Pamahayag sa Media
Pebrero 23, 2017
Isip pagsanong sa pamahayag sa NDF-Mindanao pinaagi sa tigpamaba niini nga si Ka. Joaquin Jacinto, abli ang NDF-NCMR nga masugdan ang panagsabot uban sa Local Crisis Committee sa Bukidnon alang sa hapsay ug luwas nga pag-release sa POW nga si PO2 Gerome Anthony Natividad pinaagi sa pagpatunga sa Local Third Party Facilitators gikan sa mga Kristyanong lider-relihiyoso sa rehiyon.
Si PO2 Gerome Anthony Natividad nga nabihag sa yunit sa New Peoples’ Army ubos sa Mt. Kitanglad Sub-Regional Command kaniadtong Pebrero 9, 2017 atol sa gilunsad nga checkpoint didto sa KM 28, Duminorog, Talacag, Bukidnon anaa karon ubos sa pag-atiman sa custodial unit niini – luwas ug anaa sa maayong kahimtang sa panglawas.
Sa pamilya ug sa mga minahal sa kinabuhi ni PO2 Gerome Anthony Natividad, among ipasalig kanila ang maayo namong pag-atiman kaniya subay sa mga lagda sa Geneva Conventions kalabot sa mga lagda paglunsad og pakiggubat ug sa bag-o palang naoperasyunalisa nga Comprehensive Agreement on Respect for Human Rights and International Humanitarian Law. Sama sa gibati nila, gibati usab namo ug ilabina sa mga hingtungdang pamilya ang kabalaka ug dili matugkad nga kamingaw sa mga minahal nga padayong binilanggo sa daghan nang katuigan tungod sa mga tinumo-tumong salang kriminal nga gipasaligan ni Pres. Rodrigo Duterte nga buhian. Makalaum ang pamilya sa POW sa iyang sayo ug luwas nga pagpauli kung dili magmakuli ang AFP pinaagi sa 403rd Bde ubos sa 4th ID PA ug sa Provincial ug Regional PNP pagtubag sa among pangayuong kundisyon alang sa hapsay ug luwas nga pag-release.
Ngadto kang Bishop Cabantan sa Bukidnon, napadangat sa amo ang hangyo panabang sa asawa ni PO2 Gerome Anthony Natividad kanimo nga mahimong tulay aron luwas nga mabuhian ang iyang minahal. Kung abli ka niini, palihog koordineyt sa establisado nang Local Third Party Facilitators alang sa hiniusa ninyong paningkamot nga mapadangat ngadto sa Local Crisis Committee ang among demand.
Sa makausa pa, magpabilin kaming abli nga makigsabot sa Local Crisis Committee nga nagarepresentar sa Gubyerno sa Pilipinas sa lokal nga ang-ang kabahin sa petsa ug lugar sa pag-release kang PO2 Gerome Anthony Natividad pinaagi sa Local Third Party Facilitators.
Ka. Cesar Renerio
Tigpamaba
NDFP-NCMR
No comments:
Post a Comment
Note: Only a member of this blog may post a comment.