Jurie Guerrero
Spokesperson
NPA Central Panay Front Operations Command (Jose Percival Estocada Command)
Spokesperson
NPA Central Panay Front Operations Command (Jose Percival Estocada Command)
Ang organisasyon sang PKP, BHB kag baseng masa sini sa Central Panay nagaupod sa organisasyon sang PKP sa bilog nga pungsod sa pagsaulog sang ika-46 nga anibersaryo sini subong nga Disyembre 26, 2014. Nagasaludo kag ginahatag sini ang pinakamataas nga pagpasidungog sa mga rebolusyonaryo nga martir nga naghalad sang ila kabuhi para sa pag-abanse sang rebolusyon.
Sa pagpamuno sang Partido sa Central Panay nag-ani sang dalagku nga mga kadalag-an ang rebolusyonaryo nga hublag sa prente subong nga tuig.
Nagapanguna sa kadalag-an sini ang paglab-ot sang kahublagan sa pagbangon sang masobra 1,500 ka pamilya nga nadalasa sang superbagyo Yolanda paagi sa pagkaayo sang ila nasamad nga mga puluy-an kag pangabuhian samtang padayon ang pagpanukot sang ayuda sa inutil nga rehimen ni BS Aquino. Sa pagpamuno sang mga sanga sang partido ginlunsar ang lainlain nga organisado nga aktibidad pang-ekonomiya kag pangpulitika sang kahublagan sa pagbangon. Liwat nga napamatud-an sang masa nga ang PKP ang tunay nga partido nila kag indi ang garuk nga partido pulitikal sang nagahari nga sahi nga makadumdum lang sa ila sa panahon sang eleksyon.
Hugot nga ginpamunuan sang Partido ang mga paghimakas sang pumuluyong Tumanduk sa pagpangapin sang duta sang ila kamal-aman batuk sa padayon nga pagpang-agaw sang 3rd ID kag sa magaumpisa na nga konstraksyon sang Jalaur megadam kag sa plano nga pagtukod sang Pan-ay megadam.
Padayon nga ginpaslaw ang plano sang 3rd ID kag 301st Bde sa pagpaluya kag pagdugmok sa NPA kag rebolusyonaryong baseng masa sa Central Panay. Ini sa pihak sang mas o menos duha ka batalyon sang gintingob nga pwersa sang PA, PNP-SAF kag PNP-PSC nga gintutok sa mga sona kag baseng gerilya sang prente. Umpisa sang Hulyo 2014 ginpunsok sang kaaway ang iya pwersa sa 18 ka kabaryuhanan sang Tapaz, Capiz kag Calinog, Iloilo sa diin mabaskog ang kahublagan sang pumuluyo sa pagbangon kag pagpanukot sa rehimeng Aquino sa halit sang superbagyo Yolanda kag sa pagpamatuk sang Jalaur megadam project. Halos wala man untat ang mga combat clearing operations sa lindero sang duha ka banwa kag probinsya.
Ang pagpaluya kag pagwasak sang rebolusyonaryong hublag sa Central Panay napasulod sa 2014 nga plano sang 3rd ID 301st Bde nga mangin “conflict manageable” ang probinsya sang Capiz sini nga tuig antes magsaylo sang pokus sa Iloilo sa 2015.
Kabahin ini sang sumbag sa bulan nga plano sang CentCom, PA nga mangin “insurgency free” ang Visayas pag-abot sang 2016. Pangunahon nga nagaserbe ini sa maga-umpisa na nga konstraksyon sang Jalaur megadam sa una nga kwarto sang 2015.
Sa pihak sang pinasingki nga kampanya militar sang kaaway namentinar sang BHB sa prente ang iya inisyatiba kag padayon nga napasulong ang mga hilikuton sa pulitika kag militar. Nakalunsar ini sang siyam ka aksyon militar nga nagtuga sang isa ka iskwad nga kaswalti sa kaaway. Padayon man nga ginakonsolida ang baseng masa sini sa tunga sang halos wala untat nga operasyon militar kag ang pagpalapad sa mas paborable nga mga lugar sang Panay. Napangibabawan sini ang nagligad nga kahuyangan sa gerilya nga taktika nga nagtuga sang pagkitid sang lugar nga maniobrahan kag paghuyang sang inisyatiba sang nagligad nga mga tinuig.
Sa maabot nga 2015, lubos ang kumpyansa sang Partido sa Central Panay nga magaabanse ang mga hilikuton sini sa tanan nga patag kag makatubong sang daku sa pag-abanse sang rebolusyon sa isla. Ang masobra 40 ka tuig na nga ululupod nga kabuhi-kamatayon nga paghimakas sang PKP-BHB kag sang pumuluyo sa Central Panay ang indi maluka nga pundasyon sang tayuyon nga pagsulong nga indi mapunggan sang anuman nga Oplan sang kaaway.
http://www.philippinerevolution.net/statements/20141226_lubos-nga-paslawon-ang-oplan-bayanihan-pamunuan-ang-hublag-sa-pagbangon-kag-mag-amot-sa-pag-abanse-sang-rebolusyon-sa-isla-sang-panay
Sa pagpamuno sang Partido sa Central Panay nag-ani sang dalagku nga mga kadalag-an ang rebolusyonaryo nga hublag sa prente subong nga tuig.
