Spokesperson
Cagayan Valley Regional Operational Command (Fortunato Camus Command)
New People's Army
March 14, 2024
Talaga nga inlaylayonen ni Marcos Jr ti kinatulnog ken panagbalin na nga aso-aso iti imperyalismo nga US ken itultulok na a maguyod ti Pilipinas ken dagiti Pilipino iti gerra ti US ken China. Kadaytoy laeng naudi ket nagballaagen ni Xi Jinping iti posibilidad ti “armed conflict” iti taaw, nga ad-adda met a sinungrodan na uray nu mairubo dagiti umili a Pilipino.
Idi naminsan nga aldaw, impablaaken ni Batanes Gov. Marilou Cayco nga adda manen ti maibangon a pasdek militar idiay Batanes, laksid pay iti siguden a naval station idiay Mavulis Island, tapno kano “adda pagkamangan dagiti Pilipino nga adda idiay Taiwan nu bumtak ti krisis.” Nangrugi ti konstruksyon iti nasao a “civilian sea port” a pondoan ti US inton Abril, kas paset iti US-PH Balikatan exercise. Panangngallilaw pay ti Philippine Navy, mausar kan’ daytoy dagiti mangngalap sadiay kasta met kadagiti tropa nga agirussuat iti humanitarian assistance and disaster response iti tiempo ti bagyo.
Pambar laeng amin dagita. Ta ti kinapudno, paset daytoy iti “first island chain” wenno panangsalikawkaw ti US iti China. Agdadata nga us-usaren ti US iti Pilipinas tapno durogan ti Taiwan a sumina iti China ken babaen iti AFP, ikonkondisyon na ida ken pagsagsaganaanen iti umadani a gerra. Inuulbod met lang ti proklamasyon ti AFP a saan nga agindeg dagiti soldado nga Amerikano sadiay apaman a malpas ti konstruksyon. Dagitin tu pay EDCA site a Pilipinas ti nangpondo ket pagyanan da, karkaro nu bukod da mismo a bulsa ti naggapuan ti kwarta.
Estratehiko a lugar ti Batanes, wenno ti amianan a Luzon iti kabuklan na, gapu ta daytoy ti “choke point” ti China nu kas pangarigan sumungad da a sumrek iti Pilipinas. Nu arigen, pagbalbalinen ti US ti intero a pagilian kas base militar na ken target board met kadagiti kalaban na. Sipud nagtugaw ti Marcos Jr, immirteng ti siguden a nakaro a militarisasyon iti intero a Cagayan Valley inggana kadagiti babassit nga isla. Laksid iti tallo nga EDCA site iti rehiyon nga nainayon idi 2023, pinasarunoan manen daytoy iti pangitakder iti kampo iti Calayan Island, Cagayan a maysa kadagiti kadawyan a pangirusrussuatan ti Balikatan. Idi Pebrero, naikeddengen ti Mavulis Island, Batanes kas maysa a benyu iti war games ken itatta ket pappapuskulen iti presensya militar sadiay.
Napeggad daytoy kadagiti umili, nangruna kadagiti taga-Cagayan Valley nga isu’t naitangkaran iti China ken Taiwan. Kas iti ar-aramiden na iti dadduma a pagilian, nalawag a pagbalbalinen ti US dagiti Pilipino kas pagbala iti kanyon ken pawn tapno laeng mairupir ti hegemonya na iti lubong. Wagas daytoy ti US tapno kariten ken iprobokar ti China, tapno iti kasta ket maikalintegan ti panagindeg na ditoy Pilipinas.
Ngem awan met kainaigan ti Pilipinas iti tensyon iti nagbaetan ti China ken US, kasta met a saan nga interes dagiti umili a Pilipino ti panagserrek iti gerra dagiti imperyalista. Ngem gapu ta neokolonya ti US ti Pilipinas, maparparangguyod ti pagilian kadagiti gerra ti US. Gapu kadagiti saan a patas a katulagan kas iti Mutual Defense Treaty (MDT), maob-obligar ti Pilipinas nga agbalin a paspasurot ta “nu siasinno man ti kabusor ti US ket agbalin a kabusor ti Pilipinas.” Kas laeng iti gerra nga agresyon ti US idiay Vietnam, Korea, ken Iraq nu sadinno ket nagitulod ti Pilipinas iti nayon a pwersa para kadagiti soldado nga Amerikano, uray met saan ida a kabusor ti Pilipinas.
