Saturday, February 3, 2018

CPP/NPA-NEMR: AFP ang Angayang Kondenahon sa Pagputol sa ulo sa Membro sa CAFGU nga Binuhian sa mga Paramilitar sa Surigao Del Sur

NPA-North Eastern Mindanao Region propaganda statement posted to the Communist Party of the Philippines Website (Jan 31): AFP ang Angayang Kondenahon sa Pagputol sa ulo sa Membro sa CAFGU nga Binuhian sa mga Paramilitar sa Surigao Del Sur

Ka Ariel Montero, Spokesperson
NPA-Northeastern Mindanao

31 January 2018

Usa ka dakung bakak ug desperadong lakang ang gipamahayag ni Brig. Gen. Gacal sa 402nd Brigade ug sa 4th ID Philippine Army kalambigit sa pagpanumangil ngadto sa Bagong Hukbong Bayan (BHB) sa hinayop nga pagpatay kang Mar Acebedo Bocales didto sa Sityo Haguimitan, Barangay Castillo, San Miguel, Surigao del Sur kaniadtong Enero 27, 2018. Walay kalambigitan ang Bagong Hukbong Bayan-North Eastern Mindanao Region (BHB-NEMR) sa maong pagpatay.

Si Mar Bocales usa ka membro sa CAFGU nga nakadestino sa detatsment, sa Brgy. Los Arcos, Prosperidad, Agusan del Sur nga wala magduty ug gibuhian isip asset sa AFP. Linuog kini nga gipatay pinaagi sa pagputol sa ulo ug pagtadtad sa iyang mga bukton. Ug ang responsable sa maong krimen mao ang armadong grupo ni Emerson Cuarteron, usa ka bandidong grupo ug membro sa paramilitar nga Magahat nga gipangulohan ni Calpit Egua. Kini sila kasamtangang nag-operit sa San Miguel ilabina sa mga erya sa minahan. Nanghasi ug nangdelihensya sa mga tawo nga nanginabuhi sa minahan sa bulawan diha sa Brgy. Castillo ug Bolhoon, San Miguel.

Si Emerson Cuarteron, usa ka kriminal ug nag-atubang sa mga kasong kidnap for ransom, car napping ug illegal possession of fire arms. Kauban niya sa maong grupo si Bobby Tejero nga maoy responsible, uban sa 75th IB, sa pagpatay sa 3 ka lider sa Lumad didto sa Han-ayan, Diatagon, Lianga Surigao del Sur kaniadtong Septyembre 1, 2015. Laing sakop nila sa grupo mao sila si Joseph Bocales, Turneo Bocales ug Junjun Bocales. Kini usab nga grupo ang nagpatay, uban sa mga pwersa sa 16th Special Forces Coy PA sa usa ka lider mag-uuma nga membro sa Kapunungan sa mga mag-uuma sa Surigao del Sur (KAMASS) nga si Selvestre Maratas didto sa Brgy. Castillo, San Miguel niadtong Hulyo 2017.

Inilogay sa pagkontrol sa erya tali sa grupo ni Emerson Cuarteron ug Hasmin Acebedo ang nag-unang hinungdan sa pagpatay kang Mar Acebedo Bocales. Kini si Mar, gawas nga membro sa CAFGU, nahimong sakop ni Calpit Egua. Nasakop usab kini sa bandido ug armadong grupo ni Hasmin Acebedo nga nag-operit sa mao gihapon nga mga lugar. Nabuhi kining maong grupo pinaagi sa pagpanghasi ug pagpangilog og yuta sa mga mag-uuma, ug pinugos nga nangolekta og buhis sa mga gagmay’ng minero ug mga mag-uuma.

Taliwala sa mga krimen nga gihimo niining maong mga bandidong grupo, gawasnon nga nakasuroy-suroy ang mga kriminal ug padayon nga nakapanghasi sa mga lumulupyo gumikan kay gipaluyohan kini sa Armed Forces of the Philippines (AFP) AFP ug Philippine National Police (PNP). Aktibong ginagamit sila sa AFP alang sa kontra-rebolusyonaryong kampanya batok sa BHB ug sa katawhan didto sa Surigao del Sur ug gigamit usab alang sa pagseguro sa hanoy nga pagsulod sa mga dagkung minahan ug plantasyon sa lugar. Apan tungod sa kahakog sa bahandi wala mapugngi sa AFP nga nagka-unay-unay ang mga bandido.

Aron tabunan nga may kalambigitan ang AFP, malinglahon nilang gipahid sa BHB ang salaod sa pagpatay kang Mar Acebedo Bocales alang sa itom nga propaganda batok sa rebolusyonaryong kalihukan ug iduso nga terorista ang BHB. Usa ka planado nga lakang kini nga gihimo sa AFP aron gub-on ang panaghiusa sa mga Lumad ug mosugnod sa kasamok sa lugar ilabina sa plano niining armasan ang mga Lumad batok sa rebolusyonaryong kalihukan.

Busa, walay laing angayang kondenahon sa mga nahitabong krimen sa Surigao del Sur nga binuhatan sa mga bandido ug paramilitar kundili ang AFP lang. Kinahanglang ipanghimaraut usab ang iresponsable ug peke nga pamahayag ni Gacal ug sa 4th ID PA aron dauton ang dungog sa BHB. Hatagan og hustisya ang gipangpatay nga mga sibilyan sa mga pwersa sa AFP.

No comments:

Post a Comment

Note: Only a member of this blog may post a comment.