa sang 94th IB ang nasambit nga puluy-an sang pamilya Fausto samtang mahamuok nga nagakatulog ang bug-os nga pamilya. Suno sa report, apat tanan nga myembro sang pamilya nga sanday Rolly, 52 anyos (amay) kag Emilda Fausto, 49 anyos (iloy) lakip na ang duha ka menor de edad nga mga kabataan sang mag-asawa nga sanday Ben kag Raben, 15 kag 11 anyos.
Ang pamilya Fausto lehitimo nga katapo sang BABICAFA (Baklayan, Bito, Cabagal Farmers Association). Isa ka lokal nga asosasyon nga nagahatag sang nagakaigo nga serbisyo sa mga mangunguma kag bug-os nga pumuluyo sa lugar. Ang BABICAFA ang rehistrado nga organisasyon sang mangunguma kag nangin biktima man sang red tagging sang Armed Forces of the Philippines (AFP), Philippine National Police (PNP) kag National Task Force (NTF)-Elcac kag ginapasibangdan nga mga supporter sang NPA.
Wala sa listahan sang NPA sa isla nga intel asset sang militar ang amay nga si Rolly Fausto. Wala man sang kriminal nga record ang pamilya Fausto kag labaw sa tanan wala sang utang nga dugo sa pumuluyo ang nasambit nga pamilya.
Wala huya kag illogical ang mga palayag ni 94th IB Commander Lt. Col. Van Donald Almonte kag 303rd Bde PA CO BGen. Orlando Edralin kakunsabo ang mga kapulisan sang Himamaylan City nga ginapahid sa NPA ang ini nga makasiligni nga kalakasan. Lunsay fabricated kag linubid nga mga kabutigan kag paghinabon lamang sang pasistang AFP partikular na ang 94th IB sa ila mga kapalpakan sa pagdugmok sang rebolusyonaryong kahublagan sa isla.
Wala sang iban nga nagahingabot kag nagapahug sa pamilya Fausto luwas lang sang pasista kag berdugo nga 94th IB kag 303rd Brigade.
Indi ini bag-o nga hitabo sa isla nga ang may kahimuan ang AFP. Isa na diri ang pagmasaker sang 11th IB sa pamilya Calago sa Brgy. Tacpao, Guihulngan City sadtong tuig 2015. Ginpaarakan sang armas luthang sang mga naga-operasyon nga tropa sang 11th IBPA ang puluy-an sang nasambit nga pamilya kag wala kaluoy nga ginsunog ang puluy-an kag buhi nga lawas sang mag-asawa nga Calago. Patay si Brgy. Kagawad Enric Calago kag asawa sini nga si BHW Rosalie Calago nga lunsay mga opisyal sang barangay. Ang pamilya Calago mga aktibo nga katapo sang Kahugpongan para sa Ugma sa Gagmay’ng Mag-uuma sa Oriental Negros (KAUGMAON)-Guihulngan Chapter. Lehitimo kag rehistrado sa Securities and Exchange Commission (SEC) nga organisasyon sang mga mangunguma nga nagahatag sang serbisyo-sosyal sa mga mangunguma kag iban pa nga sektor sa nasambit nga syudad.
Ang LPC-NPA naga-upod gid sa kasubo sang pamilya Fausto upod sa mga biktima sang paglapas sang tawhanon nga kinamatarung kag nagahimakas nga pumuluyo sa pag-angkon sang matuod nga hustisya sosyal kag demokratikong interes.
Ginapanawagan man sa tanan nga mga katapo sang 94th IB, mga CAFGU kag bug-os nga tropa sang AFP nga indi na makatulon kag indi makabatas sa ginahimo nga mga kalakasan sang pasistang militar sa mga inosenteng sibilyan kag bug-os nga pumuluyo sa kaumahan. Sikreto nga magdangup sa mga yunit sang NPA malapit sa inyo lugar agud maghatag sang nagakaigo kag matuod nga impormasyon. Bukas ang NPA kag bug-os nga rebolusyonaryong kahublagan sa pag-akomodar sa inyo matarung nga katuyuan.
Ginamando man sa tanan nga yunit sang NPA sa Central Negros nga maglunsar sang malapnagon nga taktikal nga opensiba sa paghatag sang nagakaigo nga hustisya sa mga biktima sang pasismo sang estado ilabi na ang pagpamintas sang AFP, PNP, NTF-Elcac kag iban pa nga may utang nga dugo sa rebolusyon.###
https://philippinerevolution.nu/statements/pagmasaker-sang-94th-ib-sa-pamilya-fausto-sa-himamaylan-city-ginakondenar-sang-lpc-npa/
Mabaskog nga ginakondenar sang Leonardo Panaligan Command-New People’s Army (LPC-NPA) ang makasiligni nga pagmasaker sang berdugo kag pasistang 94th Infantry Battalion (IB) sa pobre kag makaluluoy nga pamilya Fausto sa Sityo Kangkiling, Brgy. Buenavista, Himamaylan City, Negros Occidental sadtong Hunyo 14, alas 10:00 sang gab-i.