Kasta met ti EDCA ken VFA a mangpalpalubos kadagiti tropa ken ramit-militar ti US nga iserrek ditoy Pilipinas. Laksid kadagitoy, dagiti alyansa-militar nga idadauloan ti US kas iti NATO, QUAD, ken AUKUS ket karaman ken maguyod kadagiti gerra nga irurussuat ti US kas iti France, UK, Canada, Germany, Australia, Korea, ken Japan.
Nasken a buklen ti umili ti nalawa nga agkaykaysa a prente tapno supyaten ken labanan ti ar-aramiden ti rehimen US-Marcos Jr a militarisasyon dagiti soldado nga Amerikano ken ti aso-aso na nga AFP. Pakaisagmakan daytoy iti sibubukel nga umili a Pilipino. Rumbeng nga irupir ken salakniban ti soberanya ti pagilian ken waswasen dagiti saan a patas a tratado iti nagbaetan iti US ken Pilipinas ta dagitoy ti mangmangted kadagiti tropa ti US iti ekstra-teritoryal nga akses ken karbengan kadagiti teritoryo ti pagilian—daga, taaw ken uray tangatang.
Gunggundawayan laeng ti US ti hype laban iti ar-aramiden ti China idiay West Philippine Sea tapno mairupir ti bukod na nga interes. Inggana nakagalut ti Pilipinas iti pagayatan ti US, awan kabaelan ti pagilian nga agdesisyon iti bukod ken mangngeddeng iti turungan na iti tay-ak ti ekonomya, politika, militar ken ti pannakilangen kadagiti dadduma a nasyon.
Kasta met a gundaway daytoy para iti sibubukel a rebolusyonaryo a tignayan tapno iturong ti gerra ti imperyalista iti rebolusyonaryo nga armado a pannikilaban tapno gun-oden iti pudno a nailian a wayawaya ken demokrasya.
https://philippinerevolution.nu/statements/supyaten-ke-labanan-ti-umir-irteng-a-militarisasyon-ken-presensya-militar-ti-us-iti-cagayan-valley/
March 14, 2024
Talaga nga inlaylayonen ni Marcos Jr ti kinatulnog ken panagbalin na nga aso-aso iti imperyalismo nga US ken itultulok na a maguyod ti Pilipinas ken dagiti Pilipino iti gerra ti US ken China. Kadaytoy laeng naudi ket nagballaagen ni Xi Jinping iti posibilidad ti “armed conflict” iti taaw, nga ad-adda met a sinungrodan na uray nu mairubo dagiti umili a Pilipino.
Idi naminsan nga aldaw, impablaaken ni Batanes Gov. Marilou Cayco nga adda manen ti maibangon a pasdek militar idiay Batanes, laksid pay iti siguden a naval station idiay Mavulis Island, tapno kano “adda pagkamangan dagiti Pilipino nga adda idiay Taiwan nu bumtak ti krisis.” Nangrugi ti konstruksyon iti nasao a “civilian sea port” a pondoan ti US inton Abril, kas paset iti US-PH Balikatan exercise. Panangngallilaw pay ti Philippine Navy, mausar kan’ daytoy dagiti mangngalap sadiay kasta met kadagiti tropa nga agirussuat iti humanitarian assistance and disaster response iti tiempo ti bagyo.
Pambar laeng amin dagita. Ta ti kinapudno, paset daytoy iti “first island chain” wenno panangsalikawkaw ti US iti China. Agdadata nga us-usaren ti US iti Pilipinas tapno durogan ti Taiwan a sumina iti China ken babaen iti AFP, ikonkondisyon na ida ken pagsagsaganaanen iti umadani a gerra. Inuulbod met lang ti proklamasyon ti AFP a saan nga agindeg dagiti soldado nga Amerikano sadiay apaman a malpas ti konstruksyon. Dagitin tu pay EDCA site a Pilipinas ti nangpondo ket pagyanan da, karkaro nu bukod da mismo a bulsa ti naggapuan ti kwarta.
