CPP/NPA-Central Negros: Sabat sa Buko ni Duterte nga Lutuson Ang NPA, Opisyal sang AFP sa Negros Oriental Ginsilotan

NPA-Central Negros propaganda statement posted to the Communist Party of the Philippines (CPP) Website (Nov 8): Sabat sa Buko ni Duterte nga Lutuson Ang NPA, Opisyal sang AFP sa Negros Oriental Ginsilotan

JB Regalado
NPA-Central Negros (Leonardo Panaligan Command)
New People's Army
November 08, 2018

Lubos nga gindayaw sang LPC ang maisog kag madinalag-on nga partisan operation sang isa ka tim sang NPA. Patay si Corporal Rex Deramas, Commanding Officer sang 12th IBPA Candalanon CAFGU Detachment nga nahamtang sa Brgy. Trinidad, Guihulngan City, Oriental Negros. Samtang gindakop kag gilayon naman nga ginhilway sang NPA ang body-body sini nga si CAFGU Jojo Sandot matapos ang pila lang ka minutos nga pag-istorya kag pag-edukar sa iya.

Ang aksyon pagsilot kay Corporal Deramas ginhimo matapos sang unanimous nga desisyon pagsilot-patay sa nasambit nga army official sadtong November 4, 2018 pasado alas 7:00 sang aga sa sityo Kasingan, Brgy Trinidad, Guihulngan.

Si Deramas nagapangatubang sang kaso sa rebolusyonaryong hublag sa mga masunod:

1. Utok sa paghold-up sang mga collector sang Migthy Cigarette Company sa sityo Kalabaklabakan, Brgy. Trinidad, Guihulngan sadtong Nobyembre 13, 2017. Kuha ang collection nga malapit P80,000 sang mga biktima. Siya ang nagmando sa 3 ka suspetsado nga sanday CAFGU Marlon Vilando, sa utod sini nga si Benjie Vilando kag isa pa ka CAFGU personel sang Candalanon CAFGU detachment. Natabo ang paghold-up adlaw kag panahon sang grabe nga operasyon militar sa nasambit nga lugar.

2. Utok man sa pagransak sang grocery store sang pamilya Sabijon sa Parkingan, Brgy Trinidad, Guihulngan. Nakuha sang mga suspetsado ang kapin P75,000 nga kantidad sang kwarta kag madamo pa nga alahas sang biktima pareho sang de kantidad nga relo, aritos, kulintos, bracelet kag iban pa.

3. Nagapanguna man si Deramas sa pagpalapnag sang panahor palibot sang nasambit nga detachment sa pihak sang pagdumili sang Local Government Unit (LGU). Isa na diri ang bulang kabangdanan sang lapnagon nga kinawatay sang mga karabaw, baka kag iban pa nga mga kasapatan sang mga residente.

4. Kakunsabo man siya sa plano sang Peace Development Team (PDT) sang 94th IBPA nga ginhamtang sa Brgy. Trinidad nga nagresulta sang lapnagon nga bayolasyon sang tawhanon nga kinamatarung kag international humanitarian law. Pagpamahug sa mga sibilyan paagi sa pagpanaka-saka sa mga puluy-an kag pagpangayo-kayo sang pagkaon sa mga mangunguma sa lugar gamit ang ngalan sang NPA.

Ginapanawagan sa tanan nga paramilitar, katapo sang CAFGU kag manubo nga ranggo sang AFP kag PNP nga indi magsunod sa mga kontra-pumuluyo, kontra-sosyal kag kontra-hublag nga mga mando sang inyo mga superior. Indi tanan nga makinaryas kag armadong hubon sang US-Duterte nga rehimen kaaway sang NPA luwas lamang sang may mga utang nga dugo sa pumuluyo kag rebolusyonaryong hublag. Sekreto makig-angot sa NPA sa ululupod nga paghatag sang nagakaigo nga hustisya sa mga biktima sang kampanya kontra-druga, kontra-insurhensiya kag kontra-terorismo idalum sa Oplan Kapayapaan sang mapintas kag pasista nga rehimeng Rehimeng US-Duterte.

https://www.philippinerevolution.info/statement/sabat-sa-buko-ni-duterte-nga-lutuson-ang-npa-opisyal-sang-afp-sa-negros-oriental-ginsilotan/