Maria Malaya
Spokesperson
NDFP Northeast Mindanao Chapter
Spokesperson
NDFP Northeast Mindanao Chapter
Karong adlaw Abril 24, sa pagsaulog sa ika-41 nga anibersaryo sa National Democratic Front of the Philippines (NDFP), puno sa kadasig nga gipahalipayan sa NDFP-NEMR ang tanan alyadong organisasyon ubos sa NDFP. Magsaulog kita taliwala sa nagkadunot nga reaksyunaryong sistema nga kasamtangang gipangulohan sa rehimeng US-Aquino ug nagkakusog nga demokratikong rebolusyon sa katawhan.
Nahukasan na ang inutil, kontra-katawhan ug maki-langyaw nga kinaiya sa reaksyunaryong gobyernong pinangulohan ni Benigno S. Aquino. Subay sa mando sa iyang imperyalistang amo, giabli niini ang rekurso sa nasud sa pagpangawkaw sa mga langyaw’ng kompanya. Liboan nga panginabuhian ug mga komunidad ang biktima sa dislokasyon dala sa dinagkung magun-obong mga minahan ug mga plantasyon. Nilutaw ang despotikong asyendero nga kinaiya ni Aquno sa pagbalewala sa gidangatan sa mga mag-uuma nga nawad-an sa yuta, sa mga mangingisdang nawad-an og panginabuhian ug sa katawhang lumad nga napapahawa sa ilang yutang kabilin. Baratong gibaligya niini ang kusog ug kahanas sa mga mamumuong Pilipino nga nag-antus sa ubos nga suhulan ug kuyaw nga kahimtang sa panarbahoan sulod ug gawas sa nasud. Wala kini pagbati sa hatungang hut-ong, sa mga propesyunal ug mga estudyante, sa kabatan-onan ug sa mga kabus sa dakbayan sa iyang pagpataas sa buluhisan, sa kawalay o kakulang sa panarbahoan, sa nagkataas nga mga balayronon ug kawalay katilingbanong serbisyo. Gibuhian niini ang mersenaryong Armed Forces of the Philippines (AFP) ug gilunsad ang Oplan Bayanihan aron pahilumon ang pagbabag ug kasuko sa katawhan sa rehimeng US-Aquino nga nagresulta sa nagkadaghan nga pagpanglapas sa tawhanong katungod.
Sa kasamtangan, 9 ka battalion sa armi ang nakadeploy sa Caraga dugang sa liboang kapulisan, CAFGU ug uban pang grupong para-militar aron panalipdan ang mga minahan ug plantasyon. Padayong nagpaka-itoy ang gobyernong Aquino sa amo nga Estados Unidos sa pagtugot niini sa nagkadakung presensyang militar sa US sa Pilipinas. Buot segurohon sa US ang iyang kontrol sa militar, rekurso ug gobyerno sa Pilipinas atubang sa nagkahuyang na niining kusog militar ug ekonomiya sa kalibutan ilabina atubang sa China.
Taliwala niining tanan, nagkakusog ang rebolusyonaryong diwa sa katawhang Pilipino. Karon nga tuig nahimo na nga 19 ang mga alyadong rebolusyonaryong organisasyon ubos sa National Democratic Front of the Philippines, gikan sa 18 sa miagi. Natukod ug nagpamembro sa NDFP ang COMPATRIOTS, ang rebolusyonaryong organisasyon sa mga Pilipino nga tua nanarbaho ug nanimuyo sa ubang nasud. Nagpakita kini sa pag-asdang ug pag-abante sa diwang masukolon sa katawhang Pilipino sa sulod ug gawas sa nasud.
Dinhi sa Caraga nagkalapad ang pagpamembro ug pagtunhay sa mga rebolusyonaryong organisasyong masa sa kabanikanhan ug sa kasyudaran. Mayorya sa 19 ka membrong mga organisasyon ubos sa NDFP ang nagtunhay na sa NEMR. Lig-ong nakagamut ang rebolusyonaryong kalihokan ug pwersa niini diha sa kapin 100 ka barangay sa NEMR, sulod sa kapin 500 ka barangay nga nalihokan. Mokabat na sa 30 ang gerilya yunit sa BHB sa rehiyon nga nag-unang nilihok alang sa pagpalapad sa baseng gerilya ug nagsumpay sa 11 ka panggubatan nga paborableng gilihukan niini. Kapin 1,500 na usab ang gidaghanon sa Milisyang Bayan sa rehiyon ang nagatimbang sa mga gimbuhaton sa mga pultaym nga mga gerilyang yunit sa BHB. Tungod niini nagkadaghan ang nalunsad nga agraryong rebolusyon sa lainlaing dapit diin nakabenepisyo ang kapin 4,220 ka pamilya sa libreng pagtikad og yuta. Hinayhinay nga nagkaylap ug nagtunhay sa mga komunidad sa kabukiran ang ekonomiyang sarang-sa-komunidad ug panggubat (ESKP) nga nagpundar sa ekonomiya sa mga komunidad, nakapahugot sa panaghiusa sa masa, tinubdan sa pagkaon sa mga pamilya ug nakatampo og pagkaon sa Bagong Hukbong Bayan.
