NDFP National Democratic Front of the Philippines
Pulang pagsaludo kang Kaubang Leoncio “Ka Parago” Pitao – Bayani sa mga dinaugdaug ug pinahimuslan
Ang tanang Pulang Kumander ug manggugubat sa New People’s Army sa North Central Mindanao Region nagapadangat sa kinatas-ang pagsaludo kang Kaubang Leoncio “Ka Parago” Pitao, niining pag-abot sa yugto sa kinapungkayan sa iyang pagsakripisyo. Duyog kami sa pagbangutan sa iyang pamilya, mga kaparyentehan, ingon man sa tanang kadre ug ginsakpan sa Partido Komunista ng Pilipinas, tanang Pulang kumander ug manggugubat sa NPA, tanang kaalyado sa National Democratic Front of the Philippines, ug tanang mga masa sa Southern Mindanao Region.
Mabayanihong mihalad sa iyang kinabuhi ang dugay nang masakiton nga si Ka Parago sa usa ka pakigsangka sa kaaway sa panggubatan sa Paquibato, Davao City niadtong Hunyo 28, 2015 batok sa hilabihan ka daku nga pwersa sa Scout Ranger Battalion ug mga tropa sa 10th Infantry Division.
Dungan nga namartir ang usa ka kaubang medic nga nag-atiman kaniya. Nagsubo kita sa pagtaliwan sa usa ka mahal nga kauban nga hangtud sa katapusang pitik sa iyang kasingkasing, walay laing gihuna-gihuna kundili ang pag-alagad sa rebolusyon sa katawhan. Apan alang kanato, ang iyang rebolusyonaryong kasaysayan usa kabilin sa walay pag-awop nga inspirasyon sa padayong pagpaasdang sa nasudnon-demokratikong pakigbisog sa katawhang Pilipino.
Ang diwa sa Komunistang kaisog ug pagka-dili makikaugalingon ni Kaubang Parago, panag-ingnan alang sa tanang mga batan-ong kumander ug manggugubat. Ang pila ka dekadang labing mapuslanong bahin sa iyang kinabuhi gigugol niya sa rebolusyon. Daghang mga madaugong sangka ang iyang gipanguluhan kansang pagkabantugan giila bisan sa mismong mga opisyal ug kasundaluhan sa reaksyunaryong tropa sa nagharing hut-ong.
Gikaligutgutan kaayo sa Armed Forces of the Philippines si Ka Parago ug ang iyang Pulang Bagani Company. Daghang operasyong militar ug dagkung mersenaryong pwersa ang gimobilisa aron gukuron siya. Gilisud-lisud ang iyang pamilya aron mapahuyang ug pasurenderon siya. Apan sa matag higayon, napakyas sila. Sa ilang kapakyas sa pagbuntog sa iyang Pulang Bagani, ang iyang pamilya ang gipahimungtan. Giamong-amongan ug gipatay ang iyang anak nga babaye. Atubangan niining hugaw nga pagpangatake sa kaaway, nagpabiling lig-on ang iyang determinasyon. Kung lalom ang kayugot sa kaaway kaniya, gitugbangan kini sa mainitong pagmahal sa mga mag-uuma, lumad, mga alyado ug tanang katawhang iyang gialagaran.
Niining ulahing mga tuig, sa pagtaas na sa iyang pangidaron, nalimitahan na sa kabilinggan sa panglawas ang iyang gimbuhaton. Taliwala sa daghang tanyag kaniya sa pagpadayon sa iyang medikasyon sa luwas nga lugar gawas sa sona, gipili ni Ka Parago nga magpabilin uban sa mga masa sa kabukiran sa Paquibato. Alang kaniya, dili ang pangidaron ug seryosong balatian ang makapalayo kaniya sa masa ug sa pakigbisog; dili ang mga kalisdanan ug peligro kay bisan sa iyang pagkamatay nasayud siya nga magpabiling buhi ang pangandoy alang sa kadaugan sa demokratikong rebolusyon ug sosyalismo.
Siguradong gikalipay sa mga nagharing hut-ong ug sa ilang mga berdugo ang iyang kamatayon. Apan nasayop sila sa pagtuong ang pagkahanaw ni Ka Parago makapiang sa rebolusyonaryong kalihukan. Angayang mahigmata sila sa ilang karaang mga damgo nga mohuyang ang pakigbisog sa pagkamatay sa usa ka rebolusyonaryong Pulang Kumander. Samtang kinabuang nga ginatutukan sa mga opisyal sa AFP ang ilang ganti nga medalya ug promosyon nga naduhig sa dugo, ug nagpista ang mga nagharing hut-ong, pagamultuhon sila sa Pulang Bagani Company nga nahimo na karong batalyon, sa mga kumpanya ug sa daghang mga platun nga sama ka lig-on nga mosubay sa mga tunob ni Ka Parago sa padayong pagpaasdang sa gubat sa katawhan ngadto sa estratehikong pagkapatas ug hangtud sa kadaugan.