Estratehiko a lugar ti Batanes, wenno ti amianan a Luzon iti kabuklan na, gapu ta daytoy ti “choke point” ti China nu kas pangarigan sumungad da a sumrek iti Pilipinas. Nu arigen, pagbalbalinen ti US ti intero a pagilian kas base militar na ken target board met kadagiti kalaban na. Sipud nagtugaw ti Marcos Jr, immirteng ti siguden a nakaro a militarisasyon iti intero a Cagayan Valley inggana kadagiti babassit nga isla. Laksid iti tallo nga EDCA site iti rehiyon nga nainayon idi 2023, pinasarunoan manen daytoy iti pangitakder iti kampo iti Calayan Island, Cagayan a maysa kadagiti kadawyan a pangirusrussuatan ti Balikatan. Idi Pebrero, naikeddengen ti Mavulis Island, Batanes kas maysa a benyu iti war games ken itatta ket pappapuskulen iti presensya militar sadiay.
Napeggad daytoy kadagiti umili, nangruna kadagiti taga-Cagayan Valley nga isu’t naitangkaran iti China ken Taiwan. Kas iti ar-aramiden na iti dadduma a pagilian, nalawag a pagbalbalinen ti US dagiti Pilipino kas pagbala iti kanyon ken pawn tapno laeng mairupir ti hegemonya na iti lubong. Wagas daytoy ti US tapno kariten ken iprobokar ti China, tapno iti kasta ket maikalintegan ti panagindeg na ditoy Pilipinas.
Ngem awan met kainaigan ti Pilipinas iti tensyon iti nagbaetan ti China ken US, kasta met a saan nga interes dagiti umili a Pilipino ti panagserrek iti gerra dagiti imperyalista. Ngem gapu ta neokolonya ti US ti Pilipinas, maparparangguyod ti pagilian kadagiti gerra ti US. Gapu kadagiti saan a patas a katulagan kas iti Mutual Defense Treaty (MDT), maob-obligar ti Pilipinas nga agbalin a paspasurot ta “nu siasinno man ti kabusor ti US ket agbalin a kabusor ti Pilipinas.” Kas laeng iti gerra nga agresyon ti US idiay Vietnam, Korea, ken Iraq nu sadinno ket nagitulod ti Pilipinas iti nayon a pwersa para kadagiti soldado nga Amerikano, uray met saan ida a kabusor ti Pilipinas.
Kasta met ti EDCA ken VFA a mangpalpalubos kadagiti tropa ken ramit-militar ti US nga iserrek ditoy Pilipinas. Laksid kadagitoy, dagiti alyansa-militar nga idadauloan ti US kas iti NATO, QUAD, ken AUKUS ket karaman ken maguyod kadagiti gerra nga irurussuat ti US kas iti France, UK, Canada, Germany, Australia, Korea, ken Japan.
Nasken a buklen ti umili ti nalawa nga agkaykaysa a prente tapno supyaten ken labanan ti ar-aramiden ti rehimen US-Marcos Jr a militarisasyon dagiti soldado nga Amerikano ken ti aso-aso na nga AFP. Pakaisagmakan daytoy iti sibubukel nga umili a Pilipino. Rumbeng nga irupir ken salakniban ti soberanya ti pagilian ken waswasen dagiti saan a patas a tratado iti nagbaetan iti US ken Pilipinas ta dagitoy ti mangmangted kadagiti tropa ti US iti ekstra-teritoryal nga akses ken karbengan kadagiti teritoryo ti pagilian—daga, taaw ken uray tangatang.
Gunggundawayan laeng ti US ti hype laban iti ar-aramiden ti China idiay West Philippine Sea tapno mairupir ti bukod na nga interes. Inggana nakagalut ti Pilipinas iti pagayatan ti US, awan kabaelan ti pagilian nga agdesisyon iti bukod ken mangngeddeng iti turungan na iti tay-ak ti ekonomya, politika, militar ken ti pannakilangen kadagiti dadduma a nasyon.
Kasta met a gundaway daytoy para iti sibubukel a rebolusyonaryo a tignayan tapno iturong ti gerra ti imperyalista iti rebolusyonaryo nga armado a pannikilaban tapno gun-oden iti pudno a nailian a wayawaya ken demokrasya.
https://philippinerevolution.nu/statements/supyaten-ke-labanan-ti-umir-irteng-a-militarisasyon-ken-presensya-militar-ti-us-iti-cagayan-valley/
No comments:
Post a Comment
Note: Only a member of this blog may post a comment.