Propaganda statement posted to the Communist Party of the Philippines (CPP) Website (Dec 16, 2020): Padayon nga Pasismo kag Militarisasyon sa Central Negros Ginakondenar sang NPA
JB REGALADOSPOKESPERSON
NPA-CENTRAL NEGROS
LEONARDO PANALIGAN COMMAND
NEGROS ISLAND REGIONAL OPERATIONAL COMMAND
APOLINARIO GATMAITAN COMMAND
NEW PEOPLE'S ARMY
DECEMBER 16, 2020
Mabaskog nga ginakondenar sang Leonardo Panaligan Command-New People’s Army sa Central Negros ang padayon nga pagpanglapas sang tawhanon nga kinamatarung sa sakop Larangan Gerilya sa Central Negros.
Disyembre 13, 2020 ginpatawag sang 62nd IBPA ang tanan nga pumuluyo sa sakop sang Brgy Budlasan, Canlaon kag Brgy Trinidad, Guihulngan sa Brgy Hall sang Brgy Trinidad, Guihulngan sa tuyo kuno nga magmiting, apang ang gatusan ka tumalambong ang gindeklarar sang militar nga mga surrenderee.
Samtang padayon naman ang operasyon militar, pagpanaka-saka sa mga kabalayan, pamahug, pagpanglitrato kag pilit nga pagpasurender sa mga inosenteng sibilyan sa sityo Tiyos kag Mamballo sakop sang Brgy Quentin Remo, Moises Padilla, Negros Occidental. Padayon man ang operasyon militar sa mga sityo sang Mampayao Gamay, Mampayao Dako nga sakop sa Brgy Malangsa, subong man sa mga sityo sang Lukhan, Danikop nga sakop sang Brgy Tabon, Vallehermoso, Negros Oriental.
Disyembre 5, 2020 mga alas 5:00 sang aga, ang iligal nga paglusob sang 62nd IBPA upod ang mga katapo sang CAFGU nga sanday JR Vergara, Andres Tecson, Milo Davis nga nagpakana nga mga katapo sang NPA sa balay sang Brgy Tanod nga si Romeo Reyes, may legal nga pang-edaron, may asawa kag may kabataan sang sityo Malatanglad, Brgy Budlasan Canlaon City. Tuyo sang militar nga patalangon ang huna-huna sang mga pumuluyo sa lugar. Illegal nga ginpang-ukay ang balay, gin-imbestigar kag ginapahug pa ang panimalay Reyes nga kon maka-engkwentro sila sa NPA balikan gid ini nga pamilya.
Illegal search man ang ginhimo sang pasistang 62nd IBPA sa puluy-an ni Domingga Dela Paz, 45 anyos, may bana kag may mga kabataan sang sityo Malatanglad sakop sang nasambit gihapon nga baryo. Ginpang-ukay ang ila bilog nga puluy-an, gin-imbestigar kag ginpahug kag pilit man nga ginapatudlo kon diin ang kampo sang NPA.
Ilegal man nga ginsaka ang balay sang pamilya Gelacio sa amo gihapon nga lugar kag ginpang-ukay ang mga kagamitan sang nasambit nga puluy-an. Pilit nga ginapangita ang armas kag iban pa kuno nga kagamitan sang NPA kag pilit man nga ginapa-ako nga katapo sang NPA. Bangud inosente ang nasambit nga pamilya sa ila mga imbestigasyon, ila ginkastigo samtang gina-imbestigar si Robert Gelacio, 28 anyos kag soltero. Ang tanan nga kalalakinhan sa lugar nga nagakarga-tapas sa hasyenda ila man nga ginpasibangdan nga mga katapo sang NPA.
Sa amo gihapon nga adlaw, ginkastigo man sila Mar-mar Gelacio, Rodgie Gelacio kag Aming Gelacio sang katapo sang 62nd IBPA. Nagresulta ini sang pagsuka-dugo ni Aming Gelacio, haluson na makatindog kag napilitan na sa pag-untat sa pagtrabaho sa hasyenda upod sa iban pa nga biktima sang pagpangkastigo sang nasambit nga pasistang tropa militar.
