CECIL ESTRELLA
NPA-NORTHERN NEGROS
(ROSELYN PELLE COMMAND)
APRIL 13, 2019
Nagapadayon ang pasistang pag-atake sang mga katapu sang 79th IB Philippine Army, PNP-SAF kag RMF batok sa mga mangunguma, mangingisda kag sibilyan sa Norte ka Negros. Makahuluya nga mga pagtinikal ang ila kuno mga “kadaugan batok sa rebolusyonaryong hublag” kag ang ila mga kabutigan nga resulta sang ila operasyon.
Ginhimo na gihapon “accomplishment” sang AFP ang pagdakop sa duha ka mangingisda sa Escalante City sadtong Abril 5, kag pagpasaka sang pato-pato nga kaso kay Francisco Laza, Chairman sang Danao River Fishermen Association (DARIFA) nga ginplanteran sang armas kag granada agud ila matatakan ang ordinaryo nga pumuluyo nga mga “NPA” kuno. Nakalab-ot sa igtalupangud sang Roselyn Jean Pelle Command (RJPC) ang makahuluya nga ginhimo nga taktika sang mga sundalo nga pagtanum sang mga NPA anniversary banner kay Laza agud hatagan rason ang pagpang-aresto nga wala sang basehan.
Nagaalingasaw ang kabutigan sang joint operation ka 79th IBPA, PNP-SAF kag RMF agud tabunan ang dako nga paglapas sa tawhanong kinamatarong sang pumuluyo kag mga sibilyan sa ila pagpangransak sa mga panimalay sang mga mangingisda sa Hacienda Gaylan, Barangay Langub, Escalante City sadtong Abril 5, 2019.
Base sa pag-inbistigar sang RJPC-NPA, ang mga pasista kag butigon nga mga katapu sang 79th IB, PNP-SAF kag RMF nga nagapanikal sang ila nga operasyon nga nadakpan kuno si Laza sa isa ka COMELEC checkpoint sa nasambit nga barangay. Dugang pa sa amon nga maid-id nga inbistigasyon, may kolaborasyon ang PNP-Escalante sa pagpanguna sang OIC sini nga si PLtCol Nacerato Sabando Jr sa paghimo-himo sang eksena agud hatagan rason ang ilegal nga pagdakop kay Laza. Pagkatapos magpakabusog sa kinawatan nga oga kag manok sang masa kag para nga indi sila mahuy-an sa publiko sa ila abusado nga pagpangransak sa mga panimalay sa Hacienda Gaylan, naki-kolaborar pa si Sabando sa paghimo sang drama-drama nga checkpoint sang 79th IB, PNP-SAF kag RMF, sa pagpamuno sang platoon leader sini nga si PLT John Paul Tabujara upod ila nga suluguon nga intel operatives nga si 1st Lt Paul Ryan Aceboque. Mga makahuluya nga butigon kag kawatan. Indi malipatan sang pumuluyo ang inyo mga krimen kag abuso.
Amo man ang pagtinikal sang 79th IB sa ginahimo nila na pagpa-“surender” sa mga NPA kuno, mga yunit milisya kuno kag mga ordinaryo nga sibilyan nga suporter kuno sang rebolusyonaryong hublag. Kada semana na lang nga ginapatalang nila ang ila kaugalingon sa pagpresentar sang mga “nagasurender” sa ila HQ sa Barangay Bato, Sagay City, ang pinakaulihi may ara 20 sibilyan nga ila ginpasurender sadtong Marso 30, 2019. Nagalala ang ila nga mga atake sa mga sibilyan nga kumunidad kag pagpangwarta sa pumuluyo pinaagi sang Enhanced Local Integration Program ukon E-CLIP nga amu ang dako nga alagyan sang korapsyon sang militar kag pasistang rehimeng US-Duterte.
Gani ang RJPC kag ang bilog rebolusyonaryong hublag sa Negros, nagapaandam sa mga kontra-pumuluyo kag mga malain nga elemento sang reaksyonaryo nga gobyerno nga indi kami magpangduha-duha nga magsabat sa panawagan sang pumuluyo kag ipapanaug ang rebolusyonaryong hustisya para sa mga biktima sang abuso militar, para sa mga ginahimuslan kag ginapigos.
Ang RJPC-NPA nagapanawagan sa pumuluyo nga indi magkahadlok, indi magpadala sa kampanya sang traydor nga militar sa pagpa-“surender” kag pagpa-“clear” sang mga pangalan sang mga sibilyan nga wala man dapat nga ipa-“clear” sa dunot kag kriminal nga gobyerno ni Duterte. Ini tanan mga pagpatalang kag modus lang para magamit gihapon para sa ila pagpanghalit sa pumuluyo. Sanday Duterte, Arevalo, Bulalacao, Sinas kag iban pa ang dapat mag-atubang sa pumuluyo para sa ila mga krimen, labi na sa ginhimo nila nga mga EJK, pagpangtokhang kag masaker sa Negros. Ang pumuluyo indi dapat magpangduha-duha nga magsang-at sang mga reklamo sa matuod-tuod nga gobyerno sang katawhan bangud nga andam ang inyo pinalangga nga Bag-ong Hangaway sang Banwa o BHB para idepensa ang katawhan batok sa mga abusadong pasistang kriminal diri sa Negros.
https://www.philippinerevolution.info/statement/military-abuses-in-escalante-lie-behind-the-false-claims-and-pomposity-of-the-79th-ibpa/abuso-militar-sa-escalante-ang-sa-likod-sang-kabutigan-kag-pagtinikal-sang-79th-ibpa/
Nagapadayon ang pasistang pag-atake sang mga katapu sang 79th IB Philippine Army, PNP-SAF kag RMF batok sa mga mangunguma, mangingisda kag sibilyan sa Norte ka Negros. Makahuluya nga mga pagtinikal ang ila kuno mga “kadaugan batok sa rebolusyonaryong hublag” kag ang ila mga kabutigan nga resulta sang ila operasyon.