Nagkakusog usab ang kalihukang protesta sa kasyudaran diin dinaghan ug sunodsunod ang mga mobilisasyon nga nagbutyag ug nagkondena sa korapsyon sa gobyerno ug kahiwian sa gobyernong Aquino, nagdemanda sa katilingbanong serbisyo ug sektoral nga mga katungod.
Atubang niini, kinahanglan nga paspas nga palapdon ug palig-onon pa ang demokratikong rebolusyon sa katawhan aron makab-ot ang mas taas nga ang-ang sa rebolusyon. Mahimo nato kini pinaagi sa pagpakusog sa panaghiusa sa demokratikong pwersa sa katawhan. Kinahanglan labaw pa natong palapdon ang mga rebolusyonaryong organisasyong masa, maglunsad og mga edukasyon ug molihok aron ibutyag ug pakgangon ang mga kontra-katawhan nga mga programa sa reaksyunaryong gobyerno, palagpoton ang gobyerno sa despotikong si PNoy ug panalipdan ang patrimonya ug soberanya sa Pilipinas. Atong padaghanon ang Bagong Hukbong Bayan aron dugang pa kitang makatampo sa pagkusog sa rebolusyonaryong kalihukan sa NEMR ug uban pang mga rehiyon sa Pilipinas!
Mabuhi ang National Democratric Front Phillippines!!
Mabuhi ang rebolusyong Pilipino!
Sampa sa Bagong Hukbong Bayan, ang tinuod nga kasundaluhan sa katawhan!
http://www.philippinerevolution.net/statements/20140424_paspas-nga-palapdon-ug-palig-onon-ang-hiniusang-kusog-sa-demokratikong-pwersa-sa-katawhan-ug-iasdang-ang-rebolusyon-ngadto-sa-mas-taas-nga-ang-ang
Nahukasan na ang inutil, kontra-katawhan ug maki-langyaw nga kinaiya sa reaksyunaryong gobyernong pinangulohan ni Benigno S. Aquino. Subay sa mando sa iyang imperyalistang amo, giabli niini ang rekurso sa nasud sa pagpangawkaw sa mga langyaw’ng kompanya. Liboan nga panginabuhian ug mga komunidad ang biktima sa dislokasyon dala sa dinagkung magun-obong mga minahan ug mga plantasyon. Nilutaw ang despotikong asyendero nga kinaiya ni Aquno sa pagbalewala sa gidangatan sa mga mag-uuma nga nawad-an sa yuta, sa mga mangingisdang nawad-an og panginabuhian ug sa katawhang lumad nga napapahawa sa ilang yutang kabilin. Baratong gibaligya niini ang kusog ug kahanas sa mga mamumuong Pilipino nga nag-antus sa ubos nga suhulan ug kuyaw nga kahimtang sa panarbahoan sulod ug gawas sa nasud. Wala kini pagbati sa hatungang hut-ong, sa mga propesyunal ug mga estudyante, sa kabatan-onan ug sa mga kabus sa dakbayan sa iyang pagpataas sa buluhisan, sa kawalay o kakulang sa panarbahoan, sa nagkataas nga mga balayronon ug kawalay katilingbanong serbisyo. Gibuhian niini ang mersenaryong Armed Forces of the Philippines (AFP) ug gilunsad ang Oplan Bayanihan aron pahilumon ang pagbabag ug kasuko sa katawhan sa rehimeng US-Aquino nga nagresulta sa nagkadaghan nga pagpanglapas sa tawhanong katungod.
