CPP/NPA: Walo ang kaswalidad sa AFP human giharas sa NPA sa Agusan del Sur ug Norte

NPA propaganda statement posted to the CPP Website (Aug 12): Walo ang kaswalidad sa AFP human giharas sa NPA sa Agusan del Sur ug Norte
Omar Ibarra
Spokesperson
Western Agusan Norte-Agusan Sur Sub-Regional Command (Western Agusan Norte-Agusan Sur Sub-Regional Command)

Napatyan ang Philippine Army og duha katropa ug hisamdan ang laing unom pa human ang duha ka harassment operations sa mga yunit gerilya sa New People’s Army ubos sa Western Agusan Norte-Agusan Sur Sub-regional Command niadtong Agosto 9 ug 10, 2014 didto sa San Luis, Agusan del Sur ug Buenavista, Agusan del Norte.

Niadtong Agosto 9, mga bandang alas 12:00 sa udto, gipamusil sa mga Pulang manggugubat ang nag-operasyong tropa sa 29th Infantry Battalion sa Sitio Afga, Brgy. Olave, Buenavista, Agusandel Sur. Giangkon mismo sa 29th IB ang pagkamatay ni PFC Cortejos nga takdo sa report sa operating yunit sa NPA. Apan gihilom sa 29th IB ang ilang duha pa ka samaron. Samtang, walay kamatuoran ang ilang giingon nga napatyan og usa ka Pulang manggugubat sa maong insidente. Gani, walay bisan usa kasamaron gikan sa nagpatuman nga tim sa NPA.

Salaing bahin, didto sa Km. 18, Brgy. Don Alejandro, San Luis, Agusan del Sur, usa ang patay ug upat ang samaron sa reaksyunaryong kasundalohan human giatake salaing harassment unit sa NPA ang nag combat operation nga tropa sa 26th IB niadtong Agosto 10, mga alas 4:30 sa hapon. Isip balos, nagpaulan og bala ang kasundalohan ug nagbuhi pa og 26 kabala sa M203. Apan, paspas ug luwas nga naka withdraw ang mga Pulang manggugubat human ang pagharas niini.

Bisan pa man sa kamatuorang nagapadayon ug nagkadako ang operasyon sa AFP sa mga probinsya sa Agusan, tataw ang nagkaubos nga moral sa mga tropa niini. Gawas sa ilang nagkadakong kaswalidad, nagkadako sab ang kayugot sa mga masa kanila tungod kay ang mga yanong sibilyan ang sagad mabiktima sailang militarisasyon. Gani, sa kasamtangan, mibakwit na ang usa ka komunidad sa Brgy. Leydia, La Paz, Agusandel Sur tungod sa mga operasyong militar sa 26th IB ug Bagani Force. Labaw pang gikalugda sa mgae lemento sa kasundalohan ang kurapsyon mismo sa ilang mga opisyal-militar hangtud sa pag pangawkaw sa ilang commander-in-chief nga si Aquino. Taliwala kini sa uyamot nga kahimtang sa mga kasundalohan sa field nga gihimo lang nga taming ug paon sa gubyernong US-Aquino.

http://www.philippinerevolution.net/statements/20140812_walo-ang-kaswalidad-sa-afp-human-giharas-sa-npa-sa-agusan-del-sur-ug-norte