TAGBILARAN CITY, Bohol, July 18 (PIA) -- "Iyang gipusil-patay ang iyang kaugalingon, kay wala siya tugoti nga makauli sa Negros aron makita ang iyang gibiyaan nga banay."
Kini maoy tipik sa kasayuran nga gipaambit ni Crisologo Guimaras, usa ka sakop sa Communist Party of the Philippines nga nadakpan human sa panagsangka sa mga tropa sa kagamhanan ug nga sakop sa New People’s Army (NPA) didto sa Bayawahan Sevilla, niadtong Hunyo 26.
Ang sakop sa NPA nga wala na tugoti nga makauli pa sa Negros, mao si alias Willy, nga giila usab sa lain nga alias Dax ug Alias ArAr, kinsa maoy vice squad leader sa Squad 3 sa Bohol Party Committee ilawom sa pagpangulo ug command ni Domingo Compoc o alias Cobra, matud pa ni 47Infantry Battalion Civil Military Operations Officer First Lieutenant Elma Grace Remonde-Arbulencia, base usab sa saysay ni Guimaras, sa usa ka press release.
GIBIYAAN SA MABAW NGA LUBNGANAN. Ingon niini kamabaw ang gilubngan ni alias Willy, usa ka vice squad leader sa NPA nga naglatagaw sa kabukiran sa Bohol, kini ang iyang gidangatan human sa napulo ka tuig nga paghalad sa iyang kinabuhi aron pagpatunhay sa kalihukan. Si alias Willy usa lamang sa gatusan na ka mga sakop sa kalihukan nga buot unta nga manginabuhi na nga malinawon apan gidid-an sa mga rebelde uban sa hulga sa kamatayon lakip na sa banay niini. (PIA Bohol/47IB)
Si alias Willy, gibanabana nga naa pa sa 40 anyos nga may kagikan sa Negros Island ug napulo na ka tuig nga nagtagotago uban sa mga rebelde sa mga tago-anan sa mga rebelde sa kalasangan sa ug mga safe-houses dinhi sa Bohol.
Human sa kapin sa napulo na ka tuig, nananghid, matud pa ni Guimaras si Ka Willy kang Domingo Compoc, o Kumander Cobra nga mouli una aron makita ang pamilya, apan wala kini tagda ug wala tuguti sa kumander.
Tungod sa tuman'g kamingaw sa banay ug kaguol, nahukman niini nga magpusil sa kaugalingon ngadto na sa kamatayon.
Matud pa ni Remonde-Arbulencia, saysay ni Guimaras nga ilang gilubong na lang ang namatay nga kauban sa kalihukan niadtong Agosto 8, 2019, didto sa hilit nga dapit sa Barangay Rizal batuan, nga wala gani mapahibaw ang mga kabanay sa namatay.
Sa saysay ni Guimaras, usa ka operation ang gilusad sa mga tropa sa 47IB Philippine Army, Scene of the Crime Operators sa kapolisan ug mga opisyales sa Rizal, Batuan aron tuoron ang gisaysay ni Guimaras nga lugar diin gilubong si alyas Willy.
Niadtong Hulyo 15, gitaak sa mga sakop sa Army, mga opisyal sa barangay ug lungsod sa Batuan ang nasampit nga lugar ug ilang gisugdan og kubkob ang gitumbok nga lugar gilubngan sa namatay nga 'sundalo sa kalihukan" didto sa Sitio Tubod Soso, Brgy Rizal, Batuan, Bohol, 11 na ka buwan ang milabay.
Didto nakita ang mga bukog nga giputos lamang sa plastic nga luna, sa mabaw nga lubnganan. Dali kini nga giproseso sa mga tinugyanan aron ilhon kon kinsa gayud ang matuod nga pangalan luyo sa mga bukog, ug luyo sa angga nga Willy, Daz o ArAr.
Samtang padayon pa ang kapolisan sa pagtuon aron maila ang DNA sa nasampit nga namatay nga rebelde, gibutyag sa Army nga ang nahitabo kang Ka Willy lain na usab nga kamatuoran kon unsa ka dili makitawhanon ang pagtratar sa New People’s Army sa ilang mga sakop.
“Ang nakapait niini nga hitabo, mao nga kadto unta nga iyang kinabuhi nga iyang gigahin sa kinabuhi sa Komunista nga Kalihukan, kon iya pa nga gihalad uban sa iyang pamilya, mas taas pa unta ang iyang pagpanag-uban sa iyang mga mahal sa kinabuhi, kay sa magtago-tago sa kabukiran ilabi na kay dili siya taga dinhi,” matud ni 47IB Commanding Officer Lieutenant Colonel Allan Tabudlo.
Human sa kapin sa napulo na ka tuig, nananghid, matud pa ni Guimaras si Ka Willy kang Domingo Compoc, o Kumander Cobra nga mouli una aron makita ang pamilya, apan wala kini tagda ug wala tuguti sa kumander.
Tungod sa tuman'g kamingaw sa banay ug kaguol, nahukman niini nga magpusil sa kaugalingon ngadto na sa kamatayon.
Matud pa ni Remonde-Arbulencia, saysay ni Guimaras nga ilang gilubong na lang ang namatay nga kauban sa kalihukan niadtong Agosto 8, 2019, didto sa hilit nga dapit sa Barangay Rizal batuan, nga wala gani mapahibaw ang mga kabanay sa namatay.
