Tuesday, December 2, 2014

CPP/NPA: 28 ka aksyong militar sa NPA-NCMR sa bulan sa Nobyembre 2014

NPA propaganda statement posted to the CPP Website (Dec 2): 28 ka aksyong militar sa NPA-NCMR sa bulan sa Nobyembre 2014 (28 military actions of the NPA-NCMR the month of November 2014)

Logo.bhb
Alan Juanito
Spokesperson
NPA North Central Mindanao Regional Operations Command (Julito Tiro Command)
 
Kusganong gisuklan sa mga sub-rehiyon ug natarang gerilya New People’s Army – North Central Mindanao Region ang pagpangatake sa 4th ID – Philippine Army niining bulan sa Nobyembre 2014.

Nalunsad ang 28 ka aksyong militar nga mipahamtang og kapin 40 ka kaswalti (kapin 30 ka patay ug kapin 10 ka samaron) ngadto sa mga tropa 4th ID-PA ug PNP sa mga probinsya sa Misamis Oriental, Bukidnon, Western Agusan del Norte ug Western Agusan del Sur. Niini nga mga aksyon, 1 ka Pulang Manggugubat ang mabayanihong mihalad sa iyang kinabuhi – si Fransisco “Ka Kevin” Mansiguiao.

Ubos sa pasangil nga pagluwas sa 2 ka POW nga mga tropa sa 8th IB, gilunsad sa 403rd Brigade ang operasyong militar didto sa quad-boundary sa Misamis Oriental, Agusan Norte ug Sur ug Bukidnon sugod niadtong hinapos sa Oktubre 2014.

Sugod petsa 15 hangtud 22 sa Nobyembre, 11 ka hugna sa harassment ang nalunsad sa BHB batok sa mga tropa sa 8th IB, 58th IB, 2 kompanya sa Scout Rangers, Airborne, CAFGU ug paramilitar nga grupong lumad. Mikabat og 20 ang kaswalti sa AFP sa maong sunod-sunod nga mga sangka kung diin nagpalaban na ang kaaway sa ilang kanyon nga mipabuto og 22 ka bala. Miresulta kini sa pagpangbakwit sa kapin 300 ka lumulopyo sa mga sityo sa Lakbangan, Impadiding ug Calhaan, sakop sa barangay Minalwang, Claveria Misamis Oriental.

Sa samang panahon usab, gilunsad sa 402nd Brigade ang operasyong militar didto sa mga lungsod nga sakop sa Agusan del Sur ug Norte. 14 ka mga baryo nga sakop sa San Luis ug La Paz, Agusan del Sur ang gihasi sa COPD teams sa AFP. Sukad niadtong Nobyembre 9, walo (8) ka aksyong militar ang nalunsad sa Western Agusan del Norte and Agusan del Sur Subregional Command nga mipahamtang og 7 patay ug 5 samaron ngadto sa kaaway.

Taliwala niini nga kahimtang, abtik nga mitubag ang mga sub-rehiyon ug mga natarang gerilya nga nalugakan sa kaaway.

Milunsad og lima (5) ka sunod-sunod nga operasyong harassment ang Mt. Kitanglad Subregional Command, gikan Nobyembre 12 hangtud 22 nga mipahamtang 4 patay ug 8 samaron ngadto sa kaaway. Tulo (3) usab ka sunod-sunod nga harassment ang nalunsad sa Front 4B (Eastern Misamis Oriental) batok sa 3 ka Cafgu detatsment sulod sa bulan sa Nobyembre.

Padayong pakyason sa New People’s Army – North Central Mindanao Region ang gipakusog nga operasyong militar sa 4th ID – Philippine Army. Isip Hukbo sa katawhan, dili kini makatugot nga papason sa kontra-katawhang Oplan Bayanihan ang mga kadaugan nga naangkon sa masa diha sa pagbatok sa pagpangilog sa yuta, paglunsad sa rebolusyong agraryo, pagbarug sa katungod sa kaugalingong paghukom ug pagpanalipod sa yutang kabilin.

http://www.philippinerevolution.net/statements/20141202_28-ka-aksyong-militar-sa-npa-ncmr-sa-bulan-sa-nobyembre-2014

No comments:

Post a Comment

Note: Only a member of this blog may post a comment.