Ang subsob nga operasyon militar nagsugod pa sadtong katapusan nga semana sang Nobyembre tubtob una nga semana sang Disyembre sa mga sityo sang Oyangan, Katuguisan, Malatanglad, Owayan, Tabalogo, Ihid kag Natuling tanan sakop sang Brgy Budlasan, Canlaon City. Subong man sa binukid sang Guihulngan ilabe na sa mga sityo sang Banderahan kag Cambairan.
Desperado lamang ang militar nga nagadali nga mapapas ang New People’s Army sa Central Negros. Pabilin nga nagsumbag ang pasistang AFP sa hangin sa pagpangita sang NPA kag maathag nga paslaw ang NTF-ELCAC sa Central Negros.
Ginakondenar man sang LPC-NPA ang paghimo nga kampo militar sang 62nd IBPA sa mga eskwelahan sang Sityo Cambairan, Brgy Trinidad, Guihulngan City, sityo Tabalogo, Brgy Budlasan, Canlaon City tanan sang Negros Oriental kag mga kasimbahanan sa sityo Tubod, Brgy Macagahay, Moises Padilla, Negros Occidental. Subong man ang pagtiner sa mga Brgy Hall sang nasambit nga mga lugar sa tion nga ang militar nagapatigayon sang ila mga operasyon. Ini isa ka muklat nga paglapas sang 62nd IBPA sa Comprehensive Agreement for Human Rights and International Humanitarian Law (CARHRIHL).
Ginapanawagan ang tanan nga pumuluyo sa Central Negros nga maisog nga magbato kag ibuyagyag ang tanan nga kalakasan sang 62nd IBPA kag sang rehimeng US-Duterte kadungan sa ginalunsar nga taktikal nga opensiba sang aton mga pulang hangaway nga amo ang New People’s Army.
Suportahon ang Armadong Paghimakas sa kaumahan kag angkunon ang tunay nga hustisya sang mga biktima sa paglapas sang tawhanon nga kinamatarung sang pumuluyo nga direkta ginkomiter sa reaksyunaryong estado! ###
https://cpp.ph/statements/padayon-nga-pasismo-kag-militarisasyon-sa-central-negros-ginakondenar-sang-npa/
Mabaskog nga ginakondenar sang Leonardo Panaligan Command-New People’s Army sa Central Negros ang padayon nga pagpanglapas sang tawhanon nga kinamatarung sa sakop Larangan Gerilya sa Central Negros.
Disyembre 13, 2020 ginpatawag sang 62nd IBPA ang tanan nga pumuluyo sa sakop sang Brgy Budlasan, Canlaon kag Brgy Trinidad, Guihulngan sa Brgy Hall sang Brgy Trinidad, Guihulngan sa tuyo kuno nga magmiting, apang ang gatusan ka tumalambong ang gindeklarar sang militar nga mga surrenderee.
Samtang padayon naman ang operasyon militar, pagpanaka-saka sa mga kabalayan, pamahug, pagpanglitrato kag pilit nga pagpasurender sa mga inosenteng sibilyan sa sityo Tiyos kag Mamballo sakop sang Brgy Quentin Remo, Moises Padilla, Negros Occidental. Padayon man ang operasyon militar sa mga sityo sang Mampayao Gamay, Mampayao Dako nga sakop sa Brgy Malangsa, subong man sa mga sityo sang Lukhan, Danikop nga sakop sang Brgy Tabon, Vallehermoso, Negros Oriental.
Disyembre 5, 2020 mga alas 5:00 sang aga, ang iligal nga paglusob sang 62nd IBPA upod ang mga katapo sang CAFGU nga sanday JR Vergara, Andres Tecson, Milo Davis nga nagpakana nga mga katapo sang NPA sa balay sang Brgy Tanod nga si Romeo Reyes, may legal nga pang-edaron, may asawa kag may kabataan sang sityo Malatanglad, Brgy Budlasan Canlaon City. Tuyo sang militar nga patalangon ang huna-huna sang mga pumuluyo sa lugar. Illegal nga ginpang-ukay ang balay, gin-imbestigar kag ginapahug pa ang panimalay Reyes nga kon maka-engkwentro sila sa NPA balikan gid ini nga pamilya.
