Sunday, November 23, 2014

CPP/NDF: Usa ka platun ang kaswalti sa AFP sa mga panagsangka sa mga tropa sa NPA sulod sa katorse ka adlaw

NDF propaganda statement posted to the CPP Website (Nov 23): Usa ka platun ang kaswalti sa AFP sa mga panagsangka sa mga tropa sa NPA sulod sa katorse ka adlaw (A platoon of AFP casualties on the battlefield with the NPA over a fourteen day period)

Logo.ndfp
Cesar Renerio
Spokesperson
NDFP North Central Mindanao Chapter
 
Gihimong pasangil sa 4th ID ang pag-rescue sa duha ka Prisoners of War nga silang Pfc. Marnel Cinches ug Pfc. Jerrel Yorong sa 8th IB nga nagpabiling anaa sa kamot sa mga NPA sukad niadtong Agosto 22 sa ilang gilunsad nga lapad, kaylap ug dungan-dungan nga operasyon militar batok sa mga natarang gerilya sa North Central Mindanao Region sugod sa ikaduhang semana sa Nobyembre.

Samtang nagpaabot sa paynal nga panagsabot sa NDF-NCMR ug sa Local Crisis Management Committee ni Gov. Zubiri sa petsa ug lugar sa proseso sa pag-release sa duha, onse ka mga panagsangka tali sa mga naga-operasyong tropa sa AFP ug sa mga yunit sa NPA sa ubos sa Eastern Misamis Oriental-North Eastern Bukidnon Sub-regional Command ang misilaub sa Minalwang, Claveria, Misamis Oriental gikan sa Nobyembre 15 hangtud sa Nobyembre 19. Gawas sa kapakyas sa pagluwas sa duha ka sundalo, nadugangan pa ang mga kaswalti sa AFP ug nadislokar ang mga lumulupyo nga miresulta sa pagpamakwet sa 67 ka pamilya nga gilangkuban sa 251 ka mga indibidwal sa mga sityo nga sakop sa Minalwang. Niadtong Nobyembre 17, gi-harass usab sa laing yunit sa NPA ang mga tropa sa AFP sa Alipuaton, Salay ug pagka- Nobyembre 20, laing harassment ang gihimo sa NPA sa mga tropa sa AFP sa Bantaawan, Gingoog City. Anaa niini nga sub-rehiyon naga-operasyon karon ang mga tropa sa 12th ug 10th Scout Rangers Company sa 4th Scout Rangers Battalion, 58th IB, 8th IB ug DRC.

Sa samang higayon, gisugat sa mga operasyong harassment sa mga yunit sa NPA ilalum sa Mt. Kitanglad Sub-Regional Command ang mga naga-operasyong tropa sa 8th IB, 23rd IB ug 1st Special Forces Battalion. Unom ka harassment ang gilunsad sa lain-laing yunit sa NPA sa gikan sa Nobyembre 12 ngadto sa Nobyembre 20 sa mga baryo nga sakop sa Libona, Malaybalay City, ug Valencia City sa probinsya sa Bukidnon. Nanganyon napulo ka higayon ang mga pasistang tropa nga miresulta sa pagpamakwet sa mga Lumad nga anaa nanimuyo sa lasangon nga bahin sa Libona.

Sa Western Agusan Norte-Agusan Sur Sub-Regional Command , tulo ka harassment operation ang gilunsad batok sa mga nag-operasyong tropa sa 26th IB, 36th , 28th IB, 29th niadtong Nobyembre 9, sa Mahayahay sa San Luis; Nobyembre 21 sa Marbon, Talacogon, Agusan del Sur ug pagka Nobyembre 22 sa Mahagsay, San Luis, Agusan del Sur. Nagapadayon ang operasyong saywar sa dagway sa Community Organizing for Peace and Development sa 13 ka mga komunidad ug baryo sa La Paz ug San Luis sa Agusan del Sur.

Niini tanang 22 ka mga panagsangka gikan Nobyembre 9 hangtud sa Nobyembre 22, mokabat na usa ka platun ang kaswalti sa AFP samtang usa ang natalang kaswalti sa NPA.

Ang rehimeng US-BS Aquino nagdamgo lang gihapon sa pagtuo nga pinaagi sa bangis nga kontra-rebolusyonaryong Oplan Bayanihan mapahuyang nila ang nasudnon-demokratikong rebolusyon sa dili pa mahuman ang iyang termino. Ang kainutil sa pagsandig sa militar nga gahum aron sumpuon ang rebolusyonaryong pakigbisog sa katawhan, napamatud-an na sa kasaysayan sa Pilipinas panahon sa pagharing militar sa diktadurang US-Marcos.

Pinasikad sa natigom nga kusog, napabarug nga mga lokal nga organo sa pulitikanhong gahum ug lapad nga pagsalmot ug suporta sa dinaugdaug ug pinahimuslan nga katawhan, determinado ang tibuok rebolusyonaryong pwersa dinhi sa rehiyon nga suklan ug pakyason ang Oplan Bayanihan.

http://www.philippinerevolution.net/statements/20141123_usa-ka-platun-ang-kaswalti-sa-afp-sa-mga-panagsangka-sa-mga-tropa-sa-npa-sulod-sa-katorse-ka-adlaw

No comments:

Post a Comment

Note: Only a member of this blog may post a comment.