Tuesday, May 19, 2015

7ID, nangangailangan ng 152 bagong sundalo

From the Philippine Information Agency (May 18): 7ID, nangangailangan ng 152 bagong sundalo

FORT RAMON MAGSAYSAY – Ipinahayag ng 7th Infantry Division- Philippine Army ang pangangailangan ng karagdagang kasundaluhan na magsisilbi sa bansa.

Ayon kay Division Public Affairs Officer Captain Mark Anthony Ruelos, aabot sa 152 na bagong kasundaluhan ang kailangang marecruit ng dibisyon sa kasalukuyang pagtanggap ng mga bagong aplikante.

Matatandaang sinimulan nitong ika-11 ng buwan ang pagpaparehistro sa mga nagnanais pumasok sa pagkasundalo.

Kasunod aniya nito ay isasagawa sa darating na ika-27 hanggang ika-29 ng Mayo ang Pre- Medical Checkup para sa mga nakapagsumite ng kanilang mga papel.

Dagdag pa ni Ruelos, ang bawat nagnanais maging miyembro ng Hukbong Katihan ay dadaan din sa Trade Test upang suriin ang taglay na kaalaman at kakayanan na angkop sa pagiging sundalo.

Ang makakapasa aniya rito ay didiretso sa Physical at Medical Examination na kailangan para sa pagsisimula ng kanilang pagsasanay.

Bago ang kanilang unang salang sa pagtitraining ay sasailalim muna ang mga aplikante sa balidasyon na pangungunahan ng Headquarters, Philippine Army upang matiyak na kanilang naabot ang panuntunan ng pagiging sundalo.

Samantala, inaasahang magsisimula sa darating na ika-28 ng Setyembre, taong kasalukuyan ang Candidate Soldiers  Course sa 7th Division Training School sa loob ng kampo Magsaysay.

No comments:

Post a Comment

Note: Only a member of this blog may post a comment.