Illegal search man ang ginhimo sang pasistang 62nd IBPA sa puluy-an ni Domingga Dela Paz, 45 anyos, may bana kag may mga kabataan sang sityo Malatanglad sakop sang nasambit gihapon nga baryo. Ginpang-ukay ang ila bilog nga puluy-an, gin-imbestigar kag ginpahug kag pilit man nga ginapatudlo kon diin ang kampo sang NPA.
Ilegal man nga ginsaka ang balay sang pamilya Gelacio sa amo gihapon nga lugar kag ginpang-ukay ang mga kagamitan sang nasambit nga puluy-an. Pilit nga ginapangita ang armas kag iban pa kuno nga kagamitan sang NPA kag pilit man nga ginapa-ako nga katapo sang NPA. Bangud inosente ang nasambit nga pamilya sa ila mga imbestigasyon, ila ginkastigo samtang gina-imbestigar si Robert Gelacio, 28 anyos kag soltero. Ang tanan nga kalalakinhan sa lugar nga nagakarga-tapas sa hasyenda ila man nga ginpasibangdan nga mga katapo sang NPA.
Sa amo gihapon nga adlaw, ginkastigo man sila Mar-mar Gelacio, Rodgie Gelacio kag Aming Gelacio sang katapo sang 62nd IBPA. Nagresulta ini sang pagsuka-dugo ni Aming Gelacio, haluson na makatindog kag napilitan na sa pag-untat sa pagtrabaho sa hasyenda upod sa iban pa nga biktima sang pagpangkastigo sang nasambit nga pasistang tropa militar.
Ang subsob nga operasyon militar nagsugod pa sadtong katapusan nga semana sang Nobyembre tubtob una nga semana sang Disyembre sa mga sityo sang Oyangan, Katuguisan, Malatanglad, Owayan, Tabalogo, Ihid kag Natuling tanan sakop sang Brgy Budlasan, Canlaon City. Subong man sa binukid sang Guihulngan ilabe na sa mga sityo sang Banderahan kag Cambairan.
Desperado lamang ang militar nga nagadali nga mapapas ang New People’s Army sa Central Negros. Pabilin nga nagsumbag ang pasistang AFP sa hangin sa pagpangita sang NPA kag maathag nga paslaw ang NTF-ELCAC sa Central Negros.
Ginakondenar man sang LPC-NPA ang paghimo nga kampo militar sang 62nd IBPA sa mga eskwelahan sang Sityo Cambairan, Brgy Trinidad, Guihulngan City, sityo Tabalogo, Brgy Budlasan, Canlaon City tanan sang Negros Oriental kag mga kasimbahanan sa sityo Tubod, Brgy Macagahay, Moises Padilla, Negros Occidental. Subong man ang pagtiner sa mga Brgy Hall sang nasambit nga mga lugar sa tion nga ang militar nagapatigayon sang ila mga operasyon. Ini isa ka muklat nga paglapas sang 62nd IBPA sa Comprehensive Agreement for Human Rights and International Humanitarian Law (CARHRIHL).
Ginapanawagan ang tanan nga pumuluyo sa Central Negros nga maisog nga magbato kag ibuyagyag ang tanan nga kalakasan sang 62nd IBPA kag sang rehimeng US-Duterte kadungan sa ginalunsar nga taktikal nga opensiba sang aton mga pulang hangaway nga amo ang New People’s Army.
Suportahon ang Armadong Paghimakas sa kaumahan kag angkunon ang tunay nga hustisya sang mga biktima sa paglapas sang tawhanon nga kinamatarung sang pumuluyo nga direkta ginkomiter sa reaksyunaryong estado! ###
https://cpp.ph/statements/padayon-nga-pasismo-kag-militarisasyon-sa-central-negros-ginakondenar-sang-npa/
No comments:
Post a Comment
Note: Only a member of this blog may post a comment.