Saturday, June 13, 2020

CPP/NPA-Bukidnon: Rebolusyonaryong kasal sa Bukidnon, nagmalampuson

Propaganda statement posted to the Communist Party of the Philippines (CPP) Website (Jun 13, 2020): Rebolusyonaryong kasal sa Bukidnon, nagmalampuson

NPA-BUKIDNON
NEW PEOPLE'S ARMY
JUNE 13, 2020



Nagmalampuson ang gipahigayong rebolusyonaryong kasal sa Bagong Hukbong Bayan (BHB)-Bukidnon niadtong Hunyo 11, 2020. Ang maong seremonya nagdala sa temang “Rebolusyoonaryong kaminyuon pandayon kadungan sa pagpanday sa katilingbanong gawasnon.”

Mikabat sa 200 kapin kun kulang ang masa nga naga gikan sa nagkalain-laing komunidad ang ni-partisipar arun saksihan ang upat ka parisan nga dungang gikasal. Gani ang masa maoy responsable sa pagpangandam sa pagluto sa mga pagkaon ingon man sa mga dekorasyon ug pasundayag. Apan wala usap nagpalupig ang mga hukbo sa paghatag ug kultural nga sayaw kalabot sa maong okasyon.

Napahigayon ang maong rebolusyonaryong kasal taliwala sa pag-atubang sa bangis nga atake sa kaaway apan matud pa sa nagpamahayag nga hukbo: “Dili kini babag aron pakyason ang dugay nang gipangandaman sa walo ka pulang hukbo nga makasuong sa ‘arms gate’.”

Ang rebolusyonaryong kasal dili lang nagkahulugan sa bug-os nga paghigugma sa kapikas kundili nagsimbolo kini sa tim-os ug tiunay nga pagmahal ug pag-alagad sa halapad nga masa. Bisan paman giingon sa kaaway nga pulbuson na ang armadong kalihukan apan tungod kay ang masa sa katawhan andam nga nakighiusa ug misuporta sa hukbo. Nagpabilin kining lig-on ug nibatok sa pasistang administrasyon.

Busa ang BHB-Bukidnon mainiton nga nagasaludar sa mga Pulang mandirigma sa ilang walay puas nga paghigugma sa kapikas ug ngadto na sa pagmahal sa halapad nga masang dinaogdaog ug linupigan.

Mabuhi ang bag-ong kasal!
Mabuhi ang Bagong Hukbong Bayan!
Mabuhi ang Partido Komunista ng Pilipinas!
Mabuhi ang katawhang nakigbisog!

https://cpp.ph/statement/rebolusyonaryong-kasal-sa-bukidnon-nagmalampuson/

No comments:

Post a Comment

Note: Only a member of this blog may post a comment.