Retiradong sundalo, binaril ng umano'y NPA sa Guihulngan City

From ABS-CBN (Jul 24): Retiradong sundalo, binaril ng umano'y NPA sa Guihulngan City

 

GUIHULNGAN CITY - Patay ang isang retiradong sundalo matapos pagbabarilin Martes ng hapon sa highway sakop ng Barangay Bulado dito sa siyudad.

Kinilala ang biktima na si retired Master Sgt. Larry De Gracia, 53, dating miyembro ng 79th Infantry Battalion ng Philippine Army.

Namatay ang biktima dahil sa natamong mga tama ng bala.

Ayon kay Supt. Mario Baquiran, hepe ng Guihulngan City Police, pauwi na sa kaniyang bahay sakay ng kaniyang motorsiklo si De Gracia nang tambangan ng mga nagpakilalang miyembro ng New People's Army (NPA).

Nagtatrabaho bilang caretaker sa Bulado Port si De Gracia.

Nakuha mula sa crime scene ang mga basyo ng kalibre .45 na baril.

Kasalukuyan pang iniimbestigahan ang krimen.

http://news.abs-cbn.com/news/07/24/18/retiradong-sundalo-binaril-ng-umanoy-npa-sa-guihulngan-city