Thursday, November 8, 2018

CPP/NPA-Central Negros: Madasig kag Maid-id nga Imbestigasyon Angot sa Pagkapatay ni PSupt. Santiago Rapiz, Ginahangkat sang LPC-NPA sa PNP

NPA-Central Negros propaganda statement posted to the Communist Party of the Philippines (CPP) Website (Nov 7): Madasig kag Maid-id nga Imbestigasyon Angot sa Pagkapatay ni PSupt. Santiago Rapiz, Ginahangkat sang LPC-NPA sa PNP

JB Regalado
NPA-Central Negros (Leonardo Panaligan Command)
New People's Army
November 06, 2018

Sandig sa pagkahibalo sang NPA, wala sang criminal record si PSupt. Santiago Rapiz sa isla sang Negros. Labaw sa tanan, wala man sang involvement sa illegal nga druga kag wala man nagagamit sini. Kilala sang NPA si Rapiz nga isa ka maayo nga athleta, basketbolista, sports-minded kag soft-spoken nga police officer. Competent kag may maayo nga performance sa trabaho resulta sang madamo sang accomplishments labi na kon anti-illegal drugs and buybust operations ang pagahambalan sa diin man siya nga lugar italana. Wala gid nagapati ang NPA nga ang iya mga re-assigments bunga sang iya pagpabaya sa trabaho kundi maniobra sang matag-as nga opisyal sang PNP nga naka-angot sa mga sindikato, druglords kag mahigko nga pamulitika sa probinsya.

Madasig ang iya re-assignments indi pa sa reshaffling nga programa sang PNP kundi nga may malapakan ini nga mga pulitiko, druglords, sindikato kag mga ilegalista sa mga lugar diin man siya nahamtang. Lubos man nga wala nagapati ang NPA nga kabahin siya sang mga Ninja/Narco Cops sa isla suno sa PDEA kag ni President Rodrigo Duterte rason sang pag-assign sini sa Dipolog City, Zamboanga. Bangud “tunok sa alagyan” sang mga sindikato nga ilegalista kag durugista si Col. Santiago Rapiz, sistematiko nga gindaga sang matag-as nga opisyal sang PNP ang nasambit nga opisyal gamit ang Counter Intelligence Task Force (CITG) kag PDEA sa katumanan sang kontra-druga nga kampanya sang US-Duterte nga rehimen.

Si Rapiz dugang na sa sobra 13,000 nga biktima sang Oplan Tokhang sang sini nga rehimen. Sa pagkilala sang kadam-an nga “good soldier” si Col. Santiago Rapiz, indi mahimo ni Rapiz ang pagbato sa mga arresting officers labi na sa mga katapo sang CITF. Segurado nga indi man mahimo sini ang pagdala sang worth P50,000 nga illegal nga druga. Nagaduda ang kadam-an nga Negrosanon upod sa NPA nga planted kag justification na lang ang mga palayag sang PNP paagi kay PRO-9 spokesperson Helen Galvez nga nagbato si Rapiz kabangdanan sang pagtaliwan sini sadtong Nobyembre 5, 2018 sang gab-i sa compound sang San Andres College, Dipolog City.

Ginahangkat sang LPC-NPA ang PNP nga himuon ang madasig kag maid-id nga imbestigasyon sa kondukta sang buybust operation sang PDEA kag CITF nga ginkabangdan sang pagkapatay ni Col. Rapiz. Subong man ipaggwa ang kamatuoran kag ihatag ang hustisya sa biktima. Ginapanawagan man sa tanan nga enlightened rank and file and officers sang state security forces nga mag-isa kag sekreto nga tukuron ang malapad nga alyansa kontra-USDuterte sa hanay sang AFP kag PNP.

https://www.philippinerevolution.info/statement/madasig-kag-maid-id-nga-imbestigasyon-angot-sa-pagkapatay-ni-psupt-santiago-rapiz-ginahangkat-sang-lpc-npa-sa-pnp/

No comments:

Post a Comment

Note: Only a member of this blog may post a comment.