New People's Army propaganda statement posted to the Communist Party of the Philippines Website (May 22): CAA Detachment Gireyd
Ka Malen Mabini, Spokesperson
NPA-North Central Mindanao
22 May 2017
Press Release
Gipahalipayan sa Regional Operations Command sa North Central Mindanao Region ang pwersa sa Western Agusan del Norte-Agusan del Sur (WANAS) sa malampusong pag-reyd sa CAA Detachment nga ubos sa 26th IB didto sa Sityo Minpahaw, Brgy Binicalan, San Luis, Agusan del Sur ganinang kaadlawon sa may alas 3:40, Mayo 20, 2017. Mikabat og 55 minutos ang pinusilay hangtud nalupig sa pusisyon ang kaaway hinungdan sa pagpanagan niini. Nakuha gikan sa detachment ang usa ka M14 ug usa ka Garand Rifles. Samtang walay tatsa ang pwersa sa NPA. Gisunog ang tibuok detachment ayha sila luwas nga miatras.
Nahitabo kini taliwala sa nagapadayong combat operation sa 26th IB sa kabukiran sa Agusan del Sur. Apan sukwahi sa pangandoy sa 26th IB pagpuo o sa minimum, pag-abog sa pwersa sa NPA alang sa walay babag nga pagpasulod og mina ug plantasyon sa oil palm sa Esperanza, San Luis, Talacugon ug La Paz, gihatud naman hinuon sa pwersa sa WANAS ang panagsangka didto mismo sa kampo sa kaaway sama sa nahitabong pagharas niadtong Mayo 16,2017 sa hedkwarter sa 26th IB sa Talacugon sa usa ka team sa NPA diin napatyan og usa ang kaaway. Human niini, sa maong adlaw gihapon, giambus gamit ang command-detonated explosive ang nagresponde nga pwersa sa 26th IB. Napatyan kini og lima ug upat usab ang namissing in action.
https://www.philippinerevolution.info/statements/20170522-caa-detachment-gireyd
No comments:
Post a Comment
Note: Only a member of this blog may post a comment.