Cebuano PR: RCSP teams gi-deploy sa 5 ka nailang armed conflict-affected areas sa Zambo Norte

From the Philippine Information Agency (Aug 23, 2019): Cebuano PR: RCSP teams gi-deploy sa 5 ka nailang armed conflict-affected areas sa Zambo Norte

DIPOLOG CITY, Zamboanga del Norte - - - Adunay 3 ka team sa tropa sa kapolisan ug militar ang gi-deploy karong bag-o pa lamang ngadto sa armed conflict-affected areas dinhi sa probinsya sa Zamboanga del Norte pinaagi sa Retool Community Support Program (RCSP).

Sa send-off ceremony nga gipahigayon, hugtanong gisuportahan ni Governor Roberto Uy ang maong programa diin gitutukan karon sa administrasyon ni Presidente Rodrigo Duterte.

Matud pa ni Provincial Director Engr. Mario Baterna sa Department of the Interior and Local Government (DILG) nga ang RCSP isip usa sa mga regular programs sa Armed Forces of the Philippines nagtutok sa mga kinahanglanon sa mga sibilyan nga apektado sa mga kagubot kon conflict-affected areas hinimo sa mga grupo sama sa Communist Party of the Philippines/New People’s Army (CPP/NPA).

Apan gumikan kay buot sa Presidente nga mapahugtan ang maong programa, kini ang miluwat sa Executive Order 70 aron sa pagtukod sa National Task Force-End Local Communist Armed Conflict (NTF-ELCAC) nga gipanguluhan mismo sa Presidente.

Pinaagi sa EO 70, ang nasyonal nga kagamhanan miila sa 12 areas diin ang mga kinahanglanun sa mga rebelde mahatagan ug atensyon. Magtambayayong ang nagkalain-laing ahensya sa gobyerno aron mapaabot ngadto kanila ang serbisyo sa gobyerno nga wala sukad nila natagamtaman. Gumikan kay buot sa Presidente nga tuldukan ang local communist rebellion ug adunay hingpit nga kalinaw dinhi sa nasud.

Matud pa usab ni Lt. Col. John Andrada, commanding officer sa 97th Infantry Batallion sa Philippine Army, ang maong tropa sa kapolisan ug militar maoy mag-una sa naila nga armed conflict-affected areas dinhi sa probinsya sa dili pa mosulod ang gobyerno nga molugway sa nagkalain-laing serbisyo.

Ang tropa sa kapolisan ug militar gibendisyonan kini ni Reverend Father Jose Tagailo sa wala pa sila molakaw alang sa maong tahas.

Nanghinaut usab si Governor Uy nga magmalampuson sila sa ilang misyon inubanan sa pangaliya sa Labaw’ng Makakagahum.

Nasayran nga adunay lima ka lungsod ang naila nga armed-conflict areas dinhi sa probinsya. Kini mao ang lungsod sa Leon Postigo, Sergio Osmeña, Sindangan, Siayan ug Godod uban sa 14 ka barangay niini.

Mitambong usab si Police Col Ronald Briones, ang Police Director sa Zamboanga del Norte Police Provincial Office, Col. Jose Randolf Sino Cruz, ang Deputy Brigade Commander sa 102nd Infantry Brigade, Mayor Josecor Gepolongca sa Siayan ug Mayor Hermogenes Cordova sa leon Postigo.

Atul usab sa maong kalihukan, gi-presentar ni Lt. Col Andrada ang tulo ka indibidwal nga mibalik na sa sabakan sa balaud.

Gitahan sa tulo ka surrenderees ang 45 kalibre nga pistula nga ilang gibitbit atul sa ilang pag-ikyas gikan sa ilang mga kauban nga mga rebelde.

Sa pagpakighinabi sa usa kanila, gisaysay niini nga nakadesisyon siya sa pag-surrender tungod kay dili na niya magwanta ang pagdagan-dagan sa kabukiran nga walay tumong. Sa pagkakaron, haruhay na ang iyang pamati tungod kay anaa na siya sa luwas nga mga kamot sa gobyerno. (EDT/PIA9-Zamboanga del Norte with reports from Mishel B. Montederamos, ZN-PIC)

https://pia.gov.ph/news/articles/1026317