Saturday, April 28, 2018

Mag-uuma, gipatay sa nagpa-ilang NPA

From Radio Mindanao Network (Apr 27): Mag-uuma, gipatay sa nagpa-ilang NPA

Gipatay sa gituuhang mga miyembro sa rebeldeng New People’s Army kon NPA ang usa ka mag-uumang nailang si Berting Balakayo, 66 anyos nga residente sa Brgy. Kihan, Malapatan.
Sumala lkang Lt. Daryll Cansancio, labaw sa Alpha Company sa 73rd ib nga basi sa pamahayag sa mga testigo, gisulod sa dili muubos lima katao ang panimalay sa biktima kung asa kini gigapos.


Gidala matud pa kini sa kasagbutan nga bahin ug dayon gipusil gamit ang wala pa masutang armas sa dughan nga bahin nga hinungdan sa iyahang kamatayon.

Dugang pamahayag ni Lt. Cansancio nga basi sa inisyal nga pagsuta, migawas nga gidudahang impormante sa mga sundalo ang biktima rason nga kini gipatay sa armadong grupo

Sumala sa kabanay niini nga nagbahad matud pa ang mga nahisgutan nga susama ang mahitabo sa kinsa mang mag-traydor sa NPA. Kung asa nagpa-ila matud pa silang miyembro sa NPA ayha mipahawa sa lugar human ang krimen.

https://rmn.ph/mag-uuma-gipatay-sa-nagpa-ilang-npa/

No comments:

Post a Comment

Note: Only a member of this blog may post a comment.