KIBAWE, Bukidnon -- Bagang du-ot sa mga “Militia ng Bayan kon rebel supporters” ang misurender, nagkahiusa, ug nagtapok bag-ohay pa lang didto sa “covered court” sa Barangay Cagawasan, Kibawe, Bukidnon aron ipahibalo sa publiko nga undangon na niini ang suporta ngadto sa mga komunistang CPP-NPA ug ideklara kini nga Persona Non Grata.”
Atol sa deklarasyon ug “mass oath-taking,” gipirmahan sa mga misurender ang gitawag nga “Pledge of Commitment” kon “kaakuhan” isip bug-os nga suporta sa gobyerno.
Si Punong Barangay Marissa Bayer nga maoy nag-abi-abi sa mga misurender ug mi-giya aron mopirma sa “Commitment Wall, miingon “sukad karon, ila nang-giundang ang ilang suporta ngadto sa CPP-NPA samtang nanumpa sila ug mipirma niini nga panaad”
Miingon si kapitan Bayer, nga “ang kahigayonan natakdo gyod karon diin ang Barangay Cagawasan nagpagawas sa balaodnon pinaagi sa Barangay Resolution No. 14 ning milabay’ng bulan sa Hunyo nga nagdeklara sa CPP-NPA nga Persona non Grata.”
Si Kibawe mayor Minerva C. Casinabe nga nakigduyog pag-abi-abi sa mga misurender, miawhag sa katawhan nga tabangan ang 88th Infantry Battalion Philippine Army diha sa pagprotekta sa ilang barangay aron malikayan ang kagubot gikan sa mga teroristang CPP-NPA.
“Ngadto sa atong Philippine Army, salamat sa inyong walay hunong nga pagsilbi ug pagrotekta sa katawhan sa barangay Cagawasan. Wala kami’y laing gusto dinhi sa among dapit kon dili mao ang kalinaw. Kining ‘Cagawasan’, bu-ot pasabot niini “kalinaw.” Busa kinahanglan duna kitay “kagawasan” batok sa hulga, kahadlok, ug pag-pangdaug-daug sa mga terorista. Kagawasan diha sa pagpili sa lugar nga atong puy-an diin ang kahusay ug kalinaw maoy mopatigbabaw,” matud sa Mayor.
Usa ka “Hatid Serbisyo Caravan,” ang gipahigayon usab atol sa panagtigom, diin kapin 300 ka mga residente ang nakapahimulos sa libreng serbisyo hatud sa nagkalain-laing ahensya sa gobyerno sama sa ibot sa ngipon, urinalysis, prenatal check-up, immunization, pagpang-alot, pag-apod-apod sa tambal, family planning, ug uban pang mga serbisyo.
Sa iyang mensahe, si Lt. Col. Franklin F. Fabic, ang Commanding Officer sa 88th Infantry “Maringal” Battalion miingon “kini nga kahigayonan makatabang kaayo diha sa pagpauswag sa kahimtang sa mga residente labi na sa alang sa kahusay ug kalinaw nga hisgutanan.”
“Kami ang inyong tinuod nga sundalo; nia kami aron magprotekta ug magbantay kaninyo. Ang inyong suporta ug kooperasyon maoy maghiusa kanato alang sa kalinaw nga dugay na natong gipangandoy,” miingon siya.
Kini nga kalihukan subay sa Executive Order No. 70 tungod sa panawagan ni Presidente Rodrigo Duterte nga undangon na ang panagbangi ug away pinaagi sa armas kon ‘armed conflict’.
Tumong niining EO 70 nga mando mao ang paghatag kasulbaran kung unsa ang hinungdan kon “root cause” sa insurhensya.
Kinahanglan maghimog eksakto ug igo nga mga lakang ang hingtungdan nga ahensya ngadto sa layo ug hilit nga mga lugar aron makatagamtam kini sa kauswagan ug kalinaw. (Capt. Norven Jay Garcia, CMO, 88th Infantry Battalion, 4ID, PA/RLRB, PIA Bukidnon)
No comments:
Post a Comment
Note: Only a member of this blog may post a comment.