MAMBAJAO, Camiguin, Dec. 12 (PIA) - Bisan nga nagpabiling wala’y kabangis, gipahingusgan pa sa Camiguin ang kampanya sa pagpausbaw sa kalinaw ug kahusay pinaagi sa pagpatuman sa Retooled Community Support Program (RCSP).
Una sa tali sa anti-illegal drug performance sa rehiyon ug nagtala ra ang 27 nga mga inde crimes, 80 nga non-index crimes, ug 36 public safety index crimes, ang Camiguin nagpabiling luwas ug malinawon nga lugar, diin ang pagkadunot sa krimen manageabke ra base sa pagtuki sa 58th Infantry Battalion nga gipresentar sa Fourth Quarter Joint Full Council Meeting, Disyembre 12, dinhi.
Aron mapadayon ang kalinaw ug kahusay sa probinsya, si Gov. Jurdin Jesus Romualdo miingon nga kung anaa na ang pondo, ang tanan nga mga residente sa Camiguin tagaan ug identification card aron masiguro nga tanan tao sa isla nailhan ug usab dili makasulod ang mga teroristang grupo sa probinsiya.
Mahitungod sa pagdumala sa mga barko sa dagat, giingon ni Romualdo nga ang tanan nga mga pump boat aduna'y number ug color coding diin ang mga operator kinahanglang magparehistro sa ilang mga yunit sa munisipyo.
Ang ingon makatabang sa Philippine Coast Guard (PCG) o bisan sa mga residente aron mahibal-an ang kalit nga pagsulod sa mga barko nga aduna'y kaduha-duhaang pagkatawo o katuyoan.
Sa pagpatuman sa probinsiya sa mga balaod aron magpabiling malinawon ang dapit, si Capt. Ryan Layug sa 403rd Infantry Brigade miingon nga ang RCSP, gilaraw aron mahibal-an ang mga kahimtang sa mga komunidad diin ang mga trabahante sa gobyerno mismo ang mamati ug maghimo sa aksyon aron makunhuran ang mga problema. Kini makatabang sa Camiguin aron ipadayon ang kalinaw ug makab-ot ang kalamboan.
Sa ilang bahin, girekomenda sa 58th Infantry Battalion ang mga local government units nga ipatuman ang ilang awtoridad aron masiguro nga ang ilang mga konstituwente dili mapahimuslan samtang ang una nagpadayon sa ilang aktibo nga pagpahamtang ug preemptive projection sa tropa, intelligence monitoring ug makanunayong report closure, ug pakig-uban sa mga grupo ug komunidad. (RTP/PIA10)
No comments:
Post a Comment
Note: Only a member of this blog may post a comment.