Nagapanguna sa kadalag-an sini ang paglab-ot sang kahublagan sa pagbangon sang masobra 1,500 ka pamilya nga nadalasa sang superbagyo Yolanda paagi sa pagkaayo sang ila nasamad nga mga puluy-an kag pangabuhian samtang padayon ang pagpanukot sang ayuda sa inutil nga rehimen ni BS Aquino. Sa pagpamuno sang mga sanga sang partido ginlunsar ang lainlain nga organisado nga aktibidad pang-ekonomiya kag pangpulitika sang kahublagan sa pagbangon. Liwat nga napamatud-an sang masa nga ang PKP ang tunay nga partido nila kag indi ang garuk nga partido pulitikal sang nagahari nga sahi nga makadumdum lang sa ila sa panahon sang eleksyon.
Hugot nga ginpamunuan sang Partido ang mga paghimakas sang pumuluyong Tumanduk sa pagpangapin sang duta sang ila kamal-aman batuk sa padayon nga pagpang-agaw sang 3rd ID kag sa magaumpisa na nga konstraksyon sang Jalaur megadam kag sa plano nga pagtukod sang Pan-ay megadam.
Padayon nga ginpaslaw ang plano sang 3rd ID kag 301st Bde sa pagpaluya kag pagdugmok sa NPA kag rebolusyonaryong baseng masa sa Central Panay. Ini sa pihak sang mas o menos duha ka batalyon sang gintingob nga pwersa sang PA, PNP-SAF kag PNP-PSC nga gintutok sa mga sona kag baseng gerilya sang prente. Umpisa sang Hulyo 2014 ginpunsok sang kaaway ang iya pwersa sa 18 ka kabaryuhanan sang Tapaz, Capiz kag Calinog, Iloilo sa diin mabaskog ang kahublagan sang pumuluyo sa pagbangon kag pagpanukot sa rehimeng Aquino sa halit sang superbagyo Yolanda kag sa pagpamatuk sang Jalaur megadam project. Halos wala man untat ang mga combat clearing operations sa lindero sang duha ka banwa kag probinsya.
Ang pagpaluya kag pagwasak sang rebolusyonaryong hublag sa Central Panay napasulod sa 2014 nga plano sang 3rd ID 301st Bde nga mangin “conflict manageable” ang probinsya sang Capiz sini nga tuig antes magsaylo sang pokus sa Iloilo sa 2015.
Kabahin ini sang sumbag sa bulan nga plano sang CentCom, PA nga mangin “insurgency free” ang Visayas pag-abot sang 2016. Pangunahon nga nagaserbe ini sa maga-umpisa na nga konstraksyon sang Jalaur megadam sa una nga kwarto sang 2015.
Sa pihak sang pinasingki nga kampanya militar sang kaaway namentinar sang BHB sa prente ang iya inisyatiba kag padayon nga napasulong ang mga hilikuton sa pulitika kag militar. Nakalunsar ini sang siyam ka aksyon militar nga nagtuga sang isa ka iskwad nga kaswalti sa kaaway. Padayon man nga ginakonsolida ang baseng masa sini sa tunga sang halos wala untat nga operasyon militar kag ang pagpalapad sa mas paborable nga mga lugar sang Panay. Napangibabawan sini ang nagligad nga kahuyangan sa gerilya nga taktika nga nagtuga sang pagkitid sang lugar nga maniobrahan kag paghuyang sang inisyatiba sang nagligad nga mga tinuig.
Sa maabot nga 2015, lubos ang kumpyansa sang Partido sa Central Panay nga magaabanse ang mga hilikuton sini sa tanan nga patag kag makatubong sang daku sa pag-abanse sang rebolusyon sa isla. Ang masobra 40 ka tuig na nga ululupod nga kabuhi-kamatayon nga paghimakas sang PKP-BHB kag sang pumuluyo sa Central Panay ang indi maluka nga pundasyon sang tayuyon nga pagsulong nga indi mapunggan sang anuman nga Oplan sang kaaway.
http://www.philippinerevolution.net/statements/20141226_lubos-nga-paslawon-ang-oplan-bayanihan-pamunuan-ang-hublag-sa-pagbangon-kag-mag-amot-sa-pag-abanse-sang-rebolusyon-sa-isla-sang-panay
No comments:
Post a Comment
Note: Only a member of this blog may post a comment.