CPP/NPA-Central Negros: Kondenaron ang Utok sang Madinuguon nga Operasyon

Propaganda statement posted to the Communist Party of the Philippines (CPP) Website (Dec 31, 2020): Kondenaron ang Utok sang Madinuguon nga Operasyon

JB REGALADO SPOKESPERSON

NPA-CENTRAL NEGROS

LEONARDO PANALIGAN COMMAND

NEGROS ISLAND REGIONAL OPERATIONAL COMMAND

APOLINARIO GATMAITAN COMMAND

NEW PEOPLE'S ARMY

DECEMBER 31, 2020

Mabaskog nga ginakondenar sang Leonardo Panaligan Command- New People’s Army (LPC-NPA), ang Indi makatarunganon nga sinkronisado nga operasyon sang Philippine National Police- Criminal Investigation and Detection Group-6 (PNP-CIDG-6) sa idalom sang pagpamuno ni Col. Gervacio Balmaceda sang CIDG-6 kag Armed Forces of the Philippines (AFP) sa idaum sang 12th Infantry Battalion Philippine Army (IBPA) kahapon sang alas 4:00 sang kaagahon sa sakop sang banwa sang Tapaz, Capiz kag Calinog, Iloilo sa isla sang Panay kag sa separado nga Isla sa probinsya sang Bohol

Kadungan sang anibersaryo sang pagkamatay ni Dr. Jose Rizal, wala sang kaluoy nga ginpatay ang 10 ka kabuhi sang mangunguma, 17 ang illegal nga ginpang-aresto sa hinimo-himo nga kaso kag 3 ang gindeklarar nga missing sang mga nasambit nga lugar.

Ang mga biktima ang lunsay sibilyan kag katapo sang organisasyon sang mga mangunguma kag indigenous people nga TUMANDOK nga naghimakas para depensahan ang ila nga kinamatarong sa dutang palangabuhi-an kag kinabuhi.

Kaangay sang natabo nga Synchronize Enhance Management of Police Operation (SEMPO)/Oplan Sauron 1 kag 2 sa Negros sadtong Disyembre 27, 2018 sa syudad sang Guihulngan, Negros Oriental, sa diin 6 ka kabuhi sang mga manguguma ang ginpamatay kag masobra sa 50 ka sibilyan ang illegal nga ginpangdakop sa patu-pato nga kaso. Sa idalom sang AFP kag Police Regional Office-7 (PRO7) nga ginpangulohan sadto ni anay Director PGen. Debold Sinas nga na promote sa subong bilang PNP Chief.

Samtang, 14 ka kabuhi ang nautas sang kasubong nga operasyon sa Sta. Catalina, Manjuyod, Guihulngan kag Canlaon City yadtong Marso 30, 2019. Diin, ginpaggawas lamang sang mga berdugong militar kag kapulisan nga “nanlaban” kag mga supporter sang Communist Party of the Philippines- New People’s Army (CPP-NPA) ang mga pumuluyo nga nangin biktima sini.

Nagapabilin sa gihapon nga wala sang hustisya kag inutil ang pasistang rehimeng US-Duterte kag iya mga kroni sa pagpromote kay Sinas bilang PNP Chief.

Pasabton ang mga responsable sa paglapas sang tawhanon nga kinamatarong sang mga sibilyan. Maghimakas kag indi mag-untat samtang indi mapasabat ang mga may sala. Panindugan ang tawhanon nga kinamatarong!

https://cpp.ph/statements/kondenaron-ang-utok-sang-madinuguon-nga-operasyon/