SAN JOSE, Antique, Agosto 14 (PIA) -- Ginpresentar kang Philippine National Police (PNP) kag Armed Forces of the Philippines (AFP) kay Governor Rhodora Cadiao ang walo ka anay nga mga rebelde nagikan sa Northern kag Central Front kang probinsya nga nagsungka sa sabak kang gobyerno.
Sa sangka interbyu, ginpahayag ni Lt.Col. Joel Benedict Batara, Commander kang 61st Infantry Battalion, nga luyag kang kadya nga mga former rebels nga magbalik sa normal ang andang pangabuhi kaimaw kang anda nga pamilya.
Sa mensahe naman ni House Deputy Speaker kag Antique Lone District Loren Legarda, ana ginatib-ong ang importansya kang kalinong kag paghidaet ilabi na ang paghiwat kang peace talks sa mga rebelde.
Dugang pa, ana man nga ginarespeto ni Legarda ang kinamatarung kang tawo kag nagpahanumdom nga dapat paga-tratuhon kang mayad ang mga former rebels.
Sa bahin ni Gov. Cadiao, ana nga ginpasiguro ang pagtugro kang bulig sa mga anay nga mga rebelde.
"Siguro nakita ninyo na ngayon ay may pag-asa na para tayo ay magsama-sama kasi nakita ninyo na ang panahon ngayon ay iba na, kasi makabuol dun kamo ka ubra kag kang mga ayuda ", hambal ni Cadiao.
Angot kadya, ang mga nagkalain lain nga mga ahensya kang gobyerno kasubong kang Department of Labor and Employment (DOLE), Department of Trade and Industry (DTI), Department of Environment and Natural Resources (DENR), Provincial Social Welfare and Development Office (PSWDO) kag Provincial Planning and Development Office (PPDO) magahatag man kang bulig kananda. (JSC/LML-PIA6 Antique)
https://pia.gov.ph/news/articles/1050172
No comments:
Post a Comment
Note: Only a member of this blog may post a comment.