Monday, June 29, 2020

Gobyerno sinsero'ng motabang sa mga NPA nga mubalik sa sabakan sa balaod

From the Philippine Information Agency (Jun 29, 2020): Gobyerno sinsero'ng motabang sa mga NPA nga mubalik sa sabakan sa balaod (By Vincent Philip S. Bautista)

Featured Image

Si Representate Julitte T. Uy sa ikaduhang distrito sa Misamis Oriental gipadayag ang sinseridad sa gobyerno sa pagtabang sa mga rebelde mubalik sa sabakan sa balaod atol sa presscon sa kampo sa 58th IB Claveria Misamis Oriental. (JMORucat/PIA10)

MISAMIS ORIENTAL, Hunyo 29 (PIA) - Gipadayag si Representate Juliette T. Uy sa ikaduhanng distrito sa Misamis Oriental ang sinseridad sa gobyerno sa pagtabang sa mga rebelde nga mubalik sa sa sabakan sa balaod.

Sa gipahigayong press conference karong bag-o sa 58th Infantry Battalion sa Claveria, Misamis Oriental, giingon ni Uy nga daghang nga balaod ang natukod nga maghatag ug ayuda sa mga rebelde nga gusto'ng mubiya sa armadong pakigbisug ug mubalik sa gobyerno.

Kini nga mga benepisyo naglakip sa libre nga tuition alang sa ilang mga anak. Kung ang usa ka rebelde mosurender, mahimong maka-avail sa libreng balay o tagaan sa P400,000 aron tukuron ang ilang balay, bayran usab ang ilang armas nga ilang i-surrender ug tagaan sila ug puhonan para panginabuhi gikan P100,000 ngadtu sa P150,000.

Giingon niya nga malipayon siya sa mga mibalik nga rebelde nga sa katapusan nakita nila ang kahayag sa pagbalik sa gobyerno sama ni Alias ​​Dino, usa ka lider sa NPA, Alias ​​Dina, medico, ug Alias ​​Jegs, miyembro nga nanlimbasog nga mabuhi sa mga bukid, nagtago ug nagdagan alang sa ilang mga kinabuhi.

"Dili lang sila ra, apan kadaghanan sa ila mga bata," pasabut ni Uy.

Si Alias ​​Dino ug Dina adunay duha ka mga anak, usa ka 3-anyos ug 5-anyos nga nahabilin sa ilang paryente sa dihang aktibo pa sila sa kalihokan.

"Kini nga problema insurhensiya milungtad na sa dugay'ng panahon nga kinahanglan masulbad na karon. Kung ang Pangulo o ang nasyonal nga gobyerno dili mo-suporta niini, wala’y mahitabo," matud pa ni Uy.

Sa laing bahin, si Uy nagpahayag og suporta sa Anti-Terror Bill. Hinuon, nag-tuo siya nga ang maong balaod mahimong maabuso. Apan nagtuo siya nga ang gobyerno karon sinsero sa pagkab-ot sa kalinaw ug kahusay sa nasod.

Gipasalig ni Uy sa iyang mga sakop nga andam siyang motabang nga mapanalipdan ang lalawigan pinaagi sa pagpamati sa mga problema sa mga local government unit ilabi na sa pagpadayon sa kahapsay ug kalinaw sa probinsya.

“Tanan kita mga Pilipino. Walay laing mutabang kanato gawas sa atong kaugalingo,” matud pa ni Uy.

Gi-awhag usab niya ang mga rebeldeng komunista nga sulayan ang mga programa ug serbisyo sa gobyerno. Kung nakita nila nga dili sinsero ang gobyerno, makabalik sila sa bukid.

Naglaum siya nga ang gihatag sa gobyerno kanila, ilang ampingan ug amumahon. (VPSB/PIA10)

No comments:

Post a Comment

Note: Only a member of this blog may post a comment.