Sa saysay ni Guimaras, usa ka operation ang gilusad sa mga tropa sa 47IB Philippine Army, Scene of the Crime Operators sa kapolisan ug mga opisyales sa Rizal, Batuan aron tuoron ang gisaysay ni Guimaras nga lugar diin gilubong si alyas Willy.
Niadtong Hulyo 15, gitaak sa mga sakop sa Army, mga opisyal sa barangay ug lungsod sa Batuan ang nasampit nga lugar ug ilang gisugdan og kubkob ang gitumbok nga lugar gilubngan sa namatay nga 'sundalo sa kalihukan" didto sa Sitio Tubod Soso, Brgy Rizal, Batuan, Bohol, 11 na ka buwan ang milabay.
Didto nakita ang mga bukog nga giputos lamang sa plastic nga luna, sa mabaw nga lubnganan. Dali kini nga giproseso sa mga tinugyanan aron ilhon kon kinsa gayud ang matuod nga pangalan luyo sa mga bukog, ug luyo sa angga nga Willy, Daz o ArAr.
Samtang padayon pa ang kapolisan sa pagtuon aron maila ang DNA sa nasampit nga namatay nga rebelde, gibutyag sa Army nga ang nahitabo kang Ka Willy lain na usab nga kamatuoran kon unsa ka dili makitawhanon ang pagtratar sa New People’s Army sa ilang mga sakop.
“Ang nakapait niini nga hitabo, mao nga kadto unta nga iyang kinabuhi nga iyang gigahin sa kinabuhi sa Komunista nga Kalihukan, kon iya pa nga gihalad uban sa iyang pamilya, mas taas pa unta ang iyang pagpanag-uban sa iyang mga mahal sa kinabuhi, kay sa magtago-tago sa kabukiran ilabi na kay dili siya taga dinhi,” matud ni 47IB Commanding Officer Lieutenant Colonel Allan Tabudlo.
BISAN WALA NAY PAGPAHIBAW SA BANAY. Gilubong na sa katapusang pahulayanan ang usa ka rebelde nga taga Negros ug nailhan lamang sa alias WIlly, Alias Dax ug lisa ArAr, nga wala na gani matultol ang mga kabanay niini sa Negros. Si alias Willy nagpusil patay sa kaugalingon sa kaguol nga wala na papauli-a sa banay. (PIA Bohol/47IB)
“Unta, dili na kita magpailad pa sa nga grupo sa armadong komunista nga naghaylo sa mga saad apan nagsayang lang sa kinabuhi sa mga Pilipino. Gusto nilang padaghanon pa ang ilang hanay, pinaagi sa pagpamakak ug pangilad aron makakuhag sakop, apan kining kinabuhi mahulog lang usab sa wala, dugang niya.
NIadtong Hulyo 16, gihatagan na sa desente nga paglubong ang mga bukog ni alias Willy, Dax o ArAr kauban sa tabang sa local nga kagamhanan sa Batuan, mga tropa nga sakop sa Philippine Army ug nga opisyal sa barangay didto sa iyang katapusang pahulayanan sa Batuan Municipal Cemetery.
Ang paglubong ni Alias Willy, Dax o ArAr, gipahigayon nila ni Mayor Antonino Jumawid, mga sakop sa 47IB, mga kapolisan sa Batuan ug ni Kapitan sa Rizal nga si Rolando Pataca.
ANg paglubong sa mga alas 10:30 sa buntag Julyo 16, gipangunahan ni Pastor Ruel Victor Raotraot, usa ka adlaw human siya makublob.
Ang paghatag sa namatay nga kaaway sa mas maayo nga lubnganan timailhan lamang sa tumong sa kagamhanan nga itanyag niini ang patas nga serbisyo ngadto sa tanan, ug nagpakita kini sa ka sinsero sa kagamhanan sa tuyo nga taposon na ang local nga armadong pagpakigbangi sa nasud. (rahc/PIA-7/Bohol uban ni 1 Lt Remonde-Arbulencia)
NIadtong Hulyo 16, gihatagan na sa desente nga paglubong ang mga bukog ni alias Willy, Dax o ArAr kauban sa tabang sa local nga kagamhanan sa Batuan, mga tropa nga sakop sa Philippine Army ug nga opisyal sa barangay didto sa iyang katapusang pahulayanan sa Batuan Municipal Cemetery.
Ang paglubong ni Alias Willy, Dax o ArAr, gipahigayon nila ni Mayor Antonino Jumawid, mga sakop sa 47IB, mga kapolisan sa Batuan ug ni Kapitan sa Rizal nga si Rolando Pataca.
ANg paglubong sa mga alas 10:30 sa buntag Julyo 16, gipangunahan ni Pastor Ruel Victor Raotraot, usa ka adlaw human siya makublob.
Ang paghatag sa namatay nga kaaway sa mas maayo nga lubnganan timailhan lamang sa tumong sa kagamhanan nga itanyag niini ang patas nga serbisyo ngadto sa tanan, ug nagpakita kini sa ka sinsero sa kagamhanan sa tuyo nga taposon na ang local nga armadong pagpakigbangi sa nasud. (rahc/PIA-7/Bohol uban ni 1 Lt Remonde-Arbulencia)
No comments:
Post a Comment
Note: Only a member of this blog may post a comment.