Sa kasamtangan, 9 ka battalion sa armi ang nakadeploy sa Caraga dugang sa liboang kapulisan, CAFGU ug uban pang grupong para-militar aron panalipdan ang mga minahan ug plantasyon. Padayong nagpaka-itoy ang gobyernong Aquino sa amo nga Estados Unidos sa pagtugot niini sa nagkadakung presensyang militar sa US sa Pilipinas. Buot segurohon sa US ang iyang kontrol sa militar, rekurso ug gobyerno sa Pilipinas atubang sa nagkahuyang na niining kusog militar ug ekonomiya sa kalibutan ilabina atubang sa China.
Taliwala niining tanan, nagkakusog ang rebolusyonaryong diwa sa katawhang Pilipino. Karon nga tuig nahimo na nga 19 ang mga alyadong rebolusyonaryong organisasyon ubos sa National Democratic Front of the Philippines, gikan sa 18 sa miagi. Natukod ug nagpamembro sa NDFP ang COMPATRIOTS, ang rebolusyonaryong organisasyon sa mga Pilipino nga tua nanarbaho ug nanimuyo sa ubang nasud. Nagpakita kini sa pag-asdang ug pag-abante sa diwang masukolon sa katawhang Pilipino sa sulod ug gawas sa nasud.
Dinhi sa Caraga nagkalapad ang pagpamembro ug pagtunhay sa mga rebolusyonaryong organisasyong masa sa kabanikanhan ug sa kasyudaran. Mayorya sa 19 ka membrong mga organisasyon ubos sa NDFP ang nagtunhay na sa NEMR. Lig-ong nakagamut ang rebolusyonaryong kalihokan ug pwersa niini diha sa kapin 100 ka barangay sa NEMR, sulod sa kapin 500 ka barangay nga nalihokan. Mokabat na sa 30 ang gerilya yunit sa BHB sa rehiyon nga nag-unang nilihok alang sa pagpalapad sa baseng gerilya ug nagsumpay sa 11 ka panggubatan nga paborableng gilihukan niini. Kapin 1,500 na usab ang gidaghanon sa Milisyang Bayan sa rehiyon ang nagatimbang sa mga gimbuhaton sa mga pultaym nga mga gerilyang yunit sa BHB. Tungod niini nagkadaghan ang nalunsad nga agraryong rebolusyon sa lainlaing dapit diin nakabenepisyo ang kapin 4,220 ka pamilya sa libreng pagtikad og yuta. Hinayhinay nga nagkaylap ug nagtunhay sa mga komunidad sa kabukiran ang ekonomiyang sarang-sa-komunidad ug panggubat (ESKP) nga nagpundar sa ekonomiya sa mga komunidad, nakapahugot sa panaghiusa sa masa, tinubdan sa pagkaon sa mga pamilya ug nakatampo og pagkaon sa Bagong Hukbong Bayan.
Nagkakusog usab ang kalihukang protesta sa kasyudaran diin dinaghan ug sunodsunod ang mga mobilisasyon nga nagbutyag ug nagkondena sa korapsyon sa gobyerno ug kahiwian sa gobyernong Aquino, nagdemanda sa katilingbanong serbisyo ug sektoral nga mga katungod.
Atubang niini, kinahanglan nga paspas nga palapdon ug palig-onon pa ang demokratikong rebolusyon sa katawhan aron makab-ot ang mas taas nga ang-ang sa rebolusyon. Mahimo nato kini pinaagi sa pagpakusog sa panaghiusa sa demokratikong pwersa sa katawhan. Kinahanglan labaw pa natong palapdon ang mga rebolusyonaryong organisasyong masa, maglunsad og mga edukasyon ug molihok aron ibutyag ug pakgangon ang mga kontra-katawhan nga mga programa sa reaksyunaryong gobyerno, palagpoton ang gobyerno sa despotikong si PNoy ug panalipdan ang patrimonya ug soberanya sa Pilipinas. Atong padaghanon ang Bagong Hukbong Bayan aron dugang pa kitang makatampo sa pagkusog sa rebolusyonaryong kalihukan sa NEMR ug uban pang mga rehiyon sa Pilipinas!
Mabuhi ang National Democratric Front Phillippines!!
Mabuhi ang rebolusyong Pilipino!
Sampa sa Bagong Hukbong Bayan, ang tinuod nga kasundaluhan sa katawhan!
http://www.philippinerevolution.net/statements/20140424_paspas-nga-palapdon-ug-palig-onon-ang-hiniusang-kusog-sa-demokratikong-pwersa-sa-katawhan-ug-iasdang-ang-rebolusyon-ngadto-sa-mas-taas-nga-ang-ang
No comments:
Post a Comment
Note: Only a member of this blog may post a comment.