NPA-ILOCOS SUR
ALFREDO CESAR COMMAND
NEW PEOPLE'S ARMY
SEPTEMBER 13, 2020
Iti amin a tay-ak ti trabaho ti New People’s Army, ipangpangruna dagiti Nalabbaga a mannakigubat ken kumander ti interes ti naruay nga umili. Kadagiti maisaysayangkat a taktikal nga opensiba ken iti panangiyabante iti gubat ti umili, ni kaanuman saan a nagbalin a target dagiti sibilyan. Saan laeng a panagsurot daytoy kadagiti linteg ken pagannurotan iti gubat, no di ket nairot a panagpetpet iti prinsipyo a bugas ti pakinakem ti maysa a komunista – ti panagtarigagay ti pagsayaatan saan a para iti bukod no di ket para iti umili.
Ti pammapatay ti 81st IBPA kenni Junior Valdez idi Agosto 8, 2020 sadiay Suagayn, Sta. Lucia, Ilocos Sur ti mangpaneknek a para kadakuada nga aso-aso dagiti gamrud ken pasista nga agturturay a dasig, napatpateg ti bukod nga interes, bileg, ken posisyon ngem ti pagsayaatan ti umili.
Nalawag a linabsing ti 81st IBPA ti nakalanad iti Artikulo 4 Paset 4 ti Comprehensive Agreement for the Respect of Human Rights and International Humanitarian Law (CARHRIHL) nu sadinno a “[t]i sibilyan a populasyon ken dagiti sibilyan ket maitrato kas sibilyan ken maiduma kadagiti mannakigubat ken, karaman dagiti sanikua da ket saan a mabalin nga atakeen. Isuda ket masalakniban laban iti awan sarday a panagbomba manipud iti tangatang, istraping, panagkanyon, panagmortar, panagpuor, panagbuldoser, ken dadduma pay a kapada a langa ti panangperdi iti biag ken sanikua, panagusar kadagiti bomba kasta met ti panagurnong ti paltog, bala, bomba, ken dadduma pay iti asideg da wenno iti tengnga ti kaaddaan da, ken ti panagusar kadagiti armas a kemikal ken bayolohikal”:
(1) Naranggas a pinapakleb da ni Junior Valdez sakbay ti rugi ti panagputok da imbes a pinaawid wenno inyadayo iti lugar ti labanan;
(2) Pinagbalin da a kalasag dagiti umili agraman dagiti sanikua da kas iti balay ken lugan;
(3) Nagurnong da a naka-full battle gear iti asideg ken tengnga ti sibilyan a populasyon, ken dagiti lugan ken tangke da ket nakaparada iti asideg ti komunidad;
(4) Nalabes ti panagputok da ti riple, M203, ken tangke a nangdangran iti dua pay a sibilyan.
Nayonna, no inta’y amirisen, dagiti berdugo nga AFP ken PNP ti kangrunaan a manglablabsing iti Anti-Terror Law. Isuda ti nangpapatay iti sibilyan. Isuda ti nangperdi kadagiti sanikua ti umili. Isuda ti mangliplipit ken mangpangpangta kadakuada. Isuda ti mangpatpataud ti buteng iti uneg ti komunidad. Saan aya nga aramid ti terorista dagitoy?
Ngarud, saan tayo nga agpaallilaw. Saan tayo nga itulok nga agraira ti terorismo ti estado ken dagiti aso-aso nga armado a pwersa na. Agkaykaysa a labanan ti militarisasyon ken papanawen dagiti pudno a terorista. Tumipon iti armado a rebolusyon tapno naan-anay a masalakniban ken mailaban ti karbengan ti kaaduan.#
https://cpp.ph/statements/pammapatay-kenni-junior-valdez-aramid-ti-berdugo-nga-81st-ibpa/
Iti amin a tay-ak ti trabaho ti New People’s Army, ipangpangruna dagiti Nalabbaga a mannakigubat ken kumander ti interes ti naruay nga umili. Kadagiti maisaysayangkat a taktikal nga opensiba ken iti panangiyabante iti gubat ti umili, ni kaanuman saan a nagbalin a target dagiti sibilyan. Saan laeng a panagsurot daytoy kadagiti linteg ken pagannurotan iti gubat, no di ket nairot a panagpetpet iti prinsipyo a bugas ti pakinakem ti maysa a komunista – ti panagtarigagay ti pagsayaatan saan a para iti bukod no di ket para iti umili.
Ti pammapatay ti 81st IBPA kenni Junior Valdez idi Agosto 8, 2020 sadiay Suagayn, Sta. Lucia, Ilocos Sur ti mangpaneknek a para kadakuada nga aso-aso dagiti gamrud ken pasista nga agturturay a dasig, napatpateg ti bukod nga interes, bileg, ken posisyon ngem ti pagsayaatan ti umili.
Nalawag a linabsing ti 81st IBPA ti nakalanad iti Artikulo 4 Paset 4 ti Comprehensive Agreement for the Respect of Human Rights and International Humanitarian Law (CARHRIHL) nu sadinno a “[t]i sibilyan a populasyon ken dagiti sibilyan ket maitrato kas sibilyan ken maiduma kadagiti mannakigubat ken, karaman dagiti sanikua da ket saan a mabalin nga atakeen. Isuda ket masalakniban laban iti awan sarday a panagbomba manipud iti tangatang, istraping, panagkanyon, panagmortar, panagpuor, panagbuldoser, ken dadduma pay a kapada a langa ti panangperdi iti biag ken sanikua, panagusar kadagiti bomba kasta met ti panagurnong ti paltog, bala, bomba, ken dadduma pay iti asideg da wenno iti tengnga ti kaaddaan da, ken ti panagusar kadagiti armas a kemikal ken bayolohikal”:
(1) Naranggas a pinapakleb da ni Junior Valdez sakbay ti rugi ti panagputok da imbes a pinaawid wenno inyadayo iti lugar ti labanan;
(2) Pinagbalin da a kalasag dagiti umili agraman dagiti sanikua da kas iti balay ken lugan;
(3) Nagurnong da a naka-full battle gear iti asideg ken tengnga ti sibilyan a populasyon, ken dagiti lugan ken tangke da ket nakaparada iti asideg ti komunidad;
(4) Nalabes ti panagputok da ti riple, M203, ken tangke a nangdangran iti dua pay a sibilyan.
Nayonna, no inta’y amirisen, dagiti berdugo nga AFP ken PNP ti kangrunaan a manglablabsing iti Anti-Terror Law. Isuda ti nangpapatay iti sibilyan. Isuda ti nangperdi kadagiti sanikua ti umili. Isuda ti mangliplipit ken mangpangpangta kadakuada. Isuda ti mangpatpataud ti buteng iti uneg ti komunidad. Saan aya nga aramid ti terorista dagitoy?
Ngarud, saan tayo nga agpaallilaw. Saan tayo nga itulok nga agraira ti terorismo ti estado ken dagiti aso-aso nga armado a pwersa na. Agkaykaysa a labanan ti militarisasyon ken papanawen dagiti pudno a terorista. Tumipon iti armado a rebolusyon tapno naan-anay a masalakniban ken mailaban ti karbengan ti kaaduan.#
https://cpp.ph/statements/pammapatay-kenni-junior-valdez-aramid-ti-berdugo-nga-81st-ibpa/
No comments:
Post a Comment
Note: Only a member of this blog may post a comment.