Ginhimo na gihapon “accomplishment” sang AFP ang pagdakop sa duha ka mangingisda sa Escalante City sadtong Abril 5, kag pagpasaka sang pato-pato nga kaso kay Francisco Laza, Chairman sang Danao River Fishermen Association (DARIFA) nga ginplanteran sang armas kag granada agud ila matatakan ang ordinaryo nga pumuluyo nga mga “NPA” kuno. Nakalab-ot sa igtalupangud sang Roselyn Jean Pelle Command (RJPC) ang makahuluya nga ginhimo nga taktika sang mga sundalo nga pagtanum sang mga NPA anniversary banner kay Laza agud hatagan rason ang pagpang-aresto nga wala sang basehan.
Nagaalingasaw ang kabutigan sang joint operation ka 79th IBPA, PNP-SAF kag RMF agud tabunan ang dako nga paglapas sa tawhanong kinamatarong sang pumuluyo kag mga sibilyan sa ila pagpangransak sa mga panimalay sang mga mangingisda sa Hacienda Gaylan, Barangay Langub, Escalante City sadtong Abril 5, 2019.
Base sa pag-inbistigar sang RJPC-NPA, ang mga pasista kag butigon nga mga katapu sang 79th IB, PNP-SAF kag RMF nga nagapanikal sang ila nga operasyon nga nadakpan kuno si Laza sa isa ka COMELEC checkpoint sa nasambit nga barangay. Dugang pa sa amon nga maid-id nga inbistigasyon, may kolaborasyon ang PNP-Escalante sa pagpanguna sang OIC sini nga si PLtCol Nacerato Sabando Jr sa paghimo-himo sang eksena agud hatagan rason ang ilegal nga pagdakop kay Laza. Pagkatapos magpakabusog sa kinawatan nga oga kag manok sang masa kag para nga indi sila mahuy-an sa publiko sa ila abusado nga pagpangransak sa mga panimalay sa Hacienda Gaylan, naki-kolaborar pa si Sabando sa paghimo sang drama-drama nga checkpoint sang 79th IB, PNP-SAF kag RMF, sa pagpamuno sang platoon leader sini nga si PLT John Paul Tabujara upod ila nga suluguon nga intel operatives nga si 1st Lt Paul Ryan Aceboque. Mga makahuluya nga butigon kag kawatan. Indi malipatan sang pumuluyo ang inyo mga krimen kag abuso.
Amo man ang pagtinikal sang 79th IB sa ginahimo nila na pagpa-“surender” sa mga NPA kuno, mga yunit milisya kuno kag mga ordinaryo nga sibilyan nga suporter kuno sang rebolusyonaryong hublag. Kada semana na lang nga ginapatalang nila ang ila kaugalingon sa pagpresentar sang mga “nagasurender” sa ila HQ sa Barangay Bato, Sagay City, ang pinakaulihi may ara 20 sibilyan nga ila ginpasurender sadtong Marso 30, 2019. Nagalala ang ila nga mga atake sa mga sibilyan nga kumunidad kag pagpangwarta sa pumuluyo pinaagi sang Enhanced Local Integration Program ukon E-CLIP nga amu ang dako nga alagyan sang korapsyon sang militar kag pasistang rehimeng US-Duterte.
Gani ang RJPC kag ang bilog rebolusyonaryong hublag sa Negros, nagapaandam sa mga kontra-pumuluyo kag mga malain nga elemento sang reaksyonaryo nga gobyerno nga indi kami magpangduha-duha nga magsabat sa panawagan sang pumuluyo kag ipapanaug ang rebolusyonaryong hustisya para sa mga biktima sang abuso militar, para sa mga ginahimuslan kag ginapigos.
Ang RJPC-NPA nagapanawagan sa pumuluyo nga indi magkahadlok, indi magpadala sa kampanya sang traydor nga militar sa pagpa-“surender” kag pagpa-“clear” sang mga pangalan sang mga sibilyan nga wala man dapat nga ipa-“clear” sa dunot kag kriminal nga gobyerno ni Duterte. Ini tanan mga pagpatalang kag modus lang para magamit gihapon para sa ila pagpanghalit sa pumuluyo. Sanday Duterte, Arevalo, Bulalacao, Sinas kag iban pa ang dapat mag-atubang sa pumuluyo para sa ila mga krimen, labi na sa ginhimo nila nga mga EJK, pagpangtokhang kag masaker sa Negros. Ang pumuluyo indi dapat magpangduha-duha nga magsang-at sang mga reklamo sa matuod-tuod nga gobyerno sang katawhan bangud nga andam ang inyo pinalangga nga Bag-ong Hangaway sang Banwa o BHB para idepensa ang katawhan batok sa mga abusadong pasistang kriminal diri sa Negros.
https://www.philippinerevolution.info/statement/military-abuses-in-escalante-lie-behind-the-false-claims-and-pomposity-of-the-79th-ibpa/abuso-militar-sa-escalante-ang-sa-likod-sang-kabutigan-kag-pagtinikal-sang-79th-ibpa/
No comments:
Post a Comment
Note: Only a member of this blog may post a comment.