CPP/NPA-South Central Negros: Intel asset ginsilotan sang MCC-NPA

Propaganda statement posted to the Communist Party of the Philippines (CPP) Website (Sep 15, 2021): Intel asset ginsilotan sang MCC-NPA

DIONESIO MAGBUELAS

SPOKESPERSON

NPA-SOUTH CENTRAL NEGROS (MT. CANSERMON COMMAND)

NEGROS ISLAND REGIONAL OPERATIONAL COMMAND (APOLINARIO GATMAITAN COMMAND)

NEW PEOPLE'S ARMY

SEPTEMBER 15, 2021

Ginkalipay sang pumuluyo ang pagpapanaog sang silot kamatayon sang Mount Cansermon Command sang New People’s Army South Central Negros (MCC-NPA) kay Roel “Pedong” Ganti sa Sityo Atubon, Barangay Tan-awan, Kabankalan City sadtong Agosto 23, alas 9:00 sang gab-i.

Isa ka masupog nga intelligence asset sang Philippine National Police (PNP) kag Armed Forces of the Philippines (AFP) si Pedong nga naga-opereyt sa mga nabukid sang Kabankalan City, Cauayan kag Candoni area. Makapila na ka beses nga ginpaandaman siya angot sa iya pagpagamit sa militar kag pulis. Isa man si Pedong sa mga nagapadihot sang iligal nga armas kag nagapamahug kag pilit nga nagapasurender sa iya mga kakilala nga ginadudahan nga nagasuporta sa NPA.

Dugang pa, wala sang kahilabtanan ang MCC-NPA sa pagtiro-patay sa ginakilala nga si “Benaluga” sa Sityo Malagapas, Barangay Tan-awan sakop sang Kabankalan City sadtong Agosto 24, 2021. Wala ini siya sang nakomiter nga sala batuk sa pumuluyo kag sa rebolusyonaryong kahublagan.

Sa pihak nga bahin hugot nga ginpakamalaut sang MCC-NPA ang ginahimo sang 94th IB sang Philippine Army upod sanday Gary “Dodong” Mahinay kag Louie “Berber” Redoble nga pilit nga pagpasurender kag pagpamalaybalay para kumbinsihon nga magsurender ang mga mangunguma bilang mga katapo sang NPA sa mga sitio sang Tiki, Bagtik, Malagapas kag Kalangkang tanan sakop sang Barangay Buenavista, Himamaylan City.###

https://cpp.ph/statements/intel-asset-ginsilotan-sang-mcc-npa/