Kalinaw News: Libreng gupit ang handog ng tropa ng 77th Infantry Battalion, CMO Battalion at ng 501st Infantry Brigade sa isinagawang Medical-Dental Mission at Outreach Activity sa barangay San Antonio, Enrile, Cagayan

From Kalinaw News (Jul 25, 2022): Libreng gupit ang handog ng tropa ng 77th Infantry Battalion, CMO Battalion at ng 501st Infantry Brigade sa isinagawang Medical-Dental Mission at Outreach Activity sa barangay San Antonio, Enrile, Cagayan kahapon, Hulyo 23, 2022 (The troops of the 77th Infantry Battalion, CMO Battalion and the 501st Infantry Brigade offered free haircuts during the Medical-Dental Mission and Outreach Activity in barangay San Antonio, Enrile, Cagayan yesterday, July 23, 2022)

Sa datos ng Rotaract Club of Tuguegarao Citadel, higit 150 residente ng nasabing barangay ang nabenepisyuhan ng Medical and Dental Mission activity katuwang ang Enrile Municipal Police Station, Cagayan Provincial Health Office, Sierra Falcones Cagayan Valley, PRO-2 RCADD at ng RHU Enrile.
Sa nasabing medical mission activity na tinawag na ‘Project MediCALL’, maliban sa libreng medical consultation, nabigyan din ang bawat benepisyaryo ng libreng mga gamot at bitamina.

Hindi naman bababa sa 40 ang naging benepisyaryo ng Project NGITI kung saan ay tumanggap din sila ng libreng dental kit mula sa kapulisan ng Police Regional Office No. 2.

Nagsagawa rin ang kapulisan ng Enrile ng feeding activity at tree planting katuwang ang KKDAT.
Pinasalamatan naman ni Jerick Bañares, ang presidente ng Rotaract ang lahat ng naging partner ng kanilang organisasyon upang maisakatuparan ang pagsasagawa ng medical-dental mission.

Ang barangay San Antonio ay kinokonsiderang isa sa Geographically Isolated and Disadvantaged Area (GIDA) ng bayan ng Enrile.

[Kalinaw News is the official online source of information on the pursuit for peace in the Philippines This website is a property of the Civil-Military Operations Regiment, Philippine Army located at Lawton Avenue, Fort Bonifacio, Taguig City Contact us: kalinawnews@cmoregiment.com]

https://www.kalinawnews.com/libreng-gupit-ang-handog-ng-tropa-ng-77th-infantry-battalion-cmo-battalion-at-ng-501st-infantry-brigade-sa-isinagawang-medical-dental-mission-at-outreach-activity-sa-barangay-san-antonio-enrile-cag/