Wala kaluoy nga ginpaarakan sang armas luthang sang uhaw sa dugo nga tropa sang 94th IB ang nasambit nga puluy-an sang pamilya Fausto samtang mahamuok nga nagakatulog ang bug-os nga pamilya. Suno sa report, apat tanan nga myembro sang pamilya nga sanday Rolly, 52 anyos (amay) kag Emilda Fausto, 49 anyos (iloy) lakip na ang duha ka menor de edad nga mga kabataan sang mag-asawa nga sanday Ben kag Raben, 15 kag 11 anyos.
Ang pamilya Fausto lehitimo nga katapo sang BABICAFA (Baklayan, Bito, Cabagal Farmers Association). Isa ka lokal nga asosasyon nga nagahatag sang nagakaigo nga serbisyo sa mga mangunguma kag bug-os nga pumuluyo sa lugar. Ang BABICAFA ang rehistrado nga organisasyon sang mangunguma kag nangin biktima man sang red tagging sang Armed Forces of the Philippines (AFP), Philippine National Police (PNP) kag National Task Force (NTF)-Elcac kag ginapasibangdan nga mga supporter sang NPA.
Wala sa listahan sang NPA sa isla nga intel asset sang militar ang amay nga si Rolly Fausto. Wala man sang kriminal nga record ang pamilya Fausto kag labaw sa tanan wala sang utang nga dugo sa pumuluyo ang nasambit nga pamilya.
Wala huya kag illogical ang mga palayag ni 94th IB Commander Lt. Col. Van Donald Almonte kag 303rd Bde PA CO BGen. Orlando Edralin kakunsabo ang mga kapulisan sang Himamaylan City nga ginapahid sa NPA ang ini nga makasiligni nga kalakasan. Lunsay fabricated kag linubid nga mga kabutigan kag paghinabon lamang sang pasistang AFP partikular na ang 94th IB sa ila mga kapalpakan sa pagdugmok sang rebolusyonaryong kahublagan sa isla.
Wala sang iban nga nagahingabot kag nagapahug sa pamilya Fausto luwas lang sang pasista kag berdugo nga 94th IB kag 303rd Brigade.
Indi ini bag-o nga hitabo sa isla nga ang may kahimuan ang AFP. Isa na diri ang pagmasaker sang 11th IB sa pamilya Calago sa Brgy. Tacpao, Guihulngan City sadtong tuig 2015. Ginpaarakan sang armas luthang sang mga naga-operasyon nga tropa sang 11th IBPA ang puluy-an sang nasambit nga pamilya kag wala kaluoy nga ginsunog ang puluy-an kag buhi nga lawas sang mag-asawa nga Calago. Patay si Brgy. Kagawad Enric Calago kag asawa sini nga si BHW Rosalie Calago nga lunsay mga opisyal sang barangay. Ang pamilya Calago mga aktibo nga katapo sang Kahugpongan para sa Ugma sa Gagmay’ng Mag-uuma sa Oriental Negros (KAUGMAON)-Guihulngan Chapter. Lehitimo kag rehistrado sa Securities and Exchange Commission (SEC) nga organisasyon sang mga mangunguma nga nagahatag sang serbisyo-sosyal sa mga mangunguma kag iban pa nga sektor sa nasambit nga syudad.
Ang LPC-NPA naga-upod gid sa kasubo sang pamilya Fausto upod sa mga biktima sang paglapas sang tawhanon nga kinamatarung kag nagahimakas nga pumuluyo sa pag-angkon sang matuod nga hustisya sosyal kag demokratikong interes.
Ginapanawagan man sa tanan nga mga katapo sang 94th IB, mga CAFGU kag bug-os nga tropa sang AFP nga indi na makatulon kag indi makabatas sa ginahimo nga mga kalakasan sang pasistang militar sa mga inosenteng sibilyan kag bug-os nga pumuluyo sa kaumahan. Sikreto nga magdangup sa mga yunit sang NPA malapit sa inyo lugar agud maghatag sang nagakaigo kag matuod nga impormasyon. Bukas ang NPA kag bug-os nga rebolusyonaryong kahublagan sa pag-akomodar sa inyo matarung nga katuyuan.
Ginamando man sa tanan nga yunit sang NPA sa Central Negros nga maglunsar sang malapnagon nga taktikal nga opensiba sa paghatag sang nagakaigo nga hustisya sa mga biktima sang pasismo sang estado ilabi na ang pagpamintas sang AFP, PNP, NTF-Elcac kag iban pa nga may utang nga dugo sa rebolusyon.###
https://philippinerevolution.nu/statements/pagmasaker-sang-94th-ib-sa-pamilya-fausto-sa-himamaylan-city-ginakondenar-sang-lpc-npa/
No comments:
Post a Comment
Note: Only a member of this blog may post a comment.