Pinirmahan,
Ka Allan Juanito
Tigpamaba
New People’s Army
North Central Mindanao Regional Command
http://www.philippinerevolution.net/statements/20150630_pamahayag-sa-media-ng-ncmr
Mabayanihong mihalad sa iyang kinabuhi ang dugay nang masakiton nga si Ka Parago sa usa ka pakigsangka sa kaaway sa panggubatan sa Paquibato, Davao City niadtong Hunyo 28, 2015 batok sa hilabihan ka daku nga pwersa sa Scout Ranger Battalion ug mga tropa sa 10th Infantry Division.
Dungan nga namartir ang usa ka kaubang medic nga nag-atiman kaniya. Nagsubo kita sa pagtaliwan sa usa ka mahal nga kauban nga hangtud sa katapusang pitik sa iyang kasingkasing, walay laing gihuna-gihuna kundili ang pag-alagad sa rebolusyon sa katawhan. Apan alang kanato, ang iyang rebolusyonaryong kasaysayan usa kabilin sa walay pag-awop nga inspirasyon sa padayong pagpaasdang sa nasudnon-demokratikong pakigbisog sa katawhang Pilipino.
Ang diwa sa Komunistang kaisog ug pagka-dili makikaugalingon ni Kaubang Parago, panag-ingnan alang sa tanang mga batan-ong kumander ug manggugubat. Ang pila ka dekadang labing mapuslanong bahin sa iyang kinabuhi gigugol niya sa rebolusyon. Daghang mga madaugong sangka ang iyang gipanguluhan kansang pagkabantugan giila bisan sa mismong mga opisyal ug kasundaluhan sa reaksyunaryong tropa sa nagharing hut-ong.
Gikaligutgutan kaayo sa Armed Forces of the Philippines si Ka Parago ug ang iyang Pulang Bagani Company. Daghang operasyong militar ug dagkung mersenaryong pwersa ang gimobilisa aron gukuron siya. Gilisud-lisud ang iyang pamilya aron mapahuyang ug pasurenderon siya. Apan sa matag higayon, napakyas sila. Sa ilang kapakyas sa pagbuntog sa iyang Pulang Bagani, ang iyang pamilya ang gipahimungtan. Giamong-amongan ug gipatay ang iyang anak nga babaye. Atubangan niining hugaw nga pagpangatake sa kaaway, nagpabiling lig-on ang iyang determinasyon. Kung lalom ang kayugot sa kaaway kaniya, gitugbangan kini sa mainitong pagmahal sa mga mag-uuma, lumad, mga alyado ug tanang katawhang iyang gialagaran.
Niining ulahing mga tuig, sa pagtaas na sa iyang pangidaron, nalimitahan na sa kabilinggan sa panglawas ang iyang gimbuhaton. Taliwala sa daghang tanyag kaniya sa pagpadayon sa iyang medikasyon sa luwas nga lugar gawas sa sona, gipili ni Ka Parago nga magpabilin uban sa mga masa sa kabukiran sa Paquibato. Alang kaniya, dili ang pangidaron ug seryosong balatian ang makapalayo kaniya sa masa ug sa pakigbisog; dili ang mga kalisdanan ug peligro kay bisan sa iyang pagkamatay nasayud siya nga magpabiling buhi ang pangandoy alang sa kadaugan sa demokratikong rebolusyon ug sosyalismo.
Siguradong gikalipay sa mga nagharing hut-ong ug sa ilang mga berdugo ang iyang kamatayon. Apan nasayop sila sa pagtuong ang pagkahanaw ni Ka Parago makapiang sa rebolusyonaryong kalihukan. Angayang mahigmata sila sa ilang karaang mga damgo nga mohuyang ang pakigbisog sa pagkamatay sa usa ka rebolusyonaryong Pulang Kumander. Samtang kinabuang nga ginatutukan sa mga opisyal sa AFP ang ilang ganti nga medalya ug promosyon nga naduhig sa dugo, ug nagpista ang mga nagharing hut-ong, pagamultuhon sila sa Pulang Bagani Company nga nahimo na karong batalyon, sa mga kumpanya ug sa daghang mga platun nga sama ka lig-on nga mosubay sa mga tunob ni Ka Parago sa padayong pagpaasdang sa gubat sa katawhan ngadto sa estratehikong pagkapatas ug hangtud sa kadaugan.
Pinirmahan,
Ka Allan Juanito
Tigpamaba
New People’s Army
North Central Mindanao Regional Command
http://www.philippinerevolution.net/statements/20150630_pamahayag-sa-media-ng-ncmr
No comments:
Post a Comment
Note: Only a member of this